جاتنا في صبحا جميل
سحابة تقدل في فرح
أدتنا من تالها كيف
وش اليباس فينا إنطرح
ناديت عليها إدفقي
شيلي من نفسي الحنين
رشيه في وش الصفق
لا تشفقي
نغيمة في حسك
تسوقك لي شقا الشوق ألهناك
المنو كيفن تمرقي
إنجمي في ضلي القبيل
فرحي الزمان لا تسرقي
اصلي بتنفس نَدَاك
وبشرب المنى من
رزاز حرفي المعاك
قلبي الحنين لا تشرقي
ياريتني قادرة عشان اجيك
أنجم عندك واحكي ليك
أنا أسألك :
يا غيمة بتحسي السكات وكتين
يكون جاييك من ضجة حزن؟
ما اظنو .... إلا تجربي
يا غيمة برجوك قربي
شيلي من كتفي الهموم
ارميها في وش الزمان الكان قبيح
واهديني توبين من فرح
اسند عليها مواجع الزمن التعب
اقعد حداها وأستريح
الخامس من رمضان 1430 هجرية
26\8\2009
