عرض للطباعة
خرمج: مصدرها "الخرمجة" أي البعثرة
خرمج الشيء أي بعثره واحتمال كبير يكون لحقو امات طه
نحو
خرمجت افكاري
ما يخش: اي ما يدخل
لم اجد مصدرا لكلمة "يخش" اللهم إلا افعال
واحياناً واحياناً تأتي كلمة "خش"مقترنة ببعض حروف الموسيقي التصويرية مثل الحرف "تووووووش"
على شاكلة:
توووووش خش في الموضوع "مع فتح الخاء والشين كلٍ على حد
هذه الحالة طبيعية تصاحبني كلما اقتربت السنة من نهايتها
هنا حيكون في الخرمجة الما خمج اذا استمرت الحالة
سأعود
اقتباس:
المشاركة الأصلية كتبت بواسطة ابراهيم
آي لأنو الخمج ما سمح لذا عندما تكون الخرمجة "ما خمج" هذا بلا شك سيكون محمدة لخواطري المبعثرة هنا وهناك .. لأنو ما ممكن الواحد يكون قاعد في سندان الخرمجة وتجي واقعة فيهو مطرقة الخمج .. والذي قيل عنه هذا الأخير في مقال منسوب لاحدى الصحف الالكترونية بأنه مرض خطير وعلاجه يتطلب المواظبة في تجرع سم القعونجة البرازيلية ..
http://www.20at.com/images/main/Flowers-Main-1.jpg
أًصفر ، احمر ، ازرق ، اخضر ، فوشي
جوطة بتاعة ألوان وفي الوضع الطبيعي ما اظن يتفقو
بالاخص لو نظرنا ليها بي زاوية هلاريخية
واختلاف الكرسيين شكلاً ولوناً
والزهريتين حجماً وألوان بعيوية
والخلفية تحكي عن ظروفها
خرمجة
ولكن الشكل العام جميل لابعد الحدود
مصطفى سيد احمد الرجل الذي كان ينشد قدوم تلك الفتاة المدبجة بالاريج، قد رحل وهو يحلم بامرأة تحملنا فراشات في مقلتيها ، رحل وطال الانتظار فلم تحضر (مخلصته)، وطال بنا الانتظار فخرجت البنت الحديقة امرأة نشاذ ، حضرت البنت (الصحراء ) تجر خلفها رمال التخاذل والهزيمة لتنثره بأعيننا فبكينا ملئ العينين متاهات، انشدنا اخر ما تبقى من سِفر حزين لمحراب يضج بصلوات الوداع وتراهات المغيب ، طرقات للمستحيل لا تعرف الوصول وتفضي الى ( لا شئ ) ... وعندما يعتصرنا الحلم تخرج (البنت الحديقة ) معبأة بأعياء السنين ( وعجاج البحر ) وحينما يحضرها المخاض تخرج من رحم الغيب نغم اشبه بي الانفلات من المحتوم .
لوتعلم يا رجل كم هي مرهقة ومُرهِقة لما كلفت نفسك هذا الفناء
اكتبو لي حجاب
من الهلكني هلاك
مافي زول يكلم
كيفن ما بخرمج ..والله الخرمجه دى حلوه حلا بس تقول راجل ...هناى ..اهآ وقيفنا وين فى الخرمجه ..طبعا يا اتلش الخرمجه انواع ومقاسات
مثال يوم راس السنه ..ابناء الحى البريطانى بحضرو راس السنه فى نادى الجزيره وابناء جزيرة الفيل ..لل الله درهم بحضره حفلة راس السنه خلف الاسوار وتبتدى الخرمجه شى قليع مرايات العربات السمحات وشى لطيش اسبيرات
ابناء الدرجه توش النادى طوالى ابناء الدباغه
خلط شديد وين فندق امبريل من خارج الاسوار.. . كدى بمشى وبجيك ونواصل ..
اقتباس:
المشاركة الأصلية كتبت بواسطة admin
انت عرفت الحالة من امبارح
انا ظاتو شليق ومستعجل
الله يجازيكم يا نفيسة وسكينة
اشوف فيكن يوم
اقتباس:
المشاركة الأصلية كتبت بواسطة نزار حسن محمد
تعرف يا ابو سفروق
اجمل شي في كلامك دة
"توش"
ولو شكسبير كان شافها هسي كان عملنا لينا تاريخ تراجيكوميدي
جزيرة الفيل أجدع ناس
عزيزي المخرمج ..اقتباس:
المشاركة الأصلية كتبت بواسطة ابراهيم
اااا اخوي
الخرمجة سمحة بالحيل
والنسالك ..
في شنو في الدنيا الان
ماشي بنظام
محل ما تمشي
خرمجة * خرمجة
عزيزي المخرمج ..اقتباس:
المشاركة الأصلية كتبت بواسطة ابراهيم
اااا اخوي
الخرمجة سمحة بالحيل
والنسالك ..
