قناة زول

زول اسم ارتبط بنا نحن السودانين ونحن فخورون به ، ولك للاسف انطلقت هذه القناة التي تحمل هذا الاسم المميزلنا وتعرض برامج ليس من عاداتنا ولاتقاليدنا ولا اعرف المغذي والغرض من عرضها ، هل بهذه البرامج ينجذب المشاهد بالبرامج الهابطه والتعري والليالي والسهرات الحمراءالحبشيه، والحفلات السودانيه الخادشه للحياء، الله يكون في عون السودان ،
رايكم شنو

مرحبا.. طبعا أنا سمعت بالقناة بس عمري ما شفتها ولا شفت إللي قاعد ينعرض فيها بس إذا دا قولك عن القناة دي وإللي قاعد ينعرض فيها عن أشياء تخدش بالسودان فغير الله يجيب العواقب سليمة ولك الشكر..

الاخ امير بسال من قناة زول دي ترددها كم وموجوده في ياتو قناة.ارجو ردا سريعا

كلنا سامعين
بس ماشايفين
ورونا ترددها كم بس ياريت عالنايلسات

*-*-*-*-*-*-*-*

الاخوه الاعزاء
ريانيه شكرا علي مرورك احسن انك ماشفتي
abdginaالمميز لكم كل التحايا
نايل سات التردد 12093
عرب سات 11555

يجب ان تكون هناك رقابة
من وزارة الثقافة
علي القنوات التلفزيونية
ومتابعة ما يبث فيها

فعلاً أخي أمير هي قناة تخدش الحياء وأغلب برامجها لا علاقة لها بإسم زول الذي نحترمه جميعاً ، ومثل هذه القنوات يتحكم في برامجها الذي يقدمون الدعم المادي وهم الملاك الحقيقين ولا يهمهم العادات والتقاليد وكما تعلم أخي المسألة أصبحت تجارة مما يتيح المجال لوجود ضعاف النفوس للعبث بكل شي من أجل الكسب المادي ، وإذا أردنا أن ننفتح على العالم عندنا الكثير والجميل والمحترم الذي يعكس ثقافتنا وتاريخنا 0

الاخ امير

زول - قناة تنضم لباقة القنوات السودانية - وسعياً وراء الكسب المادي بالوسائل الرخيصة والمبتزلة - وجذاباً للاعلان وللمشاهد بصورة كبيرة - للاسف الشديد تنتجه هذه القناة وجهاً سودانياً مغاير تماماً لما يعرف عن السودانيين واخلاق السودانيين.... التعري والحفلات الصارخة والفاضحة هو ديدن هذه القناة الجديدة .. واتسأل وانا اتابع تصوير لحفل ( اثيوبي) وضح فيه احتساء الخمر بواسطة بعض الفتيات الاثيوبيات الجميلات وهن يستمتعن للغناء الاثيوبي ( وبالطبع لا نفهم منه شي) - والمدهش في الوصلة الغنائية الثانية ماج المكان وهاج - ورقصن الاثيوبيات رقص فيه ما فيه - وربنا يستر على الزول السوداني المغلوب على امره.

واتسأل من هو المسئول من مثل هذه القناة - والى اين تريد ان توصلنا مثل هذه الشرخات في جدار الصمت السوداني؟

تناول المواد غير السودانية
بمدخل سوداني له الف سؤال..
زول كلمة سودانية وما يندرج
من قنوات او اي وسيلة اعلام
يجب ان تراعي مسئولية ما تحمل
وما تقدم من منفعة للسودان خاصة
وللبشرية بصفة عامة،،

انا مع راي الجميع هذه القناه ما بتشبه السودانيين

اتمنى ان يعمل القائمون على هذه القناة على ابراز سماتنا السودانية الحقيقية وان يعرفوا أن هناك ملايين القلوب " بين صدور "الازوال" تتلهف لتلك القناة لتعبر عنهم بحق وحقيقة فيراعوها لتكون مفخرة لهم.

الاخوه الكرام تحيه طيبه..
كثيرا من القنوات الفضائيه اصبحت في الاونه الاخيره تبث برامج موجهه لخدمة اهداف معينه اسال الله ان لا تكون قنواتنا السودانيه موجهه بافكار وبرامج غير سودانيه الهدف منها كسر وضعف نفوس الشباب اقول الشباب لانه المقصود في كل الحملات الاعلاميه وانتم تعلمون كيف سيصبح حال السودان او الامه لو فقدت شبابها.
وربنا يستر..

لا تعليق


عرف السودانيون في دول المهجر عامة وفي الخليج خاصة باسم ( الزول ) ، وكثير من الأخوة العرب يستغربون من هذه الكلمة ويتسألون عن معناها ، فهل لها فعلاً أصل في اللغة العربية . إليكم ما ورد في معجم ( لسان العرب ) لأبن منظور من معاني لهذه الكلمة .

