انا طبعا شغالة في مؤسسة خدمية
وحالنا فيها الحمد لله
صاحبتي الله فتحها عليها واشتغلت في شركة بترول
اها مشيت ليها زيارة
عرض للطباعة
انا طبعا شغالة في مؤسسة خدمية
وحالنا فيها الحمد لله
صاحبتي الله فتحها عليها واشتغلت في شركة بترول
اها مشيت ليها زيارة
النضافة ما نضافة
والسماحة ما سماحة
عندهم ترحيل لما تركبه التقول انت في الاسكيمو
ترحيلنا احنا لما تصل كانك اخدت ليك دش وطلعت
الفرق بين ترحيلنا وترحيلهم
الساعة جمبك تبدو اقصر من دقيقة (ترحيلهم)
والدقيقة وانت مافي مرة ما بتقدر نضيقها (ترحيلنا)
الباب الداخلي اللي بتمر بيه عشان تدخل المبني
باب دائري بشتغل بالاحساس
بابنا تشيل وتدفر فيه
وبعد دا ما يدفر :(
الاوفس بتاعها بشتغل بالنية (2007)
بس تظلل العايزه وهو ما بقصر
انا شغالة باوفس 2003 وحاله يغني عن سؤاله
انا جيت
الشمار قتلني
:p:p:p
الشهر عندهم 25 يوم
الشهر عندنا 35 يوم واحيانا 40 يوم
فرق المرتبات مافي داااااااعي اجيب سيرته :mad:
مساحات الاختلاف بين فئات المجتمع السوداني
وكيفية تقبلها
تلاشي الطبقة الوسطي من المجتمع
مالها وما عليها
دا هدفي من البوست
:d:d:d:dاقتباس:
المشاركة الأصلية كتبت بواسطة مدنيّة
والله ضحكتيني وانا زعلانة
اها ... واصلي
اقتباس:
المشاركة الأصلية كتبت بواسطة مدنيّة
مدون الموضوع كبير وخطير
بجيك برواقة :):)
البيشوف مصائب غيره بتهون عليهو مصائبه مدنية
اصحابى
دفعتى فى الجامعة
ناس الحلة
ناس هيثم وبله
كلللللللللللللللللللللللللهم عرسوا
وبقيت انا
احقد ولا اسو شنو
حقدكم راقى انتوا
الشمار تقيل انا تانى ما بجى
تعرفي يامدون
نحنا لبعدنا من السودان وبالرغم من عدم الاحتكاك المباشر
إلا اننا بنحس بالشيء ده من خلال مانسمع او نقراء
فعلاً بدأ تقسيم السودان إلى فئتين عليا وسفلى
وتلاشي الطبقة الوسطي ولكن هذا ما فعلته الدولة
في سياستها وخاصة بعد كثرة الاحزاب المضادة للمؤتمر
الوطني الحزب الحاكم يريد أن يطحن جميع الاحزاب بدون
النظر إلى أن هذه الاحزاب تجمع اسر - غايتو نشوف التحاليل ومنتظرين
اقتباس:
المشاركة الأصلية كتبت بواسطة ملكة القلوب
البت دى اصلو ما تجى يا مدنية
والله تكتب ليك كلام لمن عينيك يرقرقن
ملكة ارجوك لمن تجى اكتبى بى خط كبير
درب النمل داك خلينا منه
اقتباس:
المشاركة الأصلية كتبت بواسطة مدنيّة
يعني انتو ما عندكم إحســاس ؟؟؟ :eek::eek::eek:
:p:p
اقتباس:
المشاركة الأصلية كتبت بواسطة مدنيّة
مبرووووووووووووك
شالوك الصــــالح العــــام :d:d
والله يا ام جمال الكلام ده بجيب لينا الهوا
ده ياهو زاااتو المخلينا هاربين من البلد مما يجيبوا لينا السيرة الواحد يعمل ماسامع
بعدين إنتي قلتي طبقة وسطى ماف طبقة عالية وطبقة منخفضة مما فهمته أنا تقسيمك للطبقات ده من ناحية مادية لكن كدي تعالي للناس الفوق ديل حنلقاهم منظر ساااي زي مابقولوا وجاهات إجتماعية ( الشرح يفسده ) المهم أحسن لي أبقى مارق لأنو لو طولته حأقوم أفلت
أخيرا الله معاكم يامدنية ( الكلام الأخلاق ههههههه )
اقتباس:
المشاركة الأصلية كتبت بواسطة agibmisbah
[center]تصوم الإتنين والخميس بس
ماعندك خيارات هههههههههههههه
:D:D
اختنا مدنيّة شفتى الحقد الطبقى دا ياهوووو زاتوا الخلانا قاعدين فى امريكا لينا خمس سنوات واحتمال من هناك طوااااالى على فاس الماوراها نااااس
:mad:
اقتباس:
المشاركة الأصلية كتبت بواسطة مدنيّة
هدفك نبيل ..
لكن الواقع اليم
وتلاشى الطبقة الوسطى لاسباب كثيرة
من بينها اللعبة القذرة التى تتم داخل بلادنا بين السلطة .. والثروة
لان الواضح للعيان ان اى فرد يدخل فى جوقة التخبة الحاكمة ياخذ معه مجموعته المقربة
ويبدا فى ابعاد الاخرين .. ودونك ماسمعناه اليوم من خروج لام كول من الحركة الشعبية
وتوضيحه لبعض الحقائق من بينها ان اموال البترول لاتذهب للتنمية .. انما لجيوب افراد بعينهم
يحسبون على اصابع اليد ....
