ونسة .. وهلال مريخ ومليون ونص ضاعت !!!
قابلته في المطار بالأحضان وبعد السلام والتحية وتفريغ الأشواق للغيبة في الإجازة السنوية عند الأهل في ربوع الوطن ، أمسكت بترولي عربية العفش وطلعنا من المطار في دردشة ووصلنا العربة وفتحنا الضهرية وأنا أشتم رائحة شمار السليم وبلح كريمة وكانت ريحة الدكوة هي الطاغية وأنا احط في العفش أمني نفسي بفسيخ ( الكاس ) بتاع بحر أبيض ، تحركنا من المطار وبدون شعور سألته عن كورة هلال مريخ الأخيرة كونه هلالبيا
وأكيد دخل الكورة !!
كورة شنو بالله ماكنت جايب ليها خبر لما لقيت خبرها في الجرايد ، وسألته أين كنت ؟ قال لي ياخي اليوم داك أنا بايت في شرطة بحري وصحت منزعجا ! يازول مالك ؟ قال لي : كنت مخطط أخش الكورة لكن في صباح ذلك اليوم ذهبت السوق في الصباح لجلب بعض حاجيات البيت وفي أثناء مروري وسط السوق استوقفني شيخ تبدو عليه ملامح التقوي والصلاح ومعه شاب يحمل حقيبة بها ساعات ( رولكس ) وبادرني الشيخ والله انت ود حلال نحن من الصباح دايرين لينا زول زيك كده يحكم بينا ! ياخي الساعات دي اديتو فيها 4 مليون ومسك مني أسه مليونين ونص والباقي ليهو مليون ونص جايبها لي ابوي القاعد قدام الدكان داك !
وأشار الي شيخ عجوز يجلس أمام أحد المحلات التجارية مناديا له يا أبوي ! فرفع له الشيخ يده ايضا مؤكدا أنه والده ! ورسل ولد للبنك يسحبها ! وهنا دخل صاحبي واسطة بأن يقبل الشاب بمبلغ 4 مليون واخذته نشوة باختياره واسطة خير ولما تمّ الأمر قال له الشيخ عليك الله أديهو المليون ونص كان عندك وارح علي الدكان ! فقال لي لم أتردد في دفع المبلغ لما لمسته للصلاح وجمال الشخصية وحلوة الكلام وثقتي في هذا الرجل ! وذهب الشاب بالمبلغ وذهب الشيخ متجها لدكان والده الذي أمامي مباشرة لاحضار الفلوس !
وظللت منتظرا وطالت المدة وانتظرت مرة اخري ولم يراودني أدني شك ! فذهبت للشيخ أمام الدكان محدثا اياه ومسلما أين ولدك الذي كان يقف معي الآن .. وتحدث له الرجل بأن ليس لديه أولاد ؟؟ فقلت الولد الرجل الذي ناداك يا أبي ؟ فقال له والله شفت راجل سلم علي ورديت السلام ، وكان للدكان بابين واتضح أن الشيخ المحتال خرج من الباب الثاني ليشرب صديقي أجمل مقلب في حياته واجازته وهو الرجل الحريص جدا ،،
ذهب للشرطة واصفا حالة الاحتيال فاذا بالضابط يوقفه :
أووووووووووو أوعها يكونوا الجماعة بتاعين الساعات !!!!:D:D
كده انتظر شوية .. فانتظر صاحبنا بقية اليوم والليل كله وكان بين الحينة والأخري يحضر
أحد الأشخاص مبلغا عن نفس الحالة بأنه فقد مليون ونص نتيجة احتيال الساعات .
نسي صاحبنا هلال مريخ ونسي فلوسه الضاعت منو واصبح متفرجا طيلة الليل في ناس ناسيانا والكورة 3 /2 والهلال شال كاس الممتاز للمرة الخامسة وصاحبنا نسي أهم حاجة
كمان ( الدكوة ) وطلعت الريحة فول مدمس :D
