يابت موشحة بي الصبر أديني من صمتك كلام
اصبربو في باقي العمر
يابنيه هووي مالك معين صبرك فتر
مالك دروبك ودرن
ملن معاني الانتظار حد العمر
مالك تشابي على الغيوم
ماعارفة ضلها مابدوم
شوفيه هناك فاتك عبر
فات السحاب شال المطر
خلاك في لفح الهجير
صاليك زايد في اللهيب
يابنية كر
ضاري الهموم ما تنكشف
لفيه توبك يسترك
ضميبو احزان السنين
طعم الفرح الكان كتر
اطفيبو نيران الشمس
لفح السموم والدنيا حر
اسقيه من صبرك قليل
خليه يصبر لو قدر
ما الصبر مر
يابنية هوووي
مالك معين صبرك فتر؟
راجياه وين طعم الفرح
في الصدفة واللحظة بتمر؟
في عتمة الليل الغريب
وللا في طلوع الفجر
راجياه في الزمن المحال
وللا في مروق العمر
يابنية مالو القول كمل
حسك سكت
نبضك خفت
خوفك نبت
ضاعت حروف كل الشعر
يابت كفاك
صوتك اساك
وعدك جفاك
دربك سفر
عودتي عينيك الرحال
ارميها يابت العصا
وارتاحي من تعب المحال
يابنيه هداك السفر
ارتاحي من تعب المحال
يابنية هداك السفر
