سلامات ليكم الاتنين اكان ابوصلعه واكان الاعمي وينكم انتو
يا الاعمي ياخي نحنا ما دفنا سوي ولا شنو ما خلينا لينا فته ما اكلناها
ولا خلينا لينا شاي لبن ما شربنا ولا عياده ما وصلناها ولا صيدليه ما اشترينا منها دواء وياما قعندنا واتونسنا ياخي انا قاعد في مكاني تلفوني ياهو زاتو وايميلي كذلك ورسائلي الخاصه شغاله ما بتقرا يعني ما سافرت ولا غيرت رقم التلفون ولا بخش النت ولا ما بخش ما معروف
بعدين ياخي الواحد لو ما فاقد ما بسوي كده يقعد زي المجنون كل يوم يقول اليله بتجيني رساله طاشة ولا تلفون طاير ولا اي حاجه وامن غلبني اصبر شلت حناني جيتكم وانت يا ابو صلعة نسيت التشيرت الكط ولا نسيت ونسة العصر بالشاي الساده والتحية من هذا البوست للزولين الراقيين ابومرام ونبيل حمتو اللذينا لم ينسوة اجمل لحظات لمتنا مع بعض والتحية موصوله للرجال اهل الحوبة
هيثم عبد العال وابوبكر محمد المبارك اللذينا اذا احتجتهم لقيتم جنبك والتحية موصوله لاخونا وجارنا ابوزيد محمد نور
قلنا نغير العنوان حبة وندخل الموضوع بطريقه حلوة لانو انا متأكد هسي الشمارين بكونو اندهشو من العنوان
اها يا جماعة افوتكم بعافيه
يا سواااح والله مشتاقين وكذلك نزار ياخي اسألو ولا شنو
مدناوي خليك مواصل في ردودك الجميلة هذه ومشاءالله علي كلماتك
