اللهم صلي على محمد وعلى آل محمد كما صليت على إبراهيم وعلى آل إبراهيم انك حميد مجيد ، اللهم بارك على محمد وعلى آل محمد كما باركت على إبراهيم وعلى آل إبراهيم انك حميد مجيد
بالامس فتحت التلفزيون ولفت نظري في قناة ساهور (لتعظيم النبي صلي الله عليه وسلم ) كما يقولون اصحاب القناة
حفل لتوزيع الجوائز لي (نسايم) ساهور .. ولكن من المدهش العدد الاكبر كان من الفتيات من اعمار 16 سنة الى عشرين سنة .
وبدأ الاحتفال بتقديم النسايم انفسهن وكانت الواحدة منهن تذكر اسمها وتقول امام التلفزيون والحضور
انا اسمي نجوى محمد الحسن ولقبي في الشات (نسمة) واتمنى من النسايم المحافظة على (الصلاة) ؟؟؟
واخري لفت نظري طلبها من ادارة القناة
وقالت انا اسمى سميرة سعدالله ولقبي في الشات (حفيظه) واتمني من ادارة القناة ان تخفض قيمة رسايل SMS ؟؟؟؟
بالله ياشاتابية (حفيظة ) الجابرك شنو (تشوتبي) وتضيعي قروشك هل تعظيم الرسول بالشكل ده هل الرسول صلي الله عليه وسلم قال ليك شوتبي حتى تعظميه
وبالله يا ادارة ساهور القصة شنو لامين لينا بنات تشوتب وكمان تعرف في نفسها على الملأ مع تعريف الشباب بلقب الشات (عشان) يعرفوا بي شوتبو في منو ؟؟؟
نحن في منتدى مدني اذا اشتركت واحدة من بناتنا وخطت صورتا بنقول ليها شيلى صورتك من المنتدى خوفا من الفتنة اما انتو ياناس ساهور ياشاتاب بالغتو والنبي منكم براء
*******
