من مواقف الدعوات
في هذا شهر رمضان الكريم وبصفة خاصة عندنا نحن كشعب سوداني يتبارى الناس في عمل دعوات الافطار لبعض . وخاصة الذين يقيمون مع اسرهم يحرصون على دعوة العزاب من امثالي .. في الحقيقة هي التجربة جديدة علي جدا كعاذب لانه اول مرة يكاد يكون منذ ان تخرجت من الجامعة انه اقابل رمضان وانا اعذب بعد ان سفرت اسرتي لقضاء الاجازة بالسودان .. والحمد لله وبجزيل الشكر للاخوان والذين لم يتركوا لي فرصة لاتهنا بهذه العزوبية لو كان فيها هنا .. لدرجة ان الدعوات اصبحنت اكثر من الايام واعتقد انه انا ساحتاج لمحلق شهر اضافي في رمضان .. وبصفات كثيرة جعلتني اتلقى الدعوات اما من الجيران وهم نوعين جيران قدامى في حي قديم اضافة الى جيران جدد وزملاء عمل واصدقاء واقارب .
لكن من الطرائف عندي جاري سكن جديد باسرته ( حقيقة هو زوجته صدبقة زوجتي وبسبب هذه الصداقة فضت شقة قربنا ورحلوا فيها )فهذا الجار كلما جاء يدعوني للفطور اعتذرت بانه انا معزوم .. آخر شئ جاني يوم الجمعة وقال لي يا ابو محمد لازم تفطر معنا اليوم .. اعتذرت باني معزوم .. خلاص تفطر معنا السبت واعتذرت ايضا وبدا يتضايق وقال خلاص الاحد .. وانا قلت خلاص الاحد بفطر معك .. وكنت ناسي انه يوم الاحد هو يوم مباراة الهلال مع كانو والمباراة في نفس وقت الافطار .. لانه اتصلوا بي الاخوة في رابطة مشجعي الهلال بالرياض بعد ذلك واخبروني ... لانهم هم درجوا يوم مباراة الهلال ان ياجروا استراحة ويحضروا بروجكتر او شاشة عملاقة ويصنعوا جو جميل كانك تحضر المباراة في الاستاد . اعتذرت وقلت لهم انا معزوم مع جارنا .. اصروا ما في طريقة لازم تعتذر معقولة المباراة تفوتك .. وانا اصريت انه هذا الجار سينفجر لو اعتذرت له مره اخرى ... اخيرا فكرنا في حل وسط وقلت خلاص قرب وقت الافطار انا اروح عنده لو اكتشفت انه انا فقط المعزوم لا احد غيري في هذه الحالة ما في طريقة اعتذار لانه اكيد راح يكون كلف نفسه ..اما ان كان عنده ضيوف غيري فانا ممكن اعتذر في اني رايح احضر المباراة مع ناس الهلال واكيد راح يتفهم الامر ومافي خسارة بالنسبه له .. وفعلا رحت عنده قبل الاذان بساعة .. ما وجدت احد غيري لكن الطريقة والحفاوة التي استقبلني بها قفلت كل ابواب الاعتذار بعد ذلك لانه سحبني من يدي وادخلني الصالون مع عبارات الترحيب والسرور وفي نفسي قلت طارت المباراة .. ولكن لاحظت انه هناك عدد كبير من الكبابي مما يدل على انه الضيوف كثر ولكن انا اولهم .. على كل حال انا استسلمت وقنعت من المباراة ... ولكن تعالوا شوفوا المفاجاه ..
جاء جارنا ابو وليد هو من اعتذر لي وتقريبا اجمل اعتذار سمعته في حياتي ..
قال لي يا ابو محمد انا بعتذر لانه عزمتك مع جماعة هلالاب ونحن ناس كورة جايين يحضروا معاي المباراه عشان انا عندي أي أر تي ... بس ما نزعجك اوعى تكون مريخابي ... وانا قلت له يا راااااااااااااااااجل انا من قبيل عاوز لي طريقة اتخلص بيها منك عشان امشي احصل مباراة الهلال في مكان تاني .. وكان يوم لا يقل عن ايام رابطة الهلال بالرياض .واتضح انه الرجل كان لاعبا في احد اندية الهلال السودانية ..
والى موقف اخر من الدعوات
