دين العريس
الو منو معاك اموكاشي ياقمر
مرحب حبابك كيف خبارك شنو ليك مده مابتظهر
اسمع اخوك مزنوق عديل وياريت ماتدينا انت ضهر
ابشر يالعريس قول واتمنى بنكمل معاك مهر
تسلم يالحبيب بنواجبك في كل جديد وعسر
*********************************
مرت شهور واموكاشي اتصل يسال
المره دي طالبك دين عشان في الشقه نتمهل
الحال صعبان عسير لو معاي ما بخيب ليك امل
شوف صحابك او نسايبك عليك الله اتكفل
خلال شهرين حرم طلاق بسدد ومافي حد يزعل
بسرعه برق كان اليورو ليه اتحول
*********************************
مرت شهور واموكاشي ضارب الطناش وماعاد يسال
بكل الطرق حاولت اللقاء لكن العريس ماخلى لينا آمل
التلفون يرن والايميل كل يوم يرسل
بس العريس ضارب الهمبريب وماهماه لو نزعل
**********************************
بالصدفه الغريبه اون لاين لاقيت اموكاشينا يضرع
وين يالعريس لارديت علينا مايكون ايميلنا رجع
والله مستحي بس الخبر الجميل المدام ليه مده تتوجع
افهم من كلامك امهلك ايام الحمل والفصاله من رضع
*****************************************
مرت سنه وكمان سنه واموكاشي قاعد اتلعثم
صحبك في الاخير ضاق خلقه ولينا صار يشتم
في عالي الخيول قال لينا نتعشم
قبل الاخير عايز رد لسؤال امكن اقدر اتعلم
ليش النبيز لي زولا كان معاك اتشهم؟!!!
******************************************
قال الرسول(ص) مبارك رجل في بيعه وشرائه سمح
ايضا في قضائه واقتضائه زي محارب معاه رمح
بحق الاله تلقى جزاك قبل شهر الصيام الكريم وسمح
لازاد تضوق وكل شراب تضوقه انت ملح
عمر محمد احمد عباس
يوليو 2009
