بسم الله الرحمن الرحيم
السيد رئيس مجلس الإدارة والسادة المشرفين أنا عضو مسجل من تاريخ 19فبراير 2008م وتدرجت حتى مرحلة عضو فعال بعد أكثر من 45 موضوع و 300 مشاركة في مختلف المنتديات بالموقع ولكن تفاجأت بعد إغلاق وفتح الموقع من جديد بأني عضو جديد بنفس الإسم وكلمة مرور مختلفة وعدد مشاركات 00 فهل من الممكن لو تكرمتم سيادتكم بإفهامي وشرح هذه المشكلة وما السبب
حمد الله على سلامتك يا ود جميل
وبركة الشفناك طيب
سؤالك كان للإدارة لكن النقوم اتشولق ليك برضو يمكن تبرد شويه
يمكن تكون غائب كتير من يوم ما حصل السيل
الحكاية وما فيها انه حصلت كارثة بالمنتدى فقد فيها كل المشاركات والمواضيع التى حدثت من تاريخ 19 فبراير تقريبا وحتى تاريخ 25 مايو ....
اتفقدت بى سببها كل العضويات والمشاركات اللى حصلت فى الوقت داك.....
ربنا يعوضنا يا رفيقى
واخوك كان مصدوم بسبب ((5000)) من مشاركة لى موضوع كلها راحت شمار فى مرقة....
وبقيت عضو جديد لنج...
واصحابك ناس ود مدثر وابقرجة والخواض عملنا ليهم ترحيب من الاول
غايتو قدر الله وما شاء فعل....
ويلا نشد حيلنا تانى من اول...
نبنيهو ايوا سوا سوا....
كن دوما بكل الخير
هذه الكارثة اطلق عليها اصطلاحاً (السيل)
السيل الذي جرف معه عدد كبير من المشاركات و الأعضاء و الرتب
و أغلبيتنا عدنا كأعضاء جدد و قلنا عليه العوض ومنه العوض
موت الجماعة عرس يا حبيب
و أبقى داخل
يا جميل شبارقة ود جميل . . .
أولا حمدا" علي سلامة العوده . . .
وينك إنت ما سمعته ( بالبكب أب ) ؟ . . . أصلو منتدانا تعرض لحادث (بوكس ) مع حافله هايس . . .وبعض الحاجات بقت ( حليل الكان )وما لقينا إلا ( الصنوق الأسود ) . . .
وغايتو في حديث ( رطانه ) كدي بعرفوا ليهو ناس أسامه الرشيد وود النور . . . إمكن يشرحهوه ليك . . . لكن أنا ما عرفت إلا ( البك أب ) إنقلب بعد الحادث ومشينا عملنا (ضمانه ) للأدمن . . . وكلنا بقينا جداد . . . جداد من (جديد) ما من ..............
المهم بركه الجيت ونورت دارك .
والله قبيل شفت كلام شبارقة دا قلت خلي اجي زول قبالي اشالق واشعلق بعدو (جني وجن التكرار)اقتباس:
سؤالك كان للإدارة لكن النقوم اتشولق ليك برضو يمكن تبرد شويه
شبارقة ود جميل مشتاقين ياخ
ومشتاقين لي دكان و الجامعة تعال ياخ ورينا الحاصل شنو
ياخ الناس دي كلها نزلت (جنود) من جديد (الادمن) زاتو كانت
مشاركاتو (صفر) تعال عشان نحاول نضئ شمعة انت ما شايل الولاعة ياخ
شبارقة ود جميل حمدا ً لله على سلامة العودة للمنتدى و إن شاء الله أخر أيام الغياب
بخصوص ما حدث للداتا بالمنتدى فقد تفضل الأخوة بشرح ما حدث
و عليك أمان الله مافي زول سلم منها ، أخوك من 12600 مشاركة صفى على 2000 مشاركة
يلا منتظرين عودتك و عودة موضوعاتك
:p:p:p:p
والله الخلعة دي مروا بيها الناس الفوق ديل كلهم
خليك ايزي ياعزيزي :p
واعمل ريلاكس شديد:o
ويلا همتك معانا نستعيد ما مضى من نجوم :)
انا غايتو حا اخالف عادتي واتبرع ليك ( بكشك):D
عودا حميدا يا اخوي