عرض للطباعة
في البدايه احب اسلم علي كل اعضاء المنتدي الرائعين ......................................
واحب اقول موضوعي وهو عن برامج رمضان في قناه السودان والنيل الازرق يعني المسلسلات السودانيه كيف والاغاني في رمضان وخاصه الفرق الموسيقيه التي اصبحت موضه السنه دي ونا س الهلاهوب واجمل اغنيه ليهم والمذيعات والمذيعين يعني كل الاراء بصراحه وارجوا من كل اعضاء المنتدي المشاركه بصراحه وبدون تحيز
شكرا كاتبه المشاركه ميدو بنت بابكر ::)
والله يابابكر الواحد متابعتو ما متواصله لكن قدر الشئ الشاهدتو وعجبني هو نجوم الغد للاستاذ المبدع بابكر صديق في قناة النيل الازرق و(ازيكم)في الفضائية السودانيه والواحد حس بانو في تطور سوى كان على مستوي الماده المقدمه او علي مستوي الديكور او الرؤية الاخراجيه وانشاءالله اكون في تقدم لي قدام واخيرا تشكر يا اخ بابكر على الاستطلاع او الاخت المشاركه
جد بابكر اقول الصراحة في البرامج
والله المتابعة متقطعة يعني البرامج
فيها تقدم ملموس وامكن علشان الواحد
في الغربة وفي شوق لي الوطن يشاهد
بشوق ولاكن الواحد لما يروح السودان
يشوفوا [ مسيخ ]
مع تحياتي
الذهبي
تحياتي اخي الغالي بابكر
طبعاً على حسب كلام الشباب وده اكيد بكون حال العامة انو الواحد ما اتحيت ليه فرصة انو يشاهد جميع البرامج بسبب ظروف الدوام وكده عموما انا عن راي وعلى حسب المواد الشفتها في التلفزيون فهناك طفرة عالية وفي تنسيق حلو فى الديكور ومن البرنامج الكنت بشوف جزء بسيط منها برنامج ازيكم في الفضائية السودانية ونجوم الغد في قناة النيل الازرق وكمان عجبتني ( آهـ ونص للهيلاهوب ) بس بصراحة والحق يقال لسه مسلسلاتنا راجعه وراء ولسه واضح زي عين الشمس التكلف فى التمثيل
مشكور بكور مع التحية
ابو روان يعنى ميدو بقت تكتب من ورانا :D :D :D