فـــي رحـــاب الدوش والبت سعـــــــــــاد ..

ناس مدني هووي سلام عليكم و مساء الخير والجمال ..
اصلو الدوش دا انا مابخليه ولابخلي سعاد .. عشان كدا قلت افتح فصل
من القش والحطب عشان الهواء يكون متجدد داخل وطالع ونسرح مع الزول الدوش ..
ومع البت سعاد ونعيد الترتيب ووضع الحروف في النقط لانو اصلا هي
النقط موضوعة علي الحروف من لدن ذلك الجميل الدوش ..
ونسبة لضياع الفصل ضمن المواضيع القديمة التي ضاعت ,,
حنعيد الحصص من البداية عشان الماكانو حاضرين يحضروا
والكانوا حاضرين وماحافظين يا فلان يحضروا ويحفظوا ..
وبعدين وبحكم ان الفصل كبير وواسع حنعمل كنبتين بعرض الفصل
من الخشب المتين خوف المدافرة ودخول مرحلة اللاوعي لحظة الحصة
الدوشية السعادية المنمقة بالريد المعتق ..
ومن هسي مادايرين هرجلة مع كلام الدوش في سعاد ..
لانو شامل ووافي بهرجلته العشقية الجميلة المتفردة والانبواحات التي
تجعلك متزحلقا في الخشن من المماشي الترابية
وبلا ادراك حين تصل مرحلة الســـّكر العشقي المدنكل والمبهــّــر باحرف
مضيئة وباقية تكفي لكل عاشق مثله ان يتخذها نبراسا ,,
وبوابة دخول في جوف الجوف ..
التسجيل قد بدأ اعتبارا من قبل يومين ..
لارسوم للتسجيل لان الدراسة في فصل الدوش مجانية وبلا اتعاب
الدراسة حتبدأ قريبا ..
نرجو الاسراع بالتسجيل لان الفرص غير محدودة وتسمح باستيعاب كل من يريد ,,
ودا كلو في شان البت سعـــــــاد ..
الرحمة والمغفرة لصاحب الحزن القديم الدوش ..
والتحية للزولة سعاد ..

انا اليوم كنت فى موضوع سعاد دى

واتكلمت عنها فى النيمة

اشتركنا فى حبنا لى سعاد

لكن هى ماااااااااااااا سعاد


وأنا يا سُعاد
وكتين تصُبى سحابَهْ تَنْزِلي زي دُعاش
بفْرِش على روحى واجيكْ
زولاً هِلِك تعبان وطاش
وأنا يا سعاد وكتين أشوفِك ببقى زول
فَرَشولوا فَرْش الموت وعاش)

دقّتْ الدَلّوُكَهْ

قُلنا الدنيا ما زالت بخير

أهو ناس تعرِّس وتنْبَسِط

تكْكَّتَ سروالي الطويل

سويتْلُو رقعات فى الوسط

فى خشْمِ عضّيت القميص

أجرى وازيّد شوق وانُط

لا مَن وصلتَ الحفلَهْ زاحمتَ الخلق

وركزْتَ

شان البِتْ سُعاد

أصلى عارف جِنَّها فى زول بيرْكِز وينْسَتِر

لكنِّى عارِف إنَّها

لو كلو زول فى الحلة بالسُتْرَهْ إنجَلَد

يانى الآزاها وجِنَّها

برْضِى عارِف أظنَّهَا

دِيمهْ فى صَرَّ ة وشيهَا

يلفحْنى شوق نافِر لَبَد

وركزْتَ للحُرقَهْ المَشَت فوق الضلوع

تِحت الجِلد

ضمّيت قزازتى مرقتَ عِن طَرَف البلد

وسِكرْت جَدْ

وأنا جايىّ راجعِ مُنْتَهى لاقتْنى هِى

قالت "تعال"

كِبْرَتْ كُراعى من الفرح

نُص فى الأرِض نُص فى النِّعال ..

يا تلاميذى العُزاز

بسم الله

بسم المجد فى أحضان سُعاد

اكتبوا التاريخ

خمستاشر ربيع أول

والمُوافِق

موِلد الايقاع على خطوات سُعاد

والمُرافِق للصباحات ، المناحات

واخضرار الغيم وفقدان الشُعاع

ارتفاع الموجهْ لى صدر الشراع

اكتبوا

ارتفاع الموج إلى صدر الشراع

يا تلاميذى العُزاز

خلِّى بينك وبين زميلك

زى مسافَهْ

قَدْر أيه؟

قَدْر المسافَهْ البين عيونى وبين سُعاد

قَدْرِ آلاف الفواجع فى انهيارات الحصاد

قدْرِ مسحوق الأنين فى تواريخ البُعاد

اكتبوا

.........

