الرحمتات وافطار المنتدي الجماعي

:mad:

يوم الخميس ( الرحمتات ) وما ادراك ما الرحمتات عادة سودانية قديمة ذات معاني عظيمة وقيم جميلة .
تدل على روعة وانسانية المواطن السوداني
وعلى معنى مفهوم التكافل الاجتماعي واحسان الجار
وحب الاطفال والصدقة ( وياربي ما تحرم بيت من الاطفال ...........
( الرحمتات عبارة عن(فتة كمونيةأو لحمة )توزع في الخميس الآخير من شهر رمضان
للأطفال " واكيد الباقين بخشوا فيها شوية ...............
وياالمحتفلين بأعضاء المنتدي في جدة والرياض . هنيئا لكم اللمة
وهنيئا لكم الونسة والقطيعة وربنا يجمعكم في الجنة في الفردوس الأعلى
ويجعل اجتماعكم في الطاعة ومرضات الله آآآآآآآآآ مين ولا تنسونا من صالح الدعاء
ونحن بدورينا هنا في ارض الرباط ارض الجهاد ( ودمدني . واقول بحق جهاد جهاد ضد الباعوض ( عدو مخفي لا يري وهو يراك لسعة واحدة بحسنة والحسنة بعشرة امثالها
وجهاد ضد الكهرباء وما ادراك ما الكهرباء والله يا ناس انا بكلمكم بصدق وبحسرة شديدة جدا
في نفس الوقت على الحالة المزرية الكهرباء بتقطع 15 ساعة عادي جدا جدا: طيب الواحد
يصوم كيف وينوم كيف . حر وباعوض وكهرباء مافي ولو جاز الدعاء . لدعوة لكم بالنسف والموت يا حكومة السودان ومدني خاصة ولكن في الصبر أجر كبير ( واصبر وما صبرك الا بالله ولا تكن في ضيقا من ما يمكرون )
انهم جبناء لانهم ينامون وكل شي على ما يرام اما المواطن فالا الجحيم ( أما انا فعند الله اللقاء يا ناس الانقاذ .............
اعزروني احبتي فقد خرجت من النص قليلا ولكن والله حرقة والم لهذا الظلم المتعمد ...
والله قطعوا لينا الرحمتات في راسنا ...............
ولكن رغم كل شي سناكل الرحمتات وسيفرح اطفالنا ويبتهجوا ويغنوا ويرقصوا رقضة العيد
وفرح العيد وياربي ما تحرم بيت من الاطفال.......
( فانتم في فرح مع الاعضاء ونحن في فرح مع الاطفال ..................
وربنا يدوم الفرح في كل حين أأأأأأمين والي اللقاء