أبناء منطقة العوامرة بالرياض يكرمون أحمد عمر ابراهيم
أفام ابناء منطقة العوامرة بالرياض حفل وداع لسعادة المستشار الاقتصادى ابن المنطقة أحمد عمر ابراهيم وذلك في قصر الصقر في حي النسيم
وحضر حفل الاستقبال الذي نظمه أبناء منطقة العوامرة لفيف من الدبلوماسيين المعتمدين في السعودية والإعلاميين، كما حضر عدد من أبناء الجالية السودانية المقيمين في المملكة.
وكان في استقبال الضيوف عبد الحافظ إبراهيم محمد سفير السودان في المملكة،والقنصل احمد يوسف وعدد من الدبلوماسيين السودانيين العاملين في السفارة. وكان ضيف الشرف في هذا الحفل الكبير هو كما ذكرنا ابن المنطقة المستشار الاقتصادى احمد عمر ابراهيم
وشهد الحفل تنوعا في الحضور من كبار المسؤولين وسفراء الدول المعتمدين لدى المملكة، وقادة العمل الإعلامي وعدد من كبار رجال
وكانت الافتتاحية بعد القرآن الكريم
يقصيدة شاعرنا الكبير ود الرضى
من عتمور اب حمد والعقبه قري
واب روف نحن الطردنا سباعه
اسود الغابه عرفتنا وبقينا رباعه
بكرتنا ام عرف مافي ود مقنعه باعه
والشاطي للحبشه هولنا نحن رفاعه
نحن بنو الحسين الزهره حبوبتنا
يوم دق النحاس ياهو يوم حوبتنا
نحن الصالحين شربو ا عقاب كوبتنا
نحن السم شربناهو والدابي في عببتنا
نحن الفي دفاتر العز اتسجلنا
ندرج للرفيق لي فلسو ما عجلنا
ان طاب طاببناه وان فلس اجلنا
نيران البواطن بي مظاهر الجنه
تعال يا حبيبي النريك صفاتنا
ما عاشرنا زول ضاق عسلنا وفاتنا
نحن رجال عمل نحن الخشن كفاتنا
نحن وفانا مع العاشرنا حدو وفاتنا
نحن التسعه مننا الكانو قلبوا الحربه
نحن فزعنامابشيل في السعن غير شربه
نحن عشيرنا مابحس طول العمر بالغربه
نحن مقدنا نحن دخننا نحن جرمنا فرج الكربه
نحن اولاد عسيل خاتي الذبابه عسلنا
نحن طبعنا مع العاشرنا نرمي رسننا
ساميه اخلاقنا طاهره ارحامنا قل مثلنا
نحن صبينا سيف الصاقعه مابدور سنه
نحن عسلنا ما بمسخ بطول المده
نحن البجينا غريب علينا مبده
هينين لينين ما فينا حده وشده
نحن ود بتنا في الرجال عليه المده
نحن المحسنين العالمين تعرفنا
نحن رجال عمل نحن الكتير طارفنا
نحن الضاق عسلنا اصلو ما بفارقنا
والغلا ان تفحل نحن بيطردو جرفنا
نحن الجار والعشير بنعزه
نحن ابواتنا كتلوا الجرده رجعوا يهزوا
نحن ابواتنا ما بتمزوا ما بتهزوا
نحن بحرنا فوق لي سدرنا طالع نزوا
نحن الشاطي هولنا وسيوف العده
نحن ابواتنا كتلوا ردوم في حرب الجرده
الدراقي مننا هابوا فارس اب قرده
ابواتنا سبوا السيوف والناس سبيهم خرده
http://www.kitairalawamra.com/mypict...072009_007.jpg