...

ودَيَّه أيه يا اْستاذ يكون؟

دا المُجنن طه اسألأوا ودْ سكِينَهْ

اسألوا الريح المسافر فى تجاعيد السكينَهْ

شاوِرِوا الموج اللِّى ساكِن فى مسافات السفينَهْ

تسألونى عن سُعاد

اكتبوا العنوان بخط ممشوق وواضح

احذروا اللحظ البيضحك وهو جارِح

مُرْكَب على الله ويلأّ نجتاز الحدود

اها ياتلاميذي العزاز ..
حصتين دبل مع بعض حيكونو خاصين ب ( كبرت كراعي من الفرح ) ..
وهي مربط الحصان .. والله يا الدوش هو الناس بتكبر ريسينهم
من الفرح لحظة الاستجابة من المحبوب وبزغللوا من فوق ..
وانت بتكبر كراعك نقول شنو ؟؟؟ غير انك ملك الكلام والقافية ..
انا تفسيري ليها تفسير خااااس جدا حتة كبر الكراع دي ..
وكدي اشرب لي كباية شاي واجيكم ..

قامت سُعاد من رقدتهْا

الكون جميع كان انحصر مابين

قيامَهْا ووقفتَهْا

النخلَهْ والهجليجَه والسيّالَهْ

والشوق والمطر

الغابَهْ والهم القديم

الفرحَهْ والذُّل والخطر

كلُّو انْجَمَع فى كفّتهْا

قامت سُعاد من رقدتهْا

قامت قيامة العُمْدهْ مليون اتجاه

اشتَّتتْ كل الجموع

من كلِّ أنَّهْ وكلِّ آه

ومشيتْ عليكْ أنا يا سُعاد

حتَّة مُعلَّم مُبتدىء

غاوِى وبسيط

ولو ما خَدوم

كان من زمان محْسوب لقيط

ما آصلى مولود لللَقِيط

أو مُغفّل

أو مبهدَل

أو عبيط

يا زعيطاً يا معيط

ومشيت عليك أنا يا سُعاد

شُبّاك على النار انفتَح

درويش نحيل

فى صُرَّهْ شال حزنو وسَرَح

سيلاً تقيل

وسَّع خطاويهو وكَسَخ

ومشيت عليك أنا يا سُعاد

مربوطهْ عينى على خُطاك

فى عيونك اتجمّع كلام

فى صوِتك اتجمّع ظلام

حسيتو فى الحَشَا والعِظام

وقريتو فى سعف النخيل

ولمحتو فى طوق الحمام

فى العفهْ والخُصْلهْ الحنِينَهْ

اللفْتهْ والتوب والحِزام

بارَت مواعيد الغرام

ونزرْتُو حُبِّك للزنازين

والمساجين والهوام

والعُمدهْ فوق راس الفرح

جمّع جريوْاتو ونبح

(مسئول كبير زاير البلد)

قُتْ ليهو يا عمدهْ اختشى

مسئولك الزاير الكبير

يا ريتو بس لو شاف سُعاد

كان رسم للعفَّهْ

أوصافا وتقاطيعا ومقاسا

كان دخل للحِلَهْ من بابا وشبابيكا وأساسا

كان اتْوَلد برَّهْ المُتاجرهْ

والمحاورَهْ والمصاهرَهْ والخساسَهْ

كان تاب

وباع للصدقِ مجدو وذمّتو

يمرُق جديد

من حَر دهاليز النِخاسَهْ

من هدومِك يا مرازِل

يا مزابِل

يا مباخر للتعاسَهْ

يا مناكر

يا عساكر



يا ، سُعـــــاد

......

فِك علَى كلب الحراسَهْ

.....

يا تلاميذى العُزاز

فى يوم طويل مبطوح على صدر الزمن

اتلمّت الحِلَهْ

الحنينْه عشان وداعَك يا غروب

حُزن فارس

وكيف يصير فى لحظَهْ مولَى

كيف يجوز

يا عمدَهْ كيف؟

الذُّل مُصان

والحّثب مُهان

والسجن أولى؟

كيف لقيت يا عُمدهْ كيف

للمجازر

والخنازير

والخناجر

فى رموش الغيم مَحَلَّهْ؟

كيف بنيت يا عُمدهْ كيف

من رماد حزن المآتم

من تُراب غضب المآتم

ليكْ ولى ضيفَك مَظلَّهْ

حِلَّهّ حادَّه

وإنتَ تزْرع فوق ضُوع الوادي حفْلَهْ؟



كيف يجوز؟

قد يجوز وقد يجوز

يا تلاميذى العُزاز

ضَلّض مَن قَد لا يحوز



من تبتّلْ أو تيَمَمْ

أو تيتَم أو ترمّل

يا تلاميذى العُزاز

اكتبوا التاريخ

خمِستاشر سُعاد أوّل

عاقب مصباح حبابك
في رحاب الدوش والزولة سعاد
سكر الحب والمروق لاعند طرف البلد
كبر للنعال ,, ودق للدلوكة ,, وتتكيكة للسروال
خليك قريب يا اخوي ..

