لكن يامدنيه نبدأ تاااااني من الاول
جائتني الرساله التاليه من مدنيه
(ماشيفاك في المنتدى خير ؟ )
عرفت من الرساله انو المنتدى عاود الظهور بعد الغياب
دخلت المنتدى جري بعد رسالة مدون :p
وخشيت بدون ياسورد عشان الحق امتع عيني
وطبعا لاني كورنجي
اول شيئ فتحت الرياضه للجميع :cool:
وهنا كانت الفاجعه :eek:
الرياضه للجميع خرااااب يسكن فيها البوم :confused:
يعني مشاركاتنا كلها راحت عطل في سيرفر اقصد شمار في مرقه
خرجت من المنتدى ووشي يلعن قفاي :mad:
بعد مده استغفرت و رجعت الرياضي المره دي يالباسورد بتاعتي
لقيت الجندي بتكلم عن سيكافا طواااااااالي شاركت
بعد انتهيت اتفجأت تااااااااااني اني بقيت عضو جديد :(
باقي لي سبعه مشاركات بس
الواطه ضاقت بي
هبشت تلفوني لقيت رصيدي بالقرش اقل من مشاركاتي في المنتدى
رسلت الرساله دي لمدنيه
(لو ممكن اتصلي علي )
اتكلمت معاها وانا في غاية الاحباط من الشيئ الحصل
وقلت ليها انا محبط وماقادر اكتب او اشارك
لكن بعد المكالمه عاد لي الامل والشكر لمدنيه
اها بعد خشيت المنتدى لقيت ليك ناس العاقب صفراب ساااااااااااااي
وعبد الرحمن مدثر برضو صفرابي كبييييييييييييييييييييير
غايتو الجندي احسن زول ( وهو فعلا احسن زول )
وفي جماعه كدا مافي كلو كلو
غايتو البشوف مصيبة غيرو بتهون عليهو مصيبتو
الحمد لله اتلمينا تاني
لكن يامدنيه نبدأ تاااااني من الاول
