ابو قناية يقيل قادة الكرة بمدني

مدني: عثمان محمد بابكر

اصدر السيد عثمان الامين ابو قناية وزير الشباب والرياضة بولاية الجزيرة قراراً وزارياً باعفاء السادة العميد عبد العظيم فضل نائب رئيس اتحاد الكرة بسبب الاستقالة كما اعفى السيد العقيد ضياء الدين محمد ابراهيم سكرتير الاتحاد لنقله خارج الولاية كما اعفى السيد امين خضر أمين الخزينة لنقله خارج الولاية وسبق ان اصدار قرار بتعيين السادة العميد شرطة صلاح الدين بابكر والسيد علي النعيم والسيد محمد احمد ادريس وذلك لتكملة المجلس في انتهاء فترته المحددة واصدر هذا القرار استناداً لسلطاته الواردة في المادة 8 «ك» من قانون الشباب والرياضة وعليه سيعقد المجلس اجتماعاً مهما مساء اليوم.

أخيراً انتبهت الوزارة الى أن هناك 3 من الضباط الأربعة لاتحاد الكرة قد تم نقلهم خارج المدينة .. مع العلم بأن هذا الوضع استمر فيه اتحاد الكرة في مدني لأكثر من عام .. كان يتحمل عبء تسيير النشاط فيها الرئيس ومن تبقى معه من الشباب.

ورغم أنها جاءت متأخرة فشكراً سعادة الوزير على القرار التصحيحي للأوضاع في اتحاد الكرة في مدني..
لأننا قد ابتعدنا عن مدني اريد فقط من يدلني الى هوية هؤلاء وهل هم من مدني :
العميد شرطة صلاح الدين بابكر والسيد علي النعيم والسيد محمد احمد ادريس

باستثناء اليد علي النعيم طبعاً فهو معروف للجميع منذ أن كان ادارياً ناجحاً في النادي الاهلي

انت خلي ناس الاتحاد من مدني ولا لا .... مدني كلها فيها زول من مدني
ناس مدني هجروا الكورة والفن والادارة واصبحنا نتسائل دا من وين ودا منو ... وراحت فيها مدني

اقتباس:

---

المشاركة الأصلية كتبت بواسطة معتصم عيدروس

أخيراً انتبهت الوزارة الى أن هناك 3 من الضباط الأربعة لاتحاد الكرة قد تم نقلهم خارج المدينة .. مع العلم بأن هذا الوضع استمر فيه اتحاد الكرة في مدني لأكثر من عام .. كان يتحمل عبء تسيير النشاط فيها الرئيس ومن تبقى معه من الشباب.

ورغم أنها جاءت متأخرة فشكراً سعادة الوزير على القرار التصحيحي للأوضاع في اتحاد الكرة في مدني..
لأننا قد ابتعدنا عن مدني اريد فقط من يدلني الى هوية هؤلاء وهل هم من مدني :
العميد شرطة صلاح الدين بابكر والسيد علي النعيم والسيد محمد احمد ادريس

باستثناء اليد علي النعيم طبعاً فهو معروف للجميع منذ أن كان ادارياً ناجحاً في النادي الاهلي

---

شفت كيف يا استاذنا ، سبق وقلت ليك فى مداخلة اخرى انه ناس مدنى خلوها للاخرين ، قلت لي مدنى بتذوب ( الواو مكسوره ) كل داخل اليها
الله يكون فى عون الناس القاعده لسه فى مدنى

أكيد خطوه يستحق عليها السيد الوزير الشكر ، لكن قبل ذلك يظل التساؤل الذي طرحنا في بوست ذهب مع السيل عن قانونية مجلس إدارة الإتحاد في ظل النقص الذي إستمر لأكثر من عام ولماذا لم تحرك أندية المدينة ساكناً في تصحيح هذا الوضع وهي صاحب الحق الأصيل في إختيار أعضاء المجلس بالطرق الديمقراطية لا إنتظار التعيين .

اقتباس:

---

المشاركة الأصلية كتبت بواسطة gadoramedani

انت خلي ناس الاتحاد من مدني ولا لا .... مدني كلها فيها زول من مدني
ناس مدني هجروا الكورة والفن والادارة واصبحنا نتسائل دا من وين ودا منو ... وراحت فيها مدني

---

اخونا قدورة .. والله ناس مدني قاعدين لكن مشكلتهم بقعدوا يتفرجوا!!!

اقتباس:

---

المشاركة الأصلية كتبت بواسطة saleh farah

شفت كيف يا استاذنا ، سبق وقلت ليك فى مداخلة اخرى انه ناس مدنى خلوها للاخرين ، قلت لي مدنى بتذوب ( الواو مكسوره ) كل داخل اليها
الله يكون فى عون الناس القاعده لسه فى مدنى

---

حبيبنا صالح الصالح .. تحياتي

يا حبيبنا والله مدني البنعرفها بتذوب "الواو مكسورة" كل داخل ليها ... لكن في الكورة دي انا بعرف انو ناس مدني موجودين بس هم وين ؟؟؟
مدني خرجت أفضل الاداريين لكرة القدم في السودان .. ولا نريد التعداد لأننا سننسى كثيرين

اقتباس:

---

المشاركة الأصلية كتبت بواسطة هيثم عبدالعال

أكيد خطوه يستحق عليها السيد الوزير الشكر ، لكن قبل ذلك يظل التساؤل الذي طرحنا في بوست ذهب مع السيل عن قانونية مجلس إدارة الإتحاد في ظل النقص الذي إستمر لأكثر من عام ولماذا لم تحرك أندية المدينة ساكناً في تصحيح هذا الوضع وهي صاحب الحق الأصيل في إختيار أعضاء المجلس بالطرق الديمقراطية لا إنتظار التعيين .

---

اخونا هيثم كيفنك ؟؟ يا اخي مشتاقين

معك نتساءل لماذا لم تتحرك الأندية .. ولم تحرك ساكناً لتصحيح الوضع!!

يا جماعة سعادتو علي النعيم ما جاء ماري بالببوست دا عشان يورينا الحاصل شنو

ولا نقوم نعمل ليه أمر اعتقال ونقعده على كرسي الاستجواب الساخن عن الاتحاد وعن مشاريعهم وعن تصورهم لاعادة الكرة في مدني الى سابق امجادها..

يا سعادتو .. ما بنقدر نقول ليك اجمع هنا ... بس يا ريت لو تشرفنا بمعلومة

يا جماعه لازم نعطى كل ذى حق حقه

الضباط المقالين حدثت فى فترتهم اكبر طفره فى البنيات التحتيه للاستاد

من لا يشكر الناس لا يشكر الله

عندي سؤال يا اخوانا
الرابط شنو بين الاتحاد و اصحاب الرتب العسكريه

لم نقل أنهم لم يعملوا شيئاً.. فنحن لم نكن نتحدث عن العطاء .. ولكن قلنا أن القرار قد تأخر لأن ثلاثتهم قد تم نقلهم من مدني الى مدن أخرى .. والواجب كان يحتم عليهم بمجرد المغادرة تقديم استقالاتهم حتى لا تخلو كراسيهم ويجلس عليها من يستطيع أن يقدم

ناس مدني خلو الكورة الداخلية
و الادارة الاهلية عشان كدا لاعبي
مدني بحبو يلعب براء مدني لانو بتقيمو كتير
ود البيت مافي زيو يا ناس مدني

كما قلت يا سند ود البيت مافي زيو