الصالح العام
مشروع الجزيرة الذى راح فى شربة موية
حاجات كتيرة
وياناس البرج العااااااااااااالى سلام
والله يامدينه عندك اسلوب ادبي راقي بتاع شيوعين و صراع طبقي وكدا.............
وبعدين اشي صاحبتك دي شغاله في مصنع ثلج ولاشنو ......
وتحت تحت كدا شوفيها متزوجه ولالسع عشان عندي غرض و نتفكا من ابواب الخشب دي !!!!!!!!!!!
وبعدين الحكايه دي شايف في ناس اخدوها جد وحسدونا في طبقتنا دي:D:D:D:D:rolleyes:
اقتباس:
المشاركة الأصلية كتبت بواسطة الشايقي
ستة ابتسامات من ابو اخدر ...
:D:D:Dاقتباس:
المشاركة الأصلية كتبت بواسطة مدنيّة
هدفك هدف سامي ونحنا نؤيده بشدة
الا النسالك يا خالة ..
انت ختيتي نفسك في ياتو طبقة ؟؟
الموضوع دا شكلو حا يكون مسخن سخانة شديدة
ما عارف الذكرني المسافر شنو ..!! :cool::cool::D
اختنا الغالية ام جمال
تطرقت لموضوع حيوي و مهم و هي الطبقى الوسطى و مرفق موضوع للكاتب السعودي فهد الاحمدي في جريدة الرياض كان مر على من زمان و لكن احتفظت به و فرصة اشارك بيه .
مع ملاحظة الفرق بين الاسباب التي قرضت الطبقة الوسطى عندنا في السودان و السعودية
قبل أن تنقرض لدينا الطبقة الوسطى
فهد عامر الأحمدي
[color="seagreen"] بعد الانهيار الكبير لسوق الأسهم (في فبراير 2006) انحسرت "الطبقة الوسطى" في مجتمعنا المحلي بشكل ملحوظ .. ففي حين امتلأت جيوب القلة وارتفعوا إلى مستوى "الطبقة العليا" خسر معظم الناس أموالهم وأملاكهم وانحدروا إلى مستوى "الطبقة الدنيا".. والطبقة الوسطى - أيها السادة - مصطلح ظهر في أوروبا مع بداية القرن التاسع عشر حين بدأ قطاع كبير من الناس يكسبون رزقهم من مهن غير يدوية أو زراعية (مثل المعلمين والاطباء والكتبة وصغار التجار) .. وحسب ما يشير اسمها كانت هذه الطبقة تقع في منطقة "متوسطة" فوق مستوى الفقر (الشائع قديما في كافة المجتمعات) وتحت مستوى الأثرياء والإقطاعيين وطبقة الارستقراطيين.. [/color]
ورغم تفاوت المجتمعات في نسبة الموجودين في كل طبقة، ولكن الثابت أنه كلما كانت مساحة الطبقة الوسطى (كبيرة) كلما استقرت حال المجتمع وزادت فعالية الانتاج وعاش معظم الناس سعداء .. فالطبقة الوسطى هي المسؤولة عن معظم الانتاج الاقتصادي والمعرفي وأصحاب المبادرات الخلاقة .. فأصحاب الثراء الفاحش لا يعملون في المهن المنتجة ولا يتخرج أبناؤهم كأطباء أو معلمين أو مهندسين .. وفي المقابل يصعب على أفراد الطبقة الفقيرة العمل في المهن المنتجة أو الذهنية الراقية - ويفشل معظم أبنائها في التخرج كأطباء ومعلمين ومهندسين..
وحين نتأمل اليوم حال الدول المتفوقة اقتصاديا - والمستقرة سياسيا - نجدها تتمتع بطبقة وسطى كبيرة (بحيث تقل فيها نسبة الفقراء والأثرياء إلى أدنى حد ممكن) .. وفي المقابل تعانى الدول المتخلفة - وغير المستقرة - من تضخم طبقة الفقراء مقابل احتكار فئة قليلة لمعظم ثروات البلاد .. فاليابان والسويد والدنمرك وسنغافورة مثلا دول مستقرة تشكل فيها "الطبقة الوسطى" أكثر من 90% من مجمل الشعب (وهو مالا يترك سوى نسبة بسيطة تتقاسمها الطبقة الفقيرة والثرية) .. وفي المقابل تتضاءل مساحة الطبقة الوسطى في دول فقيرة أو متخلفة مثل النيجر وكولومبيا وباكستان ونيكاراغوا حيث يندرج معظم المجتمع في خانة الطبقة الفقيرة - مقابل احتكار فئة قليلة من السياسيين والعسكر لثروات البلاد ...
ورغم أننا في السعودية أفضل من دول عربية كثيرة (يعاني أفرادها من الفقر وقلة الدخل) إلا أننا بدأنا نلاحظ انتقالا سريعا ومتزايدا من "الطبقة الوسطى" إلى "الطبقة الدنيا" في مجتمعنا المحلي .. فانهيار الأسهم ، وتضخم الأسعار، وإغراءات القروض، وتحول معظم الكماليات إلى ضروريات - جميعها - ساهمت في ارتفاع وتيرة التسرب إلى "الطبقة الدنيا" .. وفي حال استمرت الضغوط الاقتصادية على العائلات المتوسطة - وفي حال لم ترتفع مشاركة الأفراد في الناتج الوطني - سنخسر الطبقة الوسطى الفاعلة ونتحول بسرعة إلى مجتمع يعتمد معظم أفراده على الرعاية الخيرية - في حين يرفل قلة من أبنائه في ثياب النعيم والترف..