للرجال ولكن لا يمنع دخول النسوان..

الأخت أسماء ناشدت بأن يكون هناك بوست موازى "للنسوان فقط..يوجد كاشف دخول للذكور" وأرى حقيقة علينا كرجال برد الجميل لما يقمن به بعض نساء وشابات كريمات وعلى رأسهن أم قبس من دعاوى لسعادة الأسرة من منطلق نسوى ..
ولما كان النساء شقائق الرجال تكون الفكرة جيدة لوجود هذا البوست كدعوة للرجال فيما يمكن القيام به تجاه زوجاتهم وأسرهم لنصبو إلى الأسرة السعيدة..
فالدعوة للمتزوجين ولغير المتزوجين للفت والتكلم بشفافية لبلوغ تلكم السعادة المرجوة من إمرأة ورجل وتقطف ثمار أُكلها كل الأسرة..

همسة: عارفين الحريمات داخلات داخلات نخسر قروش على كاشف فوق كم؟؟

الحقيقة يااخوي البوست جميل ..
عايزنك اول شئ تكلم الرجال البصرصروا في بيوتهم ويعملوا فيها جادين
واول مايمرقوا بره يقعدوا يضحكموا :mad:نمره واحد
نمرة اثنين
تكلمهم يدوا النسوان في بيوتهم شوية اهتمام كده على كلمتين حلوين:o:o:o
الحمد لله انك مامنعت دخول الحريم عشان مايجو بالدس:p
اها تسجيل حضور يا أشرف صلاح ....

والله يا اشرف ناوى على البوست دا من امس

وبى نفس العنوان كمان

قلنا نكون احسن من ام قبس ونخليها تستفيد كمان

اها انا جاييك والله انظر ليك تنظير لمن الجنس الاخر يتكيف

مش قلت مسموح للعزابة وفق رؤية تؤطر جمالية المكان الذى يسع الجميع

جااااااااااااااااااااااااايى

ياسلااااااااااام عليك يا استاذنا اشرف
والله اتوقعت البوست منك واكيد مع لمسات عزابتنا المرهفين
ح يكون بوست روعة
معاكم تسجيل حضور ومتابعة

اقتباس:

---

المشاركة الأصلية كتبت بواسطة نخيل طيبة

الحقيقة يااخوي البوست جميل ..
عايزنك اول شئ تكلم الرجال البصرصروا في بيوتهم ويعملوا فيها جادين
واول مايمرقوا بره يقعدوا يضحكموا :mad:نمره واحد
نمرة اثنين
تكلمهم يدوا النسوان في بيوتهم شوية اهتمام كده على كلمتين حلوين:o:o:o
الحمد لله انك مامنعت دخول الحريم عشان مايجو بالدس:p
اها تسجيل حضور يا أشرف صلاح ....

---

سلام اخى نخيل طيبة..

هوووى يا رجال يا اللابسين وشوش كرتون جوه بيوتكم الكلام الفوق دا ليكم.. والرسول عليه أفضل الصلاة وأتم التسليم قال : خياركم خياركم لأهله " وقال " تبسم المسلم بوجه أخيه صدقة" فما بالكم بوجه زوجه؟؟؟؟..
وبعدين تعالوا هنا البوذ لما تصروا "واحنا شعب غالبيتنا ما شاء الله على تلاليشو" ببقيكم شينين شنا سيبوها ساااكت.. الأطباء فالو الصرة لازم تحرك ليها عدد عضلات بالوش أضعاف أضعاف عدد العضلات البتتحرك عشان تظهر إبتسامة..
نمشى للكلام الناااعم والدقاااق.. حتى لو زوجاتكم ما كُتاش ووشوشوشم ما زى الأوشاش قولة " والله العظيم إنتى أحلى مرة ولا زوجة" على مسئولتى ما حرام.. أعيد ما حرام لأنو الرسول جوز الكذب فى ثلاثة مواضع:

1/ للزوج أو الزوجة.
2/ فى الحرب.
3/ إصلاح ذات البين.
الدليل:
عن أسماء بنت زيد قالت : قال رسول الله صلى الله عليه وسلم :
"لا يحل الكذب الا فى ثلاثٍ : يُحدثُ الرجل امرأته ليُرضيها ، والكذب فى الحرب ، والكذب ليصلح بين الناس"..الترمزى برقم (1939) ، وأحمد (6/454 و459)..

أها شنو الرااااى؟

همسة: اخونا نخيل طيبة أكان منعنا ولا ما منعنا بيتدخلن فقلنا ناخدا من قاصرا..وبعدين ام قبس ناااوية تتسدا فى عقبة ومحمد نور فخليهن يخشن ساااكت يااخوى..

