كثرة الاقاويل التي تصلنا هنا في انه انتشرت ظاهرة بيع وتوزيع خمور انتاج امريكي توزع في اكياس
يا ريت تكذبو لينا الموضوع دا
واذا حقيقي عايزين نفهم الحاصل بالظبط شنو
ومين المسئول
عرض للطباعة
كثرة الاقاويل التي تصلنا هنا في انه انتشرت ظاهرة بيع وتوزيع خمور انتاج امريكي توزع في اكياس
يا ريت تكذبو لينا الموضوع دا
واذا حقيقي عايزين نفهم الحاصل بالظبط شنو
ومين المسئول
يا ريت نفهم الحاصل بالظبط شنو؟؟
لانو الموضوع ده خطير .. فمن كان يملك معلومة
عليه مشكورا ان يوضح الأمر للجميع،،
المسئولية جماعية .. رسمية وشعبية،،
بضم صوتي لصوت اخونا مدناوي
ومنتظرين نسمع حقيقة الامر من المتواجدين في مدني
يا جماعة الحاصل شنو
كل يوم بقينا نسمع موضوع جديد ومثير عن مدينتنا
وأشياء تحدث نتمنى أن تكون إشاعات ليس إلا
وفي الإنتظار
كلام عجيب يااخوانا بمدني الحاصل شنو؟؟؟؟
والله يا شباب انا سامع الموضوع من مدني ومؤكد كمان
بس ما عارف تفاصيل
يا ريت الموجودين بمدني حاليا يفهمونا الحاصل
الحبيب البرنس ..
الحبايب المتداخلين ..
مدني مليانه خمور بلدية تكفي القارة الأفريقية ..
بقت على الأمريكية النظيفة دي ..
أخير الأمريكية دي ما بتسمم ..
ومراعين فيها معايير السلامة ..
الخمور البلدية كما الأمريكية الاتنين حرام ..
لكن خلوني .. أشكر غيرتكم الحميدة على المدينة ..
سلام يا معتز
والله بس حبينا نفهم ونعرف الحاصل شنو
لانو كل يوم نسمع كارثة مرة حقن اطفال بالايدز
ومرة خمور ما معروف فيها شنو
وربك يستر
والله حاجات تضحك
طيب قولوا في جات من وين وخشت كيف ؟
فى حاجات العقل مابتخيله . خليكم من الاشاعات واتفائلوا خير
شي غريب والله تتحدثون عن الخمور كانه شي عار واذا في خمور وين المشكلله شو مشكله خطيرة كانه بتوزع يورانيوم مخصب ياريت تكون خمور اجنبية علي الاقل موراعات شروط الجوده مش متل البلدي هو ده المشكله ياعالم مدني طول عمرها مدينة الديمقراطية والعيش المشترك وهذه اهميه و ميزة من ميزها العيش المشترك بين جميع قبائل السودان والخمر في التراث الشعبي في بعض قبائل السودان جزاء من التراث وبزكر في مدني في ميدان شندي فوق صراع النوبه وكانت الجائزة برميل مريسه . ما بعرف ليش ممشكلينها خمور في مدني واذا !
الحبيب شيخ الدين كيف ما مشكلة يا خوي على الأقل من باب الناس ما لاقيه رغيف بلدي واللحمه في تلتله كمان تجيب ليها خمور أمريكية يعني في إستثمار مدور على عينك ياتاجر إستيراد ومستورد (بكسر الراء ) ودخول البضاعة للبلد ما معروف شرعي ولا غير شرعي والمستفيد مين ومين الخاسر ؟اقتباس:
ما بعرف ليش ممشكلينها خمور في مدني واذا !
مريسه . ما بعرف ليش ممشكلينها خمور في مدني واذا !