الشاعر وصف حالة الزول ده بي انه منتشي من الفرح والسكر والحب ..
ووصل مرحلة ما بعد بعد اللاوعي
لو في ترتيب للمرحلة .. يعني قمة النشوة ..
لمن حس بي كرعينوا بقن كبار من مقاس 42 يمكن يكون وصل
مقاس 57 زاتوو .. والاحساس الذي دا لما يجي من اتجاه الكرعين
معناها الزول ده وصل لي درجة متقدمة جدا
من نتاج تلك الخلطة الفظيعة من ( الفرح + الســّـــكر + الحب ) ..
يعني التلاتة اشياء دي لو اجتمعت فيك
وفي وقت واحد اقرب بحر واعمل ليك جنبو راكوبة قش واعلن دروشتك ...
يعني لو رجعنا لي وراء شوية ونبشنا قبور الذواكر والحته الخاصة
بالافلام في الذاكرة واسترجعنا حالة البطلة
الختيرة ديك روز في فيلم تايتنك ولحظة وقفتها علي اطراف اصابعينا
في الحفلة بتاعت درجة تالتة مع الطبقة تلك ,,
اها البت روز دي في اللحظة ديك وصلت المرحلة بتاعة الدوش زولنا دا
وبقت ماشاعرة بي شيئ ..
يعني نشوة من الحب والفرح والسكر والاحساس طالع من جوه القلب الجواني ..
مشي للراس لقاهو مافي .. رجع للكرعين لقاهن كباااار ...

قامت سُعاد من رقدتهْا

الكون جميع كان انحصر مابين

قيامَهْا ووقفتَهْا
***

هو اصلو ياعاقب لو الشغلانية وصلت وصف زي
دا اذن الدوش له حق ان يسكر ويطرف ويستطرف البلد
( الكون جميع قام انحصر مابين قيامها ووقفتها )
ياخي هنا الواحد حقو يسكت ساي والله ..

ياسلام سعاد جات بي جاي ....
التحية ليك اخي ود الضو ,,, والرائع عقبة ,,,



الموت مُباح

والحب نِطاح

والصِدقِ من جِنس الزِّنا

العافيهْ مولودَة سِفاح

والرغبَهْ مكسورةَ جناح

الحلم والوعد النبيل

الطِفلهْ والأم ، النخيل

الرّنَهْ فى الوتر الاصيل

تلقاهَا فى قاموس نكاح

يا يُمَّه واح..يا حِلَّهْ واح

اقتباس:

---

المشاركة الأصلية كتبت بواسطة ود الضو

قامت سُعاد من رقدتهْا

الكون جميع كان انحصر مابين

قيامَهْا ووقفتَهْا
***

هو اصلو ياعاقب لو الشغلانية وصلت وصف زي
دا اذن الدوش له حق ان يسكر ويطرف ويستطرف البلد
( الكون جميع قام انحصر مابين قيامها ووقفتها )
ياخي هنا الواحد حقو يسكت ساي والله ..

---

الدوش مجنون

وفى تفاصيل انا ما جبتها

ما بيقبلوها الجماعة

اكلها فى حنانك ساى

اقتباس:

---

المشاركة الأصلية كتبت بواسطة بت مارنجان

ياسلام سعاد جات بي جاي ....
التحية ليك اخي ود الضو ,,, والرائع عقبة ,,,

اقترح البوست يمشي الثقافي لانو دة مامكانو ;)

---

بت مارنجان

مشتاق ليك جد

والله اقتراحك جميل

بس ود الضو دا بيجب النفاج شديد

يا ريت لو ينظر فى الامر

اقتباس:

---

المشاركة الأصلية كتبت بواسطة agibmisbah

وفى تفاصيل انا ما جبتها

ما بيقبلوها الجماعة

اكلها فى حنانك ساى

---

انا بستغرب في البقول في تفاصيل مابقدر اجيبها ؟؟؟؟
انت جيبها وشوف لو الناس قبلتها ولا رفضتها ....
وبعدين انت كتبتها ؟؟؟؟