اقتباس:

---

المشاركة الأصلية كتبت بواسطة العاقب مصباح

والله يا اشرف ناوى على البوست دا من امس

وبى نفس العنوان كمان

قلنا نكون احسن من ام قبس ونخليها تستفيد كمان

اها انا جاييك والله انظر ليك تنظير لمن الجنس الاخر يتكيف

مش قلت مسموح للعزابة وفق رؤية تؤطر جمالية المكان الذى يسع الجميع

جااااااااااااااااااااااااايى

---

زى ما بقولو "great minds think a like" شفتا شكارتا دلاكتا كيف؟..
والله استنيتك او محمد نور تعملو البوست وفى الاخر قلتا اشيل وش القباحة انا ههههههه..
المتزوجين ما خلاص البقت بقت وربنا يصلح الحال للحالم ما متصلح ولكن الكلام فى العزابة دايرنهم يخشوا كدا بخطط مغايرة لضبح الكديسة وشلتا لمن توصل يا شايلا الحارمة وشلتا لمن تصل وكدا..
حباب عقبة ومستنين فتك وما تعمل ليا ياالجنا فتنة مع أم قبس وتدردقنى ليها..

اقتباس:

---

المشاركة الأصلية كتبت بواسطة أسماء

ياسلااااااااااام عليك يا استاذنا اشرف
والله اتوقعت البوست منك واكيد مع لمسات عزابتنا المرهفين
ح يكون بوست روعة
معاكم تسجيل حضور ومتابعة

---

بل يا سلاااام عليك انت صاحبة الفكرة وانا نفذت ليس الا..
اكيد حيكون بوست روعة بروعة اضاء هذا المنتدى..
أجدد لك التحية على فكرتك الجميلة ودام كل أهل مدنى بما فيهم من جمال..

يا أخوي أشرف ام قبس ما تقصد عدم دخولكم ( فالممنوع مرغوب ) ولما قالت كدة كان قاصدة دخولكم وعارفاكم( شمشارين) ووصلت المطلوب ولا انا غلطانة يا ام قبس

بسم الله الرحمن الرحيم

الاهداء الى هناية الغالية شديد

نبدا فى الدروس الخصوصية للرجال

عزابة ايوا لكن عارفين ببواطن الامور ...بواطن الامور دى عجبتنى شديد طبعاً وبمسك فيها غصب

ما متنا لكن عارفين المقابر فيها شنو

الدرس الاول :- الصمت فى وجه الثرثرة :-

معلوم للكل انو النساء ثرثارات لدرجة مهولة جداً

واجمل رد فعل للثرثرة انك تكون صامت

تكون صامت مش بمعنى تكون بارد وتنشغل بى جريدة ولا بريموت التلفزيون ولا بى اى شئ تانى

لو كانت الزوجة عندها موضوع ولازم تحكيهو حتى لو كنت متابع ليك كورة مهمة جدا

ولا ماشى لى صاحبك اجل كل شئ لحدى ما الزوجة تخلص ....

وتأكد تماما انو الزوجة لو كانت عندها مشكلة ومهما كان كبر حجمها فهى لا تحتاج منك لحل ... هى تريد ان تثرثر

وبس ....يعنى تطلع الجواها لو ما طلعته ما بترتاح ...انت اقعد وما خسران شئ ...وما بقول ليك اسمع الكلام

واديهو البحر .......... لا .....هى محتاجة منك لى مواساة .... واسيها لو عندها مشكلة .... وتأكد مهما كان حديثها

ومهما كانت مشكلتها ابتعد عن الحل تأكد تماما هى ما راغبة فى الحل ....

وتأكد كمان انو اى حل بيساعد فى زيادة المشكلة اللى هى فيها ...مهما كان الاستفزاز ابتعد وما تعمل فيها

ابو العريف ساى

ياخى اسكت احسن ليك وليها....

يُخيل لى ما صعب انك تستمع ليها صح ....

اها دى الحصة الاولى من حصص التعامل مع النساء ...

اقتباس:

---

المشاركة الأصلية كتبت بواسطة العاقب مصباح

اها دى الحصة الاولى من حصص التعامل مع النساء ...

---

والله يامستر عقبة
الدرس الاول .. عينة

طيب لو كانت المرة مابتحب تحس انها بتكلم في روحها ؟
يعني بتحب تحس ان الطرف التاني مشاركها الراي ..

