عرض للطباعة
يشتكي مواطنوا ود مدني من الوجود الكثيف لحشرة الجندب الذي بات يؤرقهم ويهدد صحتهم .. في وقت لم تتحرك فيه المحلية لمكافحة هذه الحشرة الضارة التي تتكاثف ليلاً مسببة حالات الربو والحساسية لكثير من المواطنين . ويذكر ان هذه الحشرة تظهر مع تباشير كل خريف ورغم الشكوى المتزايدة لكن السلطات لم تستطع القضاء عليها لتصبح ود مدني بين مطرقة البعوض وسندان الجندب .
منقول
اقتباس:
المشاركة الأصلية كتبت بواسطة عبدالله الصديق
اخي عبدالله .. مشكلة الجندب دي لا الليلة ولا بكرة .. ليها سنين ولا حياة لمن تنادي ..
وكم من الناس ماتو بسبب الجندب .. سواء كان من ريحة الجندب زاتها او من رائحة
المبيدات الاترشت للجندب ......
وحتلاحظ الايام الجاية انو المواطنين حيوقفو انوار النايلون بسبب تزاحم الجندب حوالين
النور .. ودة غير الجندب البيدخل في " الاضان " ومابيطلع غير بعملية .. دة ااذا طلع
وماعمل مشاكل في الاذن ...
نقول شنو .. الله غالب ...
مشكوره للمروراقتباس:
المشاركة الأصلية كتبت بواسطة بت مارنجان
وزي ماقلتي الله يعين ناس مدني
جيوش الجندب ومعها جيوش الاوساخ وجيوش المياه الراكده وجيوش الذباب ......
معـــــليش ...
أموال هذه الخدمة
تم تحويلها لبند آخر مهم ..
أصبروا معانا شوية ياخ :cool:
شنو يعني لو ماتوا 200 ولا 300 من الناس بالجندب في مدني
دي اسمها الكل عام معانا وما همانا
الخدمات الصحيه مترديه للغايه الولايه والمدينه والقريه كلها محتاجه لمضاعفة الجهد
في الخدمات الصحيه أنسان ودمدني يعاني من الكثير المياه الراكضه تجمع الاوساخ
الجندب والقبور والجراد والباعوض والجمتي وكل الحشرات المضره للانسان نناشد
صحة الولايه سرعة التحرك لمكافحة هذه الجيوش من الحشرات حتي يتفادي أنسان
الولايه والمدينه والقريه هذه الحشرات
شنو يعني لو ماتوا 200 ولا 300 من الناس بالجندب في مدني
صاح يانهرو شنوا يعنى عادى ..يعنى انت داير المسعولين ديل
ما يفطرو يعنى اموته بالجوع ولا كيف يعنى ..غايتو مخير الله
. .اقتباس:
شنو يعني لو ماتوا 200 ولا 300 من الناس بالجندب في مدني
تااااااااني جندب ؟:mad::mad::mad:
الله مع الغلابة غايتو
مش كفايه جيوش المسؤلين الماعندهم اى مسؤليه .. و جيوش العاطلين .. كمان جيوش الجندب .. اللهم لا نسالك رد القضاء ولكن نسالك ان ترزق مدنى بمن يحبها..!
هذا ما كنا نخشاه وقد نبهنا له في بوست سابق واملنا ان تكون حكومة الولاية قد اعدت العدة من اوكسجين و كمامات حتي لا يشترك كل 7 اشخاص في كمامة واتمني ان تكافح الجنادب بالمبيدات لتقليل الخطر.
اذكر في العام 2003
كان في جندب بكميات مهموله
بكون الصباح ميت في الشوارع لو ماعارفو بتقول خرصانه
ماتوو عدد كبير من الناس لنقص الاوكسجين وتردي حالات الطواري
الانعاش مثل محل الشيشه كل واحد يجر نفسين ويدي الجنبو
الانعاش ماكفى الناس لمن عملو خيمه اضافيه
الله لاعاد الايام ديك
شكرا" ابو الجندب لهذه العشرة الطيبة
يامشروع حضارى
جوَّعتَ صغارى
جفَّلتَ حمارى
يبَّستَ خدارى
كدَّرتَ أحوالى
شتَّتَ أفكارى
بى حق عثمان وعلى الكرارِ
إشيلكم ريح أحمر صرصارى
شكرا علي هذا الطرح الراقياقتباس:
المشاركة الأصلية كتبت بواسطة أبوبكرحامد
وزارة الصحة الولائية فيها قسم متخصص لمكافحة الكوارثمراض السارية
و فيها قسم مكافحة الملاريا
وفيها قسم مكافحة الامراض السارية
وفيها قسم للرش الضبابي و العادي و ذو الاثر الباقي
وفيها تقارير ترفع للوزارة
فنرفع الوزارة التقارير للحكومة
فترفع الحكومة ذات التقارير للمجلس
فيرفع المجلس جلساته لتستأنف بعد الافطار الدسم
وترفع ذات التقارير وسائل الاعلام التي كانت مدعوه للافطار
فيثمن المسؤلين دور تلك التقارير الهائلة و تلك اللجان التي سهرت و تعبت
فيقومون بتحفيز القسم تحفيزا مرضيا
ويقومون بتحفيز رأس القسم
ورأس رأس القسم
ورأس راس رأس الوزارة
ثم الحكومة
ثم المجلس
ثم الإعلاميين