رمضان كريم يا مرور !

قبل رمضان باسبوع كنت مع مجموعة من الأصدقاء فى رحلة الى مدينة شندى لاداء واجب عزاء

وبعد تفتيش مدنى بعدة امتار فؤجيئنا بحملة فى منتصف الطريق وكنت بجوار السائق وبالطبع لم يكن السائق رابط الحزام وطبعاً الغرامة 200 جنية وحاولت ربط الحزام من مكانى ولكننى لم أستطع فقلت للسائق "أنزل من الشارع" وعندما نزل نزلت من العربة وتفحصت اللستك وكذلك فعل هو ثم ركب مرة أخرى وهذه المرة ربط الحزام ! وكانت تفصلنا من الحملة أمتار قليلة كل هذا ورجال الشرطة يراقبون الموقف وعندما أقتربنا كانوا فى أنتظارنا !

كنت أحمل الرخصة معى .

نظر الينا الشرطى نظرة المنتصر وقال للسائق "رخصتك ورخصة العربة " وبالطبع كانت موجودة ولكن فى سؤال غريب من نوعة ألتف الى الشرطى وقال لى "رخصتك" فقلت فى اندهاش "أنا" فقال "أيوا" وكان متاكد تماماًمن أننى لا أحمل رخصة قيادة وأننى أنا من كان يقود العربة!!!

وعندها قال فى حيرة "أنتو عملتو شنو هناك؟" فقلت له فى براءة شديدة " أنتا عارف أنا شاكى فى اللستك تعال شوفو " فنظر الينا وقال " أتفضلوا "

لك العتبى يا ايها الشرطى وأعلم تماماً باهمية الحزام ولكن لم يكن هناك بد من نتجنب الغرامة المرتفعة

سلامات دمياطي ورمضان كريم

اذا كان الشرطي متاكد من انك من تقود وبعد دا تركك فيعتبر الشرطي

مسالم والله هذا الشرطي

تقبل مروري والف مرحب بيك

مزيدا من الابداع

مشكور على المرور أخى عمر
الشرطى كان متأكد تماماً من أننى كنت السائق
ولكن عندما رأى رخصة القيادة ألجمته الدهشة وقال "أنتو عملتو شنو " :)

دمياطي سلام ورمضان كريم ..
المعروف من زماااااااااااانتك كدا انو شرطة المرور شرطة جباية ... يعني لو مرخص عربيتك هسي وانت طلعت رخصة قيادتك امس ... وسايق ورابط الحزام وعامل السبعة وزمتها ... حا يعملو ليك في النهاية مخالفة ... دا قانون الحركة ...
يعني ما بعيد يقول ليك موية اللديتر ما تميتا ليه ...هههههه
تقبل مروري ..

المشكلة يا ود البلد أنو الغرامات أصبحت خيالية فمثلاً غرامة عدم ربط الحزام 200 جنية وقالوا أنو قطع الاشارة فيهو سجن (الحمد لله ما عندنا اشارات مرور فى مدنى)