عرض للطباعة
كالعادة انتصر الهلال فى مقبرته التي لا يدخلها فريق الا ويخرج كما اتى مع ازدياد عددية هزائمه
ادى الهلال مباراة قوية واثبت انه يتقدم من مباراة لاخرى وبانت خطورة سادومبا فى كيفية سحبه للمدافعين وتفريغ منطقة جزاء الخصم وابدع الدفاع كالعادة وحافظ على شباكه خاليه من الاهداف للمره الكم والله ماعارف لكن للمرة الثالثة فى المجموعات .
مبروك والف مبروك لصاحب المقام الرفيع
اقتباس:
المشاركة الأصلية كتبت بواسطة saleh farah
صالح فرح
ان شاء الله دايما عنوان فرح
كنا معكم علي الهواء
بقلوبنا
وامنيات حقيقية
أتمني أن نبارك لبعضنا
نقل مباريتي النهائي لكل افريقيا
من القلعة الحمراء والمقبرة الزرقاء ;)
نقول معاك امين ياخالد
ياداب الروح ارتدت لينا والاعصاب هدأت
وفارقنا الشاشة
التي افتقدت للاستديو التحليلي
وزى مابقولو الحلو مابكمل
لكن الليله الهلال كمل الحلاة
بدون استديو تحليلي
مبروك يا صالح اخوى
وبكره ما بنقصر بننقل للجماعة تب
عشان بنكون فاضيين وكدا
والتحايا تصل لى مدنية
اكيد ياود مصباح مابنقصر مع الجماعه ديل والله
فى النهايه الناس ديل ياهم ضلنا
ولا يستقيم الظل والعود اعوج
لذا اتفاءل كلما تقدم سيد البلد خطوة
لحق به ظله
حا اكون اول الموجودين ومعاي تيرمس شاي كمان
وكمية من البسكويت
اللهم انصر المريخ نصرا كبيرا
امين يارب العلمين
والله يا صالح انا ارتحت جنس راحه
وبالزات بعد ما الولد الواثق من نفسه حموده اخد الشبال
مبروك لكل السودانين
مبروك هلال الملايين
وان شاء الله غداً تكتمل اللوحه بفوز المريخ
ياخى الله اريح بالك كل يوم وكل لحظه
الناس ديل ابدعوا يامهيد
الفريق يبشر بالكثير
الهلال يادوب بدا استحق اسم الفريق
كل لاعب اغيب ولا يصاب ولا تمنعه الايقافات
لاتشعر به مع وجود البديل الاحين
صدقنى انا بقيت اخاف على كامبوس
من جاهزية الفريق
اقتباس:
المشاركة الأصلية كتبت بواسطة saleh farah
فعلاً الاداء في تطور مستمر
والبدلاء جاهزين وفي مستوى الاساسي
بس عندي ملاحظه حول اداء مهند الطاهر
الراجل ده ليهو كم مباراة وهو يلعب على الواقف
والله يا صالح اكتر من 80 % من تمريرات مهند للخصم
كدي اتخيل معاي لو مهند كان هو مهند
ومبروك عليك الفوز
اقتباس:
المشاركة الأصلية كتبت بواسطة agibmisbah
مليون مبروك يا عقوبه
وان شاء الله ايامك كلها سعاده وفرح
قول امين
ومع تحياتك لمدنيه برفق كلمه
(( جبنا التار يا مدون ))
عارف يامهيد
لو قالوا ليكم صالح جاتو زبحه
ولا انشل
على طول اعرفو انه السبب هو مهند الطاهر
الزول الزى كوجاك ده
عامل لي هاجس والله
ماعارف الحاصل شنو ميتان على طول
وباصاتو غلط وفجأة
اعمل ليك حاجه تودى الفريق الخصم فى امات طه
الزول ده بالجد حيرني
حا اضطر اسافر السودان عشان اقابله وارجع
لو عندك ليه اي وصيه انا حاضر
بس بعد ما اخلص حقى منه
اقتباس:
المشاركة الأصلية كتبت بواسطة saleh farah
ههههههههه
ههههههه ههههههههههه
حلوه زي كوجاك
والله نفس الخلقه
بس انا عندي العلاج
اي نعم انا ما احسن من كامبوس لكن بنفهم كوره
علاج مهند الطاهر
الكنبـــــــــــــــــــه
اقعد كنبه كم مباراة افريقيه وفي الدوري وانت تشوف مهند تاني
ولا انت رأيك شنو ؟
الله يديك العافيه يا صالح
نحن عندنا ضباحين بالجد في نادينا
واصبر شوف المهاذل البكره دي
مبرووك للهلال حقيقا ادي الهلال بروح قتاليه خاصه لاعبين الدفاع مزيدا من التقدم وعبال المريخ
اقتباس:
المشاركة الأصلية كتبت بواسطة محمد السر
مبروك محمد السر الهلالي الغيور
بس مهند ده الليله فقع لي المراره
عجيب والله ود فرح ما تخليها بيبسى وسندوتشات هههههههههههاقتباس:
المشاركة الأصلية كتبت بواسطة saleh farah
لكن زعلتنى ( فى النهايه الناس ديل ياهم ضلنا)يظهر مطر خالد دي تاثيره قوي .ضلنا نحن برشلونه واقل من كده ما بنرضى
اقتباس:
المشاركة الأصلية كتبت بواسطة مهيد ود السفاح
طبعا مدنية ناوية لينا لكن الله مرقنا وخيبنا ظنها
خليها بكره تجى
وبنوريها الواجب الصح
ربى يسعدك
كما اسعدنا الهلال اليوم
والله ياصالح الفوز مستحق لكن كدى ورينا شعور الصهاينة لو حضروها معاك!
[quote=مهيد ود السفاح;363608]ههههههههه
ههههههه ههههههههههه
حلوه زي كوجاك
والله نفس الخلقه
بس انا عندي العلاج
اي نعم انا ما احسن من كامبوس لكن بنفهم كوره
علاج مهند الطاهر
الكنبـــــــــــــــــــه
اقعد كنبه كم مباراة افريقيه وفي الدوري وانت تشوف مهند تاني
ولا انت رأيك شنو ؟
هههههههههههههههههههههههه
والله من شدة ما ميت زيو
انا لمن اتعصر شديد اقرب اكورك لى خيري جاز
عشان اناديه
بالضبط كده علاج مهند الكنبه
ولا اقوليك حاجه
انا منتظرو ابقى عمو مهند عشان نحولو المريخ نرتاح منه
الله اديك العافيه ياود السراقتباس:
المشاركة الأصلية كتبت بواسطة محمد السر
والله من صوب الصبر صبرنا كتير
والفرح جاي كميات
ابشرك بيهو من هسه
يامرتضى انت بتاع مشاكل كده مالك ياخىاقتباس:
المشاركة الأصلية كتبت بواسطة مرتضى ساتى
الناس ديل عندهم عقدة من المشروبات البارده
خصوصا البتكون فى قزاز اخضر
عشان كده انا قلت الشاي احسن
بينى وبينك ناس عقوبه ومهيد فى صيوانهم عندهم كبابي كتار
وعشان الميزانيه وكده انا قلت احسن شاي
ولا رايك شنو انت
انا لما اتفرج فى الكورهاقتباس:
المشاركة الأصلية كتبت بواسطة نزار السر
بكون اعمى واطرش
عشان ما ادي زول فرصه الخبط علي متعتى ورجفتى
دى على وزن عجنى