تأخر لفترة
وأظن
حان وقته
عرض للطباعة
تأخر لفترة
وأظن
حان وقته
يا صلاحِ يا عمنا حرقت دمنا
للكاس دا يِِِِِسِمَّنا ليه بس بالله
*****
مدعوك من الأربعة واحد زايد أربعة
الكاف جاد لينا بي يوناميدو الأربعة
نمرة قارورة تساوي إتنين في أربعة
و عمر نسيبو دايماً مساند الأربعة
الكهربا قطعت من كشافاتنا الأربعة
و اليوم كان جمعة ما يوم الأربعا
مازيمبي غلبنا في دوري الأربعة
لا نفعنا حجابنا لا كجورنا الأربعة
لا حمارنا المدفون في أركانا الأربعة
بي مواسيرنا السبعة و دفاعنا الأربعة
بي خطة جديدة تلاتة- تلاتة-أربعة
في لوبومباشي لازم نغلب أربعة
لكن يا خسارة كتيرة أهدافنا الأربعة
الأكيد مازيمبي حا يجيبلو أربعة
و يزيد صفرنا الليهو عشرين في أربعة
للكاس دا يِِِِِسِمَّنا ليه بس بالله
*****
لا تجهل أمرهم في الزريبة مقرهم
هم أهل الكافِ و الواضح سرهم
زورهم بي ربطة تشرب من درهم
و أبذل أموالك لي حكامهم برهم
ثم الفريزيان من حبالهن جرهم
قام دمبا المالي بالقونِ سرهم
سيدي التعاون الكان جسرهم
إبن ( الحنفية ) كابوندي بدرهم
قل سيف الأهوج و إيفوسا أغرهم
المعز محجوب الفعلو ضرهم
و علاء الدين بالشلوتِ غرهم
عمر و إمبيلي الناسي ذكرهم
سادومبا الأروش في الجري بحرهم
و قارورة الهيثم الكابتن حبرهم
في الزريبة صفرهم و في الكنغو جزرهم
للكاس دا يسمنا ليه بس بالله
*****
صفراتاً تسرحا بالليل والضحي
توصل زريبتو و عنو لا تبرحا
تذكرنا عندو و أحوالنا تشرحا
بالفوز تأتينا في لوبومباشي وتفرحا
و تقول يا أرباب لي همومك أطرحا
و بالمحلي أفرحا و بأصفارك أمرحا
و للكاس دا يسمنا ليه بس بالله
*****
يا صلاحِ يا عمنا حرقت دمنا
للكاس دا يِِِِِسِمَّنا ليه بس بالله
الحبيب هيثم
قلنا نضرب عصفورين بحجر وآحد.
العزيز حاتم
لك ما أردت
أما أنا فسأركز على عصفوري
حاشاك الطناش
اقتباس:
المشاركة الأصلية كتبت بواسطة هيثم عبدالعال
خلاص اشتغل بسياسة كان تعب منك جناح في السرعة زيد.
مأثورنا الشعبي يزخر بكثير من المقولات والنصائح التي ترقى للحكمة رغم أن العمل بها وإتيانها في أحايين كثيرة لا يمت للحكمة بصلة .
يثور نقاش وقد تختلف مع أحدهم ويشتد الجدال بينكما وتعلو الأصوات وتتسارع الأنفاس فيعاجلك أحدهم بالنصيحة الجهنمية وبالتأكيد بمنأى عن الآخر
(لو عاوز تهري أسكت خلي) أو الأكثر استفزازيه (جليهو) أو بصيغتها المخففة (طنش تعش تنتعش ) والأخيرة أكثر تهذباً كونها لا تعنى إلا بأثر الفعل عليك ولا تحفل بأثره على الآخر وإن كانت النتيجة واحده
على الرغم من أن نفس مأثورنا يحذر وبشده من عظم هذا الطناش وتجاهل كلام الآخر لا سيما إن كان من الجنس الذكوري ويفرد له مقولة لا يصلح المقام لإيرادها .
اللهم لا تسلط علينا من يهرينا
التعديل عشان نسيت أقول ليكم حأطنش شوية وأجي
عايزين نرد ونتداخل ..
لكن خايفين (تطنش) مداخلتنا
(وتجلينا)
فنصبح في زمرة (العايز تهري) ..
يا هيثم ياخ (أعمل رايح) ..
------------------------------------
نضمن الرد الأول ..
رغم أن شعار البوست التطنيش التام أو الموت الزؤاماقتباس:
المشاركة الأصلية كتبت بواسطة معتز الريح
ورغم أنني عضو في جماعة المطنشين
أبت نفسي إلا أن أرد عليك
همسه : (أعمل رايح ) كانت في مسودة البوست قبل التنقيح وشطبت لعدم إكتمال النصاب المؤيد لها .
