##### أحياناً من الضحك مايبكي ####
واحد مسطول بيقول لواحد مسطول :هو يوم الخميس يوافق24 ؟ قال له : لو ضغط عليه شوي اكيد حيوافق .
واحد مسطول بيفتح الثلاجة ، لقي الجيلي بيهتز ...قال له : ماتخاف انا جاي آخد العصير بس .
معلم لغة عربية قال : وقفت السيارة في المكان الممنوع ، ثم طلب من أحد التلاميذ أن يعرب كلمة السيارة ، فقال التلميذ: فاعل مرفوع بالونش .
واحد كسلان جداً بيقول لصاحبه : مش انا اشتغلت !
قال له : مبروك اشتغلت وووين؟
قال له : في مطبعة ، اقعد على الورق علشان ما يطير ؟
بتقول الزوجة لزوجها : مبروك حنبقى ثلاثة فى البيت يا حسين .
الزوج حسين بسعادة : في حاجة جاية في الطريق ؟
قالت له : ايوه ،ماما جاية تعيش معانا على طول ؟؟؟
في مرة راقدة في المستشفى جابو لها عيش و (خدرة مفرومة) أكلت العيش و أتحنت بالخدرة المفرومة؟؟
حبوبة بتسبح في حوض السباحة جاء برق .... قالت خلاص الشباب قام يصور ...
تاجر بانقو اتقدم لى بت ..........اهلها سالوه شغال وين ..........قال ليهم:
فني تكييف
مسطول لقى واحد وولدوا واقف وراهو ....
قال ليهو مالك انتا وولدك واقفين زى الساعة اتناشر شوكة
مسطول لقى جدو بيأكل جلي قاليهو: انت بترجف والجلي يرجف
جهجهتو المعلقة..
سألو مسطول ترشح مين لقيادة حماس؟ اجاب: راغب علامة
واحد سأل واحد مسطول يا أخ انا داير اصل المستشفى أقرب شارع بى وين ؟؟؟؟
رد المسطول : بسيطة أقيف في نص الشارع.
واحد مسطول مشي للدكتور بشتكي من ضرسو، الدكتور قاليهو: احشي ليك؟
قاليهو لا.. لا.. اديني في صحن!!
مسطول سأل التاني : الطحنية دي بصنعوها من شنو؟ قاليهو: من النشاره!!
مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم..
عجلاتي ساطل زهجان من ولدو النائم لامن الشمس طلعت فيهو. جات امه تصحيهو قاليها: خليهو تحت الشمس فيهو رقعة دايرة تقوم...
مسطول اشتري عربية شبح جديدة لنج
....وهو سايقها فتح الراديو سمع هنا لندن، قال انعل ابو السرعة ذاتو ...
واحد مسطول مثقفاتى سالوهو ما فائدة (ملاح الويكه؟)
قال: يساعد علي انزلاق اللقمه
مسطول سايق تاكسى واحد وقفو قال ليهو: نادى الأسرة من فضلك
رد قاليهو ناديهم براك يازول.
مسطول سايق تاكسي الراكب قاليهو: لف يمين،
المسطول قاليهو: لفها انت .........انا سايق...
مسطول فتحو محطة بنزين جنب بيتهم.....
قال: اخيراً الواحد يقدر يكب بنزين كداري
مسطول قدر ما يشرب سفن اب (7 up) بقي يمشي سبعة خطوات وينط....
مسطول جارى وراه كلب ينبح عليهو..
لف ستة شوارع والكلب لسه وراه،
لما وصل الشارع السابع الكلب تعب رجع،
المسطول وفق في نص الشارع : مبــــــــــــــــــــــــــــــــــالغة دا كلب طويل خلاص
سواق أمجاد راكب جنبو واحد سمـــــــــين لدرجة انو ما قادر يسوق،
في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء......
سطول دخل يدو في مويه نار مرقا لقاها مافي.. دخل رأسو يشوفا مشت وين؟؟؟؟
مسطول سالوه ما اصغر شئ في الدينا
قال ليهم
شامة في كتف نملة...
واحد عندو ارنب عاوز يبيعو جاهو واحد مسطول قاليهو: القرد ده بكم؟؟
رد الرجل: دا ارنب ما قرد! المسطول قاليهو: يا ابو الشباب انا سألت الأرنب ما سألتك انت
