عرض للطباعة
منتدانا حلّتنا ..
تمرق منو تجي تلقاهو انقلب راساً على عقب!!
ناس مافي!!
وناس في!!
وناس حارساهو بالعكاز !!
مرقت وجيت .. شهرين بس
لقيت الناس ما بتعرفني !!
والناس اللي بعرفهم ماتو (على ما اظن)..
بس .. الحيكومة ياها الحيكومة .. كعادة الحيكومات
لا بتمشى لا بتزح!!
سبحان مغير الأحوال !!
وناس حارساهو بالعكاز !!
عكاز شنو يازول انت ما سمعت بالسفروق 2008
بالردمــــيه:
((ياحليل زمن العكاكيز... السفروق بقى شفروق لزوم الحنكشه موديل 2008))
حمداً على سلامة العودة
الناس ظروف لكن المفروض الواحد لمن يزوغ لفترة طويله ما فى مانع يطمن الناس فى المنتدى انو حيغيب .
وبالطريقه دى الناس بتعيش معاك فى اى وضع كان
والناس مشاغل
يا شبارقة الما بعرفك بجهلك وانا من الناس البعرفوك ولسة حي . اما عن حيكومتنا الرشيدة ففازت في الانتخابات الفاتت بنسبة 99.9% والصوت الناقص دا بتاعك انت .
شبارقه صِحا من بدري وحّزم شنطو
وقال للحِلة الله معاك
ابوه العمده تاكِل عكازتو
وتحت الزير راقد عرقان
شافو مِجرجِر شنطو وماشي
وين يا مان؟ ... ما تكون زعلان؟
أبدا والله ....
دي دقّة سريعة لليابان
أودي جماعة حجّة وزوغة
وأجيب ساعات كيمان كيمان
حجّة شنو؟؟ وفي اليابان؟؟
ومالا بلدنا يا السجمان؟
بلدنا تمام .. ما فوقا كلام
بس بهناك أنا القبطان والربان
وفي السودان مهلهل ساي وزول تعبان
أقعد احاحي في الجيران
قروش الغاز .. قروش النور
ضريبة دخل .. وما مستور
تعاين جاي تعاين جاي
تلاقي الدنيا فاضية تمام
حتى الزير بتاعنا كمان
ينقط ساي تقول مليان
تتاوق فيو ...
تلاقي الزير براو عطشان
غــريبة خلاص !!!
رغم الزير بيعاني كمان
تلقي "الكوز" بفوقو ملان
وبعد مرات بيكون غرقان
شوف يا ابوي العمده ...
حاولت أكون زي الكيزان
أعيش مبلول وأموت رويان
وكان متّ بيقولوا شهيد
وتتطلع صورتي في الإعلام
وأغرب شي .. بعد ما أموت
وأشبع موت .. ببقى عريس
ومرتي تعرس الباشاوات
وتبقى وزيرة إتصالات
كدي النلحق قطاري الفات
قبل ما يفوت فيني فوات
بمشي بطّلّ على اليابان
ولو بس أكون ربع إنسان
وأسّف التراب سففان
وأمشي في الواطة نص حفيان
وما محتاج أشوف كيزان
ولا أحلف على القرآن
إنو ضرايبي مدفوعة
يبقي الوضع وضع تمام
وتبقى أمانة في رقبتك
تبقي عشرة على السودان
شبارقه حمدالله علي السلامة
نحنا قاعدين يا اخوي بس مستنينك تنضم لينا عشان
نبادلك النضمي
اها بمشي اخد لي انبطاحه واجيك
اقتباس:
المشاركة الأصلية كتبت بواسطة شبارقة
اهلا شبارقة
بالله الحيكومة تزح تمشي وين . لو مشت منو البعبي ليها الجوالات ومنو البيدفع ليها حق DSL . خليها تسفسف شوية من الاعضاء المريشين
حبيب الكل ... أخوى شبارقه
قلت لى مشيت وجيت لقيت البيت جايط ؟
لو رجعت للوراء شويه بتلقى موضوع رهيب
لحبيب القلوب ( جمال الماحى ) والله إشتقنا ليهو
بعنوان ( المنتدى فى غرفة الإنعاش )
أها ... دا هو اللى حاصل هسى
الحكومه .. وحات الله يا شبارقه بقت ذى أيام
الديمقراطيه الزمان قاعة إنعقاد الجلسات الحضور شويه
وحتى الحضور تلاته أرباعهم نايمين .. خليها على الله
قلت لى كتار ما عرفوك ؟ معزورين يا ود عمّى أصلو
نحنا اليومين دول ما عندنا شئ غير ننسخ ونلصق والسلام
يا حليل الجريده .. بعدك شلعوها
يا حليل الكرسى الساخن .. بقى بالمراسله من على البعد
وعمك أبوسفروق .. عجز وكبر .. ومن يوم وقعت منو محفظتو فى سوق
الدهب وهو كلما يجى سوق الدهب وهو يفتش ليها .. ويفك فى سفروقو
شرق وغرب محل يقع يقع ..