يااخي كيف ماتكون مشكلة وسط كم من الشباب وهي ام الكبائر
اللهم أحفظ ست المدائن من كل بلاء واكشف عنها السوء والضرُ
الاخ هيثم عبد العال
ياطالع الشجرة جيب لي معاك خيمه تستر من المطرة وقت تنزل القيمه خيمة السعودية دفوا ماتدفيك وخمرا من امريكا خازوق ركب فيكا
............................ مع الاعتزار من شاعرنا الكبير حميد
يا هيثم ياحبيبي كل ما جات سرة امريكا نتكلم عن الاستيراد والتصدير والراسمالية المتعفنه وهكذا ................ انا حكيت عن ان الخمور المصنعه بطريقة علمية اقل ضرر من الخمور البلدية ولست مدافع عن الخمور بس يا جماعة خلينا نكون واقعين في خمور بلدية ولا لا الخمور خمور اذا كانت بلدية او مستورده اخي عبد الرحيم سعيد ادري يا عيني انها ام الكبائر بس هذا بالنسبة الديانة الاسلامية ولاكن مدينتتنا ليست ملك للمسلمين فقط بل يوجد فيها مسيحين وحتي بعض القبائل الاسلامية متل النوبه وغيرهم لايعتبرونها حرام بدليل ان المريسة عندهم مصدر رزق وجزاء لايتجزا من الخبز اليومي بل الاساسي
ياجماعه يا حلوين خلينا نركز علي الاشياء الجميله التي تجمع اهل المدينه الطيبه بلا ما نفوت متاهات الحلال والحرام وخمر وميسر واديري شو هذه المسال حري شخصية وانتوا عارفين و نحنا عارفين السكر وين ويباع وين بلا ما نطول الحديث ان هذا عدم موضوع نناقش هذه المسائل ونفتي ونشرع خلينا نناقش موضوع كتي حيوي موضوع النظافه يا جماعة انا في زياره ليه السودان قبل فتره وجده المدينه متسخة بشكل فظيع برغم المباني الحديث توجد مشكلة تصرف مياه لا توجد مجاري برغم المناطق جديده والاحياء جديده يا اخوان الحمامات مازالت حفر( الادبخانات ) المساله ما مسالة فقر توجد مصاري في السودان اكثر من الخارج بلا حسيده الشوارع متسخه انا بتذكر زمان يوم الاجازة كلنا نعمل حمللات نظافه لااحياة كل يوم امهاتنا يكنسنا قدام البيت ما بعرف ليه وتقول لي خمور امركية وللحديث بقية
الحبيب شيخ الدين
كنت متأكد أننا على إتفاق في الثوابت فلم أشك أنك تنكر حرمة الخمور ، وحديثك لا يخلو من صحة في جله لكن من طرح الموضوع تناول الظاهرة بإعتبارها نشاذاً طرأ على مدينة مدني يضاف إلى ما تفضلت بذكره من منغصات حولت وتحول مدينتنا الى جحيم يومي ونحن نأمل أن تقل وتتلاشي بدلاً عن أن تزداد ، فانت وأنا وجميعنا يحلم بمدينة فاضلة جاذبة تحلو فيها الحياة لقاطنيها وتسهل فيها سبل العيش .
حديثي عن الإستيراد والراسمالية لم يجئ من منظور المؤامرة التي أدمنها البعض وعلق عليها كثير من خزاياه بل هي نظرة أظنها واقعية من منطلق أننا إن قدر لنا أن نحارب الخمور البلدية على الأقل على المستوى الشخصي والقناعات الدينية لكل منا تصعب مهمتنا عند ظهور مثل هذه الظواهر .
أنا في إنتظار بوستات ومساهمات تعرض ما تحمل من أفكار تعالج مشاكل مدني بالنسبة لما تناولت من جزئيات قناعتي أنها ستثري المنتدى لما لمسته لديك من مقدرة على تلمس مواطن الداء .
لك كل الود
ام المدائن من سنين مستهدفه .. فلا نستبعد مثل هذه الاقاويل ونتمنى ان تكون اكاذيب رغم قناعتنا التامة بمثل هذه الامور ليست في مدني وحدها بل في جميع مناطق السودان .. وربنا يحفظها ..
مقارنة .. خمور امريكية في مدني ...
ورقصة بالسيف عربية امريكية في السعودية ...
الافضل في رأيكم
والله ياجماعة انا قاعد فى مدنى والكلام دا ما سمعتو الا منكم انتو
بعدبن كان حاصل اول زول بعرف انا وماتفهمونى غلط
تحياتي يا عكاشة
وما فهمنااااااااك غلط :)
اقتباس:
المشاركة الأصلية كتبت بواسطة البرنس
انت عارفنك ما منك خوف
الكلام ناس فلان
منتظرين دقسة وما بلقوها منى
اول مرة اسمع الكلام دا
يس مالوا الواحد اسال ويعرف ويوريكم الحاص شنو
إنتو متوقعين شنو بعد الاهمال الحاصل للمدينة من ناس الانقاذ ديل ...
علي العمو م الوالي و اخوه راحو ربنا يجيب الفيهو الخير للبلاد و العباد........ آميييييييين
يا أحباب ما تقلقوا (ساي ) دي مااااا خمور أمريكيه . . . دي خمور من الحبشه وبريطانيا والبرازيل وفرنسا . . .
قال أمريكا قال والله أمريكا مااا (تخت) كراعها هنا . . .
وحكايه بيع الكيس دي عشان ( القزازه ) من المستورد غاليه . . . عشان كده (بتعبي ) بالكبايات في الأكياس . . . ! ! ! .
وهسع هناك مجهودات لمعالجة موضوع (الكيس) لانو العلماء (حقننا) قاااااااالوا الكيس مضر بالصحة وبعمل السرطان . . . وكمان (الكيس ) منعوه في ودمدني . . . لانو غرامة الكيس( 250 ألف) وغرامة الخمره( 50 ألف) ولو مفلس 40 سوط . . .
الله نسألك الستر فوق الارض وتحت الارض ويوم العرض
اللهم آآآآآميناقتباس:
المشاركة الأصلية كتبت بواسطة الجندي المجهول