المزاولة المحاولة والمعالجة ، وقال رجل لأخر عيره بالجبن ( والله ما كنت جباناً ولكني زاولت ملكاً مؤجلاً ) ، وقال زهير : ( فبتنا وقوفاً عند رأس جوادنا يزاولنا عن نفسه ونزاوله ) ، تزاولوا تعالجوا ، زاوله مزاولةً زوالاً حاوله وطالبه ، ( وكل مطالب محاول مزاول ) ، تزوله زولة أجاءه ، حكاه الفارسي عن أبي زيد الزول الخفيف الظريف يعجب من ظرفه والجمع أزوال ، زال يزول إذا تظرف والأنثى زولة ، ووصيفة زولة نافذة في الرسائل ، تزول تناهى ظرفه ، الزول الغلام الظريف ، الزول الصقر ، الزول فرج الرجل ، الزول الشجاع الذي يتزايل الناس من شجاعته ، وأنشد أبن السكيت في الزول لكثير أبن مزرد ( لقد أروح بالكرام الأزوال معدياً لذات لوث شملال الزول الجواد ) الزولة المرأة البزرة ويقال هي الفطنة الداهية ، وفي حديث النساء بزولة وجلس هو من ذلك وقيل الظريفة ، والزول الخفيف الحركات ، الزول العجب ، زول ازول على المبالغة ، قال الكميت ( صرت عماً لها بالمشيب زولاً لديها هو الأزول ) أبن بري قال أبو السمح الأزول أن يأتيه أمر يمنعه الفرار ، والزول الخفيف ، وأنشد القزاز ( تلين وتستدني له شدنية مع الخائف العجلان زول وثوبها )

لقد اختلط الحابل بالنابل

الله يسامحهم شوهوا سمعت الزول السوداني




ودمتم في امان الله،،،

والله انا اول مرا اسمع بيها عشان كدا ما حا اقدر احكم عليها عشان ما نظلم اهلنا الا بعد ما نشوف بعينا

والله يا جماعة قناة زول هذه ليست بكل هذا السؤ الذي توصف به -انا شخصيا تابعتها لفترة واحسن ما نحكم عليها لانو ما زال البث تجريبي؟
شكرا الرائع امير عبدالباقي ولك شكري

الاخوة الاعزاء
صدمت حقيقة عندما قرأت هذا البوست عن قناة زول وآمل أن تتضافر جهود الجميع لوقف هذه القناة عند حدها أو تغيير اسمها وفي البداية حقو نحاول نعرف من أين تبث هذه القناة ومن هو مالكها الحقيقي حتي نستطيع الرد عليه أو مقاضاته إن غقتضي الامر ولكم ودي

شكرا لكاتب الموضوع.. إنه سؤ الإعلام العربي و أعني سوق بس باللهجة المصرية
للأسف القنوات كلها بقت عاملة زي البنات البيفتشوا على شغل في هذا الزمن الكعب حيث من تتبرج وتتمكيج وتتبذل هي من تتوظف.. تراثنا غني جداً وبلدنا جميل وبي صراحة نحن عايزين قنوات تخدم قضايانا الكتييرة نحن الشباب وقضايا بلدنا القارة بصورة موضوعية مش نقوم تعرض لينا إبتذال أو كما تفعل قناة..... السودانية المشفرة بالخارج عبارة عن عرض لبنات حلوات وممكيجات وحظ أصحاب الصالونات النسائية وبياعين الميك أب المضروب دعاية مجانية ليهم..
قناتنا السودانية الفضائية ونحن نتابعها بأرض المهجر جميلة والله ونقية أو طاهرة زي ما بيقول متابيعيها رغم انه الأمر أحيانا لا يخلو من مساخة وبرامج مسيخة..
بس أعتقد إنه تشبيه الصحفي حسين خوجلي لشئ بصحيفته ألوان يوما ما لا أذكره: قال إنه عامل زي أكل المستشفى مسيخ لكنه مغذي وصحي..
شكر خاص جداً للذهبي دوماً أحمد نور لإضافته الجميلة وأرفق له وصلة ملطوشةمن أحد الإخوة بمنتدى النيلين الشقيق: وأعتذر لو طولت:

معاني كلمة زول في اللغة العربية
________________________________________
الزول ومعناها

