بلسانهم جيناكم ياحبايبنا متتتيييييييييييييييين نجي نحنا كمان

عندما يخابرني احدهم بانه عقد العزم علي الرجوع الي المنبع ليرتوي
اتذكر فورا جفاف حلقي من شدة العطش
وبي صراحة شديدة احسده في سري
اظن الحسد هنا مباح
واركب معاه الطيارة وانزل في المطار وتلاقيني حبه ثقالات من الناس المرات بتنسي اني جايه عطشانه واقول مالووووووو
لو ماحصل كدا اكون انا غلطانه في العنوان
واواصل الدخول لي جوة القي ليك السخانه تديني ليك لفحه في وشي المرطب دا تنسيني ليك انا جيت من وين وبتين
وتردفة ليك بي كشحة تراب لمان اسفة في خشمي ينشف ريقي زيادة
لكن القي طعمة لذيذ مش غريبة
اتفتف الباقي وابلع الفيه النصيب
وابقي داخله لي جوة والقي ليك التاكسي ولا العربيه الحاركبها وسيدها يقول لي نفسة مغتربه داقسة ادبل المشوار
وامشيها بي مزاجي
واضهب في الشارع اتفرج ذي التقول سايحة واعاين الحاجات الجديدة هنا وهنا وهي دا شنو وووووب عل سجمي

واصحي من غفوة بعد التلفون القي ليك نفسي لسع في التلج والسقط بتاع السويد

ربنا يرد غربتك وترجعي لتراب بلدك ولي اهلك وناسك بالسلامة
واسمحي لي اقول على لسانك
ليت حظي يسمح ويسعدني
طوفه فد يوم في ربوع مدني
على راي المبدع ود الامين

صراحه يا ام قبس المنتدي نور بنورك ونور السويد وكتاباتك تدل على عبقرية ابناء مدنى وبالمناسبه السويد دي كم ساعه من مدنى (مشى ما بالطياره )
همسة :سلامى لابو قبس ولكل اهل السودان بالسويد

الحنين
ابو نعناعة
سلام قدر تلج السويد
مداخلتك اثلجت صدري اكتر مما هو مثلج
واصل مداخلات بتسعدني شديد ياملك
همسات كتارات : اخبار المرارة شنو والله نفسي فيها بالشطة