اقتباس:

---

المشاركة الأصلية كتبت بواسطة agibmisbah

بت مارنجان

مشتاق ليك جد

والله اقتراحك جميل

بس ود الضو دا بيجب النفاج شديد

يا ريت لو ينظر فى الامر

---

شوقنا بحر ياعقبة ....
لكن الاقتباس ماعندك :p:p


يكفي ان يملك هذا الدوش الروائع الخالدة منها " الحزن القديم " لابو الورود


ولا الحزن القديم

إنتِ

ولا لون الفرح

إنتِ

ولا الشوق المشيتْ بيهو

وغلبْنى أقيف

وما بِنْتِ

ولا التذكار ولا كُنْتِ

بتطْلَعِى إنتِ من غابات

ومن وديان...

ومنى أنا..

ومِن صحْيَة جروف النيل

مع الموجَهْ الصباحيَّه

ومن شهقَة زهور عطشانَهْ

فوق أحزانهْا

متْكَّيهْ

بتَطْلَعى إنتِ من صوت طِفلَهْ

وسط اللمَّهْ منْسيَّهْ

تَجينى



معاكْ يجينى زمن

أمتِّع نفسى بالدهشَهْ

طبول بتْدُق

وساحات لى فرح نَوّر

وجمّل للحُزن..ممْشى

وتمشي معاي

خُطانا الإلفَهْ والوحشَهْ

وتمشى معاي... وتْرُوحى

وتمشى معاي وسط روحى



ولا البلْقاهو بِعْرِفنى

ولا بعرِف معاكْ ..روحى

اتْلخْبَط الشوق بالزَّعل

اتْحَاوروا الخوف والكلام

"ه-يْى يا سُعاد

على ودْ سكينَهْ وكِلْتِي في خشمو الرماد

علي ود سكينَه ومَات أسى

وأنا بِت بلاك ملْعُون أبوى لو كنتَ أرْضَى أعرِّسهْا

وأنا يا سُعاد

وكتين تصُبى سحابَهْ تَنْزِلي زي دُعاش

بفْرِش على روحى واجيكْ

زولاً هِلِك تعبان وطاش

وأنا يا سعاد وكتين أشوفِك ببقى زول

فَرَشولوا فَرْش الموت وعاش)

قالت سُعاد

(بطِّل كلام الجِرْسَهْ انجض يا ولد)

مزّقْت روحى نِتَف

مرّقْتَ من جيب القميص

عرقى وأسق

طبّيت قزازتى وصلتَ لى طَرَف البلد

وسكْرتَ جَد

اذّنت فى الشوك والسَلَم

وسرحْتَ بالناس والغَنَم

وركعتَ للعرقى البِكِر

وقدتَ فى الألم الحِكِر

وحلمتَ زى شالنى ومشَى

فوف زحمة نْبيْ الله الخِضِر

اقتباس:

---

المشاركة الأصلية كتبت بواسطة بت مارنجان

انا بستغرب في البقول في تفاصيل مابقدر اجيبها ؟؟؟؟
انت جيبها وشوف لو الناس قبلتها ولا رفضتها ....
وبعدين انت كتبتها ؟؟؟؟

---

خليها بعد رمضان

عشان ما نجرح صيام الناس ساى

اقتباس:

---

المشاركة الأصلية كتبت بواسطة agibmisbah

خليها بعد رمضان

عشان ما نجرح صيام الناس ساى

---

ولا هسي ولا بعد رمضان ياعقوبة :o

اقتباس:

---

المشاركة الأصلية كتبت بواسطة بت مارنجان

ولا هسي ولا بعد رمضان ياعقوبة :o

---

البركة الاقتنعتى يا بتى

ما قلتو لاااااااااااا

اقتباس:

---

المشاركة الأصلية كتبت بواسطة agibmisbah

البركة الاقتنعتى يا بتى

ما قلتو لاااااااااااا

---

:mad::mad::mad::mad::mad::mad::mad::mad:

:o:o:o:o:o:o

:mad::mad::mad::mad::mad::mad::mad::mad:

ماخلاس ياخ :mad:

هووووي سلام عليكم
عاقب وبت مارنجان كيف حالكم
اولا في التبادي الموضوع يمشي الثقافي
قلتوا كدا ؟ يمشي الثقافي من دربو دا
انقلوه طوالي
مشاققة :
انت يا العاقب الحاجات الماعايز تجيبها دي
وهي بتجرح الصوم معناتا يا اخوي شيتا تقيل
انا موافق تجيبا بس بعد رمضان عشان مانبيع القضية يا اخوي
لكم التحية ..