همسة : في الحالة دي يابنات كتروا من الاشرطة والC D بما انه كلام وكلام بدون رد فعل اخير نديهم ليه ( مسجل ) :mad:
قال ثرثارات قال :mad::mad:

اقتباس:

---

المشاركة الأصلية كتبت بواسطة أسماء

والله يامستر عقبة
الدرس الاول .. عينة
طيب لو كانت المرة مابتحب تحس انها بتكلم في روحها ؟
يعني بتحب تحس ان الطرف التاني مشاركها الراي ..
همسة : في الحالة دي يابنات كتروا من الاشرطة والc d بما انه كلام وكلام بدون رد فعل اخير نديهم ليه ( مسجل ) :mad:
قال ثرثارات قال :mad::mad:

---

ياخى ما قلنا نسمع لكن بدون برود
اقرى تانى ياخ
ولا بنقول لى اشرف امنع النسوان ديل نخليها عربية بكاء الرجال براهم والنسوان براهم
نستمع ونحاول نقول ليها ..ايوا كلامك صح ...فعلا...ما تستاهلى والله ....انتى فيك الخير والله .... انتى الزيك منو ...نفخ جد ...انتى مية المية والله ....بيعجبنى تفكيرك .... يا حبيبتى اجمل تصرف البتعملى فيهو دا .... ممكن يكون تصرف مشاتر تب ...لكن برضو نخليها تعملو ....لو قالت ليك مفروض امشى ناس امى عشان وعدتهم وما لقيت طريقة عشان جو ضيوف فى البيت مثلا وهى بتقعد تحكى ليك عن مشوارها دا وهى ما مشت لسه ... واسيها وقول ليها ناس بيتكم اكيد حيقدرو السبب المنعك .... وانتى فيك الخير وصلة الرحم اجمل حاجة فيك .... ما تقول ليها امشى بعدين ولا يلا نوديك ليهم ....خليها تشوف هى عايزة شنو وقول ليها كلامك جميل جدا ....
لو كانت بتغسل فى ملابسك وتحدثت عن انو الصابون البتغسل بيهو ما كويس ...ما تقعد تقنع فيها انو دا احسن صابون فى السوق .... قول ليها والله حاجة بشتريها انا براى ما حلوه اكيد محتاجك تكونى عشان نشترى سوا ...انا عارف ذوقك حتى فى الصابون متفرد عن الناس التانية ...فى الحالة دى بتلقى الغسيل انتهى واتشرا وشغالة مكوة ...
قال صابون قال

بارك الله فيك اخ اشرف


ولفته منك - بس الا يدوكم (دفرة انتو) ;):p


اها البوست دا - بنخشو - بس عشان نصحح المعلومات والنصائح الراح تقولوها - مع انو احنا ناس خبره وكدا في المجال دا

ومعا نحو اسرة سعيدة وآمنه

[QUOTE=العاقب مصباح;418759][center][u] بسم الله الرحمن الرحيم

الاهداء الى هناية الغالية شديد

نبدا فى الدروس الخصوصية للرجال

عزابة ايوا لكن عارفين ببواطن الامور ...بواطن الامور دى عجبتنى شديد طبعاً وبمسك فيها غصب

ما متنا لكن عارفين المقابر فيها شنو

[size=5][color=blue][color=red

ضكتني شديد بعارفين المقابر فيها .. انا مت وشبعت مووووت وبجيك برواقة عندي مشوار مهم وبجيكم انشاء الله :confused:

كدي يا أخوي يا اشرف النحجز مكانه ساي ،،، أنحنا طبعاً من المتزوجين ،،، وبعدين بنجيك ،،، تقعد بالعافية

[QUOTE=العاقب مصباح;418759][center][u] بسم الله الرحمن الرحيم

الاهداء الى هناية الغالية شديد

نبدا فى الدروس الخصوصية للرجال

عزابة ايوا لكن عارفين ببواطن الامور ...بواطن الامور دى عجبتنى شديد طبعاً وبمسك فيها غصب

ما متنا لكن عارفين المقابر فيها شنو

الدرس الاول :- الصمت فى وجه الثرثرة :-

معلوم للكل انو النساء ثرثارات لدرجة مهولة جداً

واجمل رد فعل للثرثرة انك تكون صامت

تكون صامت مش بمعنى تكون بارد وتنشغل بى جريدة ولا بريموت التلفزيون ولا بى اى شئ تانى

لو كانت الزوجة عندها موضوع ولازم تحكيهو حتى لو كنت متابع ليك كورة مهمة جدا

ولا ماشى لى صاحبك اجل كل شئ لحدى ما الزوجة تخلص ....

العاقب يا اخوي

درسك دا بلو واشرب مويتو

المشكلة انتو لمن تعملو كدا - بتكون واضحة وظاهرة انكم بتمشو فيها - وبتعاملوها زي الطفل الصغير البتغشي بنغنوغه - ونداغة - ياخي لا ما كدا الحكاية

بالعكس لمن تتكلم حاول تسمعها - بس مش من منطلق انها تتطلع الجواها وترتاح بس - شوفها اصلا ليه هي كدا وