ضبح الكديسه ... عشانك ياسر عبدالرحمن
هل اختلف الحال في ضبح الكديسه من وصايا الزواج وكما كن نعتقد ان مسألة ضبح الكديسه غير حضاريه كجيل متحضر وان هنالك تغيرات في الكون واصبح مستوي التعامل راقي بين الجنسين وهي تغيرات ايجابية ما عدا التغيرات الاقتصاديه في ظل الازمه الاقتصاديه الت تعتبر هي ليست بمبرر عن الايفاء بالالتزامات نحو الاسره ورغم ان الشريحه الحالية من الزوجات لديها حظ اوفر من التعليم بيد أن لو تحدثت عن الازمة الاقتصادية ووجوب التعامل بتقشف اذ القادم اصعب فانت جاهل ولا تفهم في الاقتصاد ......... المواصفات التي تحلم بها النساء: أن يكون غنيا كريما........ وهذا نتاج العولمه وعدم ضبح الكديسه مما تتحصل علي النتائج التالية:
اذا فاجأة الزوجه بثوب جديد...
تقول ده عشان ما عايز اسوقني السوق اختار بنفسي (( الاختيار هنا فيهو خراب بيت))
بعد تعب الشغل كنت طيب شاركها في اعمال المنزل
تقول عشان ما عايز اجيب خدامه.......
تقول كلام رومانسي في لحظة تجلي
تعاين ليك بي نظره تفهم منها ....... خلي الحركات دي انت مفلس ولا شنو
الله ... الله اصبرك يا روح ما دام هي غضبانه كلامها حاد الصبر احسن
في اللحظات دي الكلام بالعيون ما محتاج فروسيه عشان تترجم نظراتا تقول : : يااااااااخي ده بارد برود اطلع الروح............
بعد انتهاء دوام العمل تعود للمنزل تجرجر في كرعينك احلامك كلها حمام دافيء اكله صغيره بما يجود بها المنزل لسد الرمق لكن هذه الاحلام الصغيره لا تتحقق ابدا.........
لازم اكون في عوارض تباعد بين الحلم ....... وبدون استئذان البيت مافيهو صابون .. معجون اسنان .. الرغيف نأشف , طلبات تافهه لاحاجه بها اليها مما يستدعي زهابها معكم.. عشان انت نساي.. دون مراعاة لاستنزاف طاقة الزوج الحيويه عبر اليوم .. كان قلته ..لا ...تجيب ليك مصائب الدنيا والعالمين..
وفي الأسواق تشيل الاكياس الثقيلة دون أن اي اعتراض فأنت الرجل صاحب عضلاتك قويه ، أما هي فالحمامة الوديعة البلومه الرقيقه العصفوره الناعمه تمشي بخيلاء .. عندها حالة واحده بتاعت نشاط تنسي الوداعه والرقه لما تتسوق لنفسها ملابس أو أحذية يدب في أوصالها نشاط المصارعين وترحب بالمشي المتواصل ساعات طويلة دون أدنى شكوى من الإرهاق الذي لا يظهر إلا وقت حمل المشتريات التي تدفع ثمنها أنت بعقد إذعان مجهول السبب....
باختصار تطلب المرأة كل شيء دون أن تعطي شيئا، وتتساءل معي: لماذا؟ والإجابة الوحيدة أنها من فرط حبها لنفسها تنتظر من الآخرين أن يكرسوا حياتهم من أجلها.
تعتمد المرأة بالسليقة المذهب النفعي.. ومن حسن طالعها أن المرأة لا تتزوج بامرأة وإلا لانتحرت في ليلة الزفاف، هي عارفه بالفطرة أن أنوثتها هي رأس مالها الوحيد وهي تعتمد على تلك......
تقول لي تاني في ضبح كديسه ؟؟؟؟؟؟؟؟؟؟؟؟؟؟؟؟؟
لذلك اري ان نتشبث بالتقاليد فهي المخرج من حياتنا ... لازم تضبح انشاءالله بطيخه المهم السكين تسلها لازم ايضا قواعد قبل الزواج زي ما قال طه ود أحمد سيد الدكان بتاع الحي بتاعنا كنت واقف معاهو المدام رسلت ليهو عايزه فحم قال للولد الصغير امشي قول ليها فحمنا ده في الدكان للبيع ما للبيت الملاح شدي بي حطب... تدخلت يا حاج طه ده كلام شنو... وقت الفحم عندك في الدكان ما تدي المدام الملاح ده لي منوا ما ليك انت....
شوف يا الاخو النسوان ديل انت ما بتعرفم تديها الفحم بعد شويه تخلي الطماطم تنط ليك في الصلصه تديها الصلصه بعد شويع تقول ليك جيب لينا ملاح من بره احسن تشتغل بي باقي نار عواستا الواحد ما اديها طريقه في نار الفحم بكره تنط ليك عايزه بتوجاز.... انا المرأه دي قبل الزواج اتفقت معاها علي حاجات
اولا: قلت ليها الوالد والوالده كان لعبوا بالطين ما عندك فيهم شغله تب...
ثانيا: اكان جيت لقيتك عامله شكله مع اخواتي... دي بلفخ بيها دي ما بفرز بيناتكم ... بمعط شعيراتكن ديل .. بحلق ليكن عديل صلعه
ثالثا: كان اخوي عثمان في ليبيا ضرب تلفون قال انتي طالق انتي طلقانه بي الثلاثة............
