السلام جاكم
انتو الحاصل شنو ؟؟ سامع لي طق عكاكيز البارح في ضهر الحلة الفوقانية ... قالو ود المطامير الله يخدر ضراعو لامي ليهو في همباته طقطقة شديدة ومعاهو صبيان ناس الحلة الفوق الله بطلق ايدهم في الهمباتة المابخافو من ربهم ويسرقو في المحروزات ويجيبوا لينا فيهن . ونحنا شايفين وعارفين البجيبوا فيهو ده حق ناس فلان وفلتكان .
إلا شرطة حلتنا باقي لي عندها مصلحة مع الهمباتة ‘ جات ووقفت الجنيات ناس المبروك ود المطامير والصبيان الفحول المعاهو بدل ما تقيف معاهم وقفت في صف الهمباتة !!! .
لكن غايتو نحنا ناس الحلة دي يادوب عرفنا ومابنخلي لينا همباتي يجي جاري ليهو بموضوع منقول ولا بلنك بيجاي تب على الطلاق إلا يجو في قبورنا لكن نحنا عينا مليانة موية كدي ما بختموا فينا تب هنا ، والبوليس مان اتعرض لينا بنكتلوا والباقية بعدو التبقى ..
اها فتكم عافيةو بحيكم راجع