يا حليل حوش أبورجاء وناس شبرقيه وأبودجانه
وبورتبيل ود عمّى من أدوهو ( أم دلدوم ) فى الطاحونه طوالى إتفرتقت
عشان الطاحونه من غيرو مسيخه وما ليها طعم
أقول ليك شنو يا شبارقه يا أخوى ؟
والله خايف لو واصلت ح تقول لى دى حال المنتدى
ولأ مسرحية كاسك يا وطن ؟
[C OLOR="Red"]شبارقة مالك ومال الحيكومة :mad::mad::mad:اقتباس:
المشاركة الأصلية كتبت بواسطة شبارقة
[/COLOR]
شوف الجنا ابلساناً فاكي ..اقتباس:
المشاركة الأصلية كتبت بواسطة نزار حسن محمد
أسكت ما تسمعك أمريكا تقوم تضرب سوق الرواكيب !!
ما عارف السفروق سلاح محظور دولياً، ناقصين بلاوي نحن!!
الناس يا عمنا محجوب خلّت مشاغلها وبقت في شمارات الناس ، ربنا يكفينا لسان الدلالية وست الشاي!!اقتباس:
المشاركة الأصلية كتبت بواسطة mahagoub
وحتى لوكنت قاعد ، أنا معاااااااااااااارضة ..اقتباس:
المشاركة الأصلية كتبت بواسطة عماد عبدالشكور
دي دايره كلام؟؟
أنا آخر زول صحا في الدنيا دي ، ولقيت الناس خمّت وفاتت!! خليها على ربك!!اقتباس:
المشاركة الأصلية كتبت بواسطة ابوالنور
أخد انبطاحتك وتعال ، أصلو انا وانت آ الكاشف أخوي من يومنا منبطحين ، ومرمي الله ماااااااابترفعاقتباس:
المشاركة الأصلية كتبت بواسطة ابوالنور
الكلام دا كبير أوي يا معالي الباشا ..اقتباس:
المشاركة الأصلية كتبت بواسطة صالح ابوشوارب
أنا ماعرفش حاجة ....
كاسك يا وطن دي مسرحية عرائس؟؟اقتباس:
المشاركة الأصلية كتبت بواسطة ود المطامير
عموماً انا وانت يا ود عمي بنقدها وما نسدها !!
أكرب بطنك وارجاني في الحدبة !!
اقتباس:
المشاركة الأصلية كتبت بواسطة مدنيّة
ينقطع لساني من الركبة كان قلت حيكومة ، انا قلت عيزومة عيزومة!!
الحيكومة ياها الحيكومة
وبت الحاج ياها بت الحاج
هل ود المطامير ياهو ود المطامير؟
وهل الجريدة ستعود كما كانت وكنا؟
حبيب قلوبنا .. أبوشنطهاقتباس:
المشاركة الأصلية كتبت بواسطة Madanawi
والله مشتاقين
ود المطامير يا حليلو
رمى الطاقيه وملص السديرى
ودخل العولمه
عشان الجمهور عاوز كدا
وعشان تعبت من السباحه عكس التيار
لااااااااااااااااااااااااااااااااااااااااااااااااا ااااااااااااااااااواقتباس:
المشاركة الأصلية كتبت بواسطة Madanawi
انت نايم وين !، ما الدنيا اتطورت والناس اتثقفت (اتسغفت)،،
بت الحاج ما ياها بت الحاج !!
ولا جنا المطامير يا هو جنا المطامير ، (فتر من العوم عكس العرق)!!
والجريدة ذااااااااااااتها ما حتكون الجريدة ..
والحيكومة يا العشا ابلبن نامت زيادة ....
إزيك يا ود الشبارقة
إنت ما سمعت الفنانين الكتار الواقفين صف طويل وبيغنوا :
حاجة آمنة إتصبري عارف الوجع في الجوف شديد وعارفك كمان ما بتقدري .. إتصبري إتصبري..
هبشتي جاي .. هبشتي جاي .. كان تلقي شيتن يتعمل .. يأكلو العيال ...حبة عدس ما بسوي شيء وينو الدقيق ؟ وينو الفحم ؟ حبة عدس ما بسوي شيء وينو الرغيف ؟ وينو البصل ؟
إنت ما عارف حاجة آمنة دي منو ؟ دي يا حبة ما أمي وأمك وأم أبوشوارب ذاتو ؟
ما سألتها تتصبر ليه ؟ ما البصل والفحم واللحم والدقيق والعدس في سودانا على قفا من يشيل ... بس حبة مغتربين في الخليج من كل بيت وكلو تمام .
وحكاية الحكومة هي منو ؟ دا موضوع يطول شرحو .. عشان البجوا كلهم وبدخلوا قاعة الصداقة بإسم الشعب بيوسخوا القطيفة بتاعتها وبياكلو المحمر والمشمر بتاع مطعمها وبينوموا في التكييف المركزي بتاعها بعد البيبسي البااااااارد . ثم بيفكروا في حاجة آمنة أخيراً