--------------------------------------------------------------------------------
الزول: تلك اللفظة العربية التي أصبحت تعادل كلمة (سوداني) في كل مهجر ومغترب ، حتى أصبحت شعاراً للسوداني ـ هي والعمامة ـ و (زول) من فصيح العربية ولها في لسان العرب لابن منظور أكثر من سبعة عشر معنى ، فالزول تعني :
(1) الكريم الجواد ، أنشد السكيت المزرد :
لقد أروح بالكرام الأزوال من بين عم وابن عم أو خال
(2) والزول الخفيف الحركات ، قال أبو منصور الثعالبي في حديثه عن الممادح والمحاسن ، حين ذكر أطوار الإنسان :
فإذا كان حركاً ظريفا متوقدا فهو : زول .
(3) والزول الفتى ، قال محمد بن عبيد الله الكاتب المشهور بالمفجع يمدح علياً رضي الله عنه :
أشبه الأنبياء كهلاً وزولاً وفطيماً وراضعاً وغذياً
(4) والزّول : العجب ، ألا ترى السوداني إذا استغرب شيئا قال : يازول ؟؟ يعني ياعجبي من هذا الشيء . قال الشاعر في وصف سير ناقة .
مرفوعها زول وموضوعها كمر غيث لجب وسط ريح
فمرفوعها زولٌ يعني سيرها إذا أسرعت عجب من العجائب .
(5) والزول : الشجاع الذي يتزايل الناس من شجاعته
(6) والزول الخفيف الظريف الذي يعجب الناس من ظرفه
(7) والزول الغلام الظريف
(8) والزول : الداهية
(9) والزول الصقر
(10) والزول : معالجة الأمر كالمزاولة
(11) والزول: التظرف
(12) والزول : الحركة
(13) والزولة : المرأة الظريفة ، قال الأصمعي : أنشدتني عشرقة المحاربية ، وهي عجووز حيزبون زولة ... قال أبو علي : الحيزبون التي فيها بقية من الشباب . والزولة الظريفة
(14) والزولة : المرأة البرزة (الجميلة) الفطنة الذكية ، قال الطرماح بن حكيم :
وأدت إليّ القول منهن زولة تلاحن أو ترنة لقول الملاحن
والملاحنة هي الفطنة ، فهذه تتكلم بما يخفى على الناس ولا يفهمها إلا الفطن .
(15) والزولة : الفتية من الإبل أو النساء ، قال رؤبة بن العجاج :
قد عتق الأجدع بعد رق بقارح أو زولة معق
(16) ووصيفة زولة : إذا كانت نافذة في الرسائل
(17) ويقولون فلان رامي الزوائل : إذا كان خبيرا بالنساء ، قال الشاعر :
وكنت امرأً أرمي الزوائل مرة فأصبحت قد ودعت رمي الزوائل
ففتى: زول
وفتاة :زولة
وفتية: أزوال
وفتيات زولات
ونسوة زوائل .
وبقي معتى ثامن عشر عليكم به في بطون الكتب .
فالزول والعمامة شعار السوداني ـ وأكرم به ـ ونحن نسعد ونفخر أن يكون شعارنا كلمة عربية أصيلة هي (العمامة) والعمامة هي لباس النبي صلى الله عليه وسلم وأصحابه والتابعين والأئمة والفقهاء .
ولعلك تلاحظ أن كثيرين من غير السودانيين إذا ناداك : يازول ! فكأنه أتى بجرم أو شيء غريب أو كأنه (ضرب السما جير ) والأدهى أن بعض السودانيين قد يضيق بذلك لعدم وقوف بعضهم على المعاني التي ذكرتها ، ومن جهل شيئا عاداه . والعجيب أن الضيق منها موجود حتى في البيئة السودانية نفسها ، ولكن المتأمل بدرك أن سر ضيق السوداني منها ينبع من السياق الذي ترد فيه . فالكبار عندنا إذا قلت لآحدهم (يازول) ربما قال لك : (تزاول من ضلك) وهي دعوة عليك بالإختلاط والجنون ، لا تقال إلا في موضع السب إذا تطاول الصغير على الكبير . ولظة (تزاول ) نفسها فصيحة صحيحة قال ذو الرمة .
وبيضاء لا تنحاش منا وأمها إذا ما رأتنا زيل منا زويلها .
والآن وبعد أن عرف السبب فقد بطل العجب ، والتسرع ممنوع (والزعل) مرفوع .

اقترح ياأبوريان بدل اسم قناة زول تسمى قناة لوز الحبشية كما نطالب بايقافها فورا وبلاش اشانة سمعة للسودان واهانة حتى لمعنى كلمة زول وياريت نسمع تعليقاتك الجريئة عن قناة هارمونى كمان مع التحية من المدينة المنورة

الأخوة الكرام الذى سبقونى بالتعليقات جميعهم متفقين تماما ورافضين بتاتا لما يبث فى هذا القناة التى تحمل إسم ( زول ) الذى إرتبط بالسودانى 00 وقد فكرت أن أكاتب بعض الصحفين لمخاطبة المسئولين بوزارة الإعلام عن هذا الذى يبث بهذه القناة 00 مع شكرى

الأخوة الكرام الذى سبقونى بالتعليقات جميعهم متفقين تماما ورافضين بتاتا لما يبث فى هذا القناة التى تحمل إسم ( زول ) الذى إرتبط بالسودانى 00 وقد فكرت أن أكاتب بعض الصحفين لطرح هذا الموضوع ليطلع علية المسئولين بوزارة الإعلام وإين هم من هذا الذى يعرض فى هذه القناة 00 مع الشكر

اللهم لا نسألك رد القضاء ولكن نسألك اللطف فيه
ودعبدالباقى انت البوديك تتفرج فى قناة زى ده شنو ؟