في شنو في الدنيا الان
ماشي بنظام
محل ما تمشي
خرمجة * خرمجة
اخوي الخرمج ..اقتباس:
المشاركة الأصلية كتبت بواسطة ابراهيم
عندما تكون الخرمجة باهمال
كل شي يحلو
والنسالك تاني
هسي العرس بدون خرمجة وخمج بنفع ؟؟
لفتة : سم القعونجة دي نلقاهو وين ؟؟
خرمجة الالوان حاجة تانيةاقتباس:
المشاركة الأصلية كتبت بواسطة ابراهيم
وده بسوقني للسؤال عن الفن
عملو ليهو مدارس
يقول ليك دي خرمجة سيريالية
وحاتك كان تفهمني سيريالية معناها شنو ؟؟
مصطفي سيد احمداقتباس:
المشاركة الأصلية كتبت بواسطة ابراهيم
كان هذا الرجل يخرمج ولكن بادب
خرمجته اقتلعت وزعت كثير من الاحزان
وعندما خرمج بي لمحتك قلت بر امن
حينها لم اجدها هي ولم اجد مكان ارسو فيه
اقتباس:
المشاركة الأصلية كتبت بواسطة سواااح
بس نطلع "الخمج" برة القوس وخرمجو علي كيفكم
سم القعونجة البرازيلية "احتمال كبير يكون في البرازيل"
يعني لازم تحندكنا يا سواح
نفسية تكون بت الجيراناقتباس:
المشاركة الأصلية كتبت بواسطة ابراهيم
وسكينة قالوا احتمال تكون اختها
وتحت تحت قالوا
هن سبب خرمجة شباب الفريق
اقتباس:
المشاركة الأصلية كتبت بواسطة سواااح
لا ما بتفق معاك
انت لازم تفرق بين الخرمجة والبشتنة والجهجهة والبعزقة
قول محل ما تمشي
بشتنة * بشتنة
جهجهة * جهجهة
بعزقة * بعزقة
عشان ما تجهجهنا
اقتباس:
المشاركة الأصلية كتبت بواسطة سواااح
غايتو ما بعرفها لكن احتياطياً كدة ممكن تكون من خرمجات العصور الحجرية
ومنسوبة لاحد رواد الخرمجة في ذاك العصر والله اعلم
اقتباس:
المشاركة الأصلية كتبت بواسطة سواااح
يعني الموضوع كان شرك "بفتح الشين والراء"
وكنا نحن صيد ثمين وسمين
[COLOR="Magenta"][SIZE="5"]ابراهومه الحبيب .... مرحب بالخرمجه ... الما خمج
(1) خرمجه أدبيه .... بالفصحى .. خرجت منها هاشا باشا مليئا بها حتى غازلني الناس في الشوارع ... دي منو فيهن .. الهدت في الكاتب ... سؤال محيرني
[COLOR="Red"]خرمجه موسيقيه ...(جلالة جيش) ياهو يا مريم سمبلا ماهيه مافي .. والواسطه خربت سودان بقى سمبلا ماهية مافي .... ما معنى كلمة سمبلا؟؟؟؟ وماهي العلاقة بينها ومسلسل الاطفال ... عودة سنبل؟؟؟؟
غلوتيه ... شفع ... الأولاد عايزين اللبن ... واللبن عند البقر ... والبقر عايز حشيش ... والحشيش عايز مطر والمطر عند ربنا ... ربنا يا ربنا .. ربنا جيب المطر ... هل تصلح هذه الغلوتيه .. في زمن الحمى النزفيه؟؟؟؟
دعوة حبوبة ... ان شاء الله يا ابراهيم ... دايما .. دلوياً ملان .... وعشا الضيفان ... وفي وداعة الرحمن :D
اقتباس:
المشاركة الأصلية كتبت بواسطة سواااح
نفيسة دي ظاهرة نادرة بتجي في ديسمبر عادة
وسكينة دي سلاح ذو حدين حسب حظك
ودي سبب جهجهة فريق الشباب
يا ابراهيم -
الحكاية شنو عملت لينا خربجة ولخبطة ....
كلامك ده كله مكرمش -
أنديك المعلومة دي :
توش + عوش = بوش .
لكن عندي واحد كده بجيبه ليك استاذ في الخربطة ..
اقتباس:
المشاركة الأصلية كتبت بواسطة عثمان جلالة
سلامات عثمان يا ابوي وحاة الله الواحد يشوف الابتسامة دي سااااي بيبقى سعيد
اريتني بالملهمة التغذيني بس عشان اجاوب على سؤالك دة وامرق ذاتي من الحيرة والدهشة اللابساني دي .. يا عثمان الواحد بقى زي واحد كدة قالوا يومي يصحى من النوم مندهش.. في مرة من المرات صحى ولقى نفسو ما مندهش
قام اندهش
اهآ ..وقفتووو وين فى النظام العام ...
يا تلش الرجاء شرح معانى هذه الخرمجات
1- ام دلدوم حمانا النوم
2- شلوت صاموتى
3- فليتت حاج ابكر
4- زردية ..مفك
5- حنكشة العدمان
اقتباس:
المشاركة الأصلية كتبت بواسطة عثمان جلالة
سمبلا دي على ما اعتقد مركبة سم + بلا
لأنها مقترنة بي بلاوي والله اعلم
توجد علاقة عكسية حيث أن الوديع سمبل كما في مدخل المسلسل
صديقنا سنبل
سنبل سنبل سنبل
يعود من جديد
يروي لنا الحكايا عن عالم سعيد
وحيث ان ذلك العائد بخفي حنين ومريم عشمانة بالعالم السعيد
كما عشم هناي داك بسعيدة الحظ التي لم تكن إلا تلك البنت الحديقة التي قيل أنها ستأتي