يا ربي انا وين
أبو النوراقتباس:
المشاركة الأصلية كتبت بواسطة ابوالنور
البوست جااااد ويستهدف الظاهرة التي تمثلها خير تمثيل
تمثيل غير رسمي طبعاً
وقع ليك ؟ أو fall to you
سؤال برا المقرر و أختياري كمان عشان لو عايز تطنش طنش بي عافيتك :eek:
أنت يا ود الكوتش درستا قانون ولا صحافة ؟
اليومين دي شغال زرزرة و أسئلة تعسفية و تطنيش و هري في الجماعة ؟ الجماعة ياتم يا ود النور ؟ أنا عارف :eek:
أحتياطي كدا جاوبتا على نفسي عشان لو طنشتني ما أتهري أو أحمبك ;)
كسير تلج : يعجبني فيك يا هيثم أنك موضوعي وما بتحابي زول ( وش جادي جدا ً )
اقتباس:
المشاركة الأصلية كتبت بواسطة moh_alnour
شكلك كده وقع ليك يا ودالنور ......... إتصل عشان الجائزة
درست قانون صحافة ، بس مابتاع الرقابة القبلية داك
الجماعه ياتي ؟ على وزن نوره ياتي
موضوعي مطنش
رابط : الطناش كسياسة ونصيحة
تتمة :
النصيحة بكل صيغها السالفة تدعو المخاطب إلى تجاهل الآخر الذي يأتيك بما قد يكدرك قولاً كان أو فعلاً أو ...
ولأن فعل التجاهل نفسه هو على خلاف الطبيعه البشريه ، تكون النصيحة صعبة التطبيق وتقارب المستحيل وتحتاج لمهارة خاصة لا تتوفر إلا لدى القله بخاصة نحن أهل السودان من نفاخر بحرارة دمنا ، والمهارة هنا في رأيي مهارة سالبه لأنها لا تحتاج لفعل بل إمتناع .. فلا فعل بدني يجهد ولا فكر يعمل ولا رد يدبج فقط عدم الإتيان بفعل وما أسهله نظرياً .
[quote=ورغم أنني عضو في جماعة المطنشين [/quote]
قبل ما نفهم اي حاجة يا حضرة المستشار .. شكل لينا كلمة المطنشين دي عشان نعرف انت من ياتهم .. وعشان ما نفهم غلط
اقتباس:
المشاركة الأصلية كتبت بواسطة معتصم عيدروس
ما تخليها كده تتقري من الإتجاهين
ياها دي جنس الزرزرة البتجيب التطنيش ذاتو
على العموم يا سيدي
أنا محسوب على المطنشين وفي الحقيقة أنا من المطنشين
التشكيل ما ظاهر
عليك بـ عذبني .. وزيد عذابك يمكن قلبي ينسى
زي ما نساني .. قلبك يمكن قلبي ينسى
أسمعها / صباح ومساء
أجمل حاجه في طناشك ده .. إنو "جلابية عااااامر" أو قل "أم جكو" تتلبس من كل الإتجاهات
وأصدق حاجه في البوست أنك ملك التطنيش "بدون تشكيل" :p:)
هو يا ادوب راس السوط وصلك اها كان انجلدت قدام الناس وضربو بكلامك عرض الحائط موش برضو طناشاقتباس:
المشاركة الأصلية كتبت بواسطة هيثم عبدالعال
وطناش×طناش = اتنين مطنشين وعملت ودالريح احسن الواحد يعمل رايح
مستشارنا / هيثم عبدالعال
مادام حلم السفر موجود فالطناش ممكن يكون سلاح ذو حدين ( مش كده ) ...
كما عرفناك أخى هيثم ... حقانى .. دمت بخير ..
أفضلاقتباس:
المشاركة الأصلية كتبت بواسطة عثمان جلالة
( أنساني وأنا أنساك ) عشان الندية وكده
ياخي لازم نفصل واسع حتى يلبس الكل
لو كنت ملك التطنيش كان دخلت التشكيلة ... مش طوالي في الكنبة
يا أستاذ صلاحاقتباس:
المشاركة الأصلية كتبت بواسطة صلاح ودالطاهر
أنا بتهم أبو النور بأنو مبتكر الطريقه وباعها للجماعه وقبض التمن
وجاء هنا يعمل رايح تاااني
اقتباس:
المشاركة الأصلية كتبت بواسطة عوض صقير
كما قال الإمام الشافعي للسفر خمس فوائد
أهمها وأولها ( حسبما قال ) تفريج هم
فـ
سافروا مطارات الوداع ضجت
أبو الزمل هيثم تحياتى..
طيب يااخ عملو رايحييين ومطنشين بس لمتين؟؟
بس ما يمكن المطنشين ديل فعلا وبالجد رايحييين؟؟ لو إجابتك : ممكن ..والله إتسنفكنا وفى قبولنا..
وإذا إجابتك: لا.. يبقو هرو مرارتنا وفقعوها فقع ..بس برضو لمتين؟؟
اقتباس:
المشاركة الأصلية كتبت بواسطة هيثم عبدالعال
وللترغيب في الأخذ بالنصح يحفز المنصوح بما يحققه من نصر عظيم وأثر عميق على نده وهو الهريان (لا أدري إن كان التصريف صحيحاً أو لا) وذلك لعمري محفز شديد الجاذبية ويستحق المجاهدة ، فإن كان الفعل شاقاً عليك تجد نفسك مدفوعاً بعظم النتيجة وكونها أشق على الآخر .اقتباس:
المشاركة الأصلية كتبت بواسطة هيثم عبدالعال
جربوا التطنيش إستعداداً لإستحقاقاتكم الرسمية
أخيرلك أقول الكلام البحرق حشايا
أخير لك أفضفض جراب الخبايا
هذا وأستغفر الله لنفسي ........ وكل يستغفر لنفسه
وجدت سكوتي متجرا فلزمته
إذا لم أجد ربحا فلست بخاسر
وما الصمت إلا في الرجال متاجر
وتاجره يعلو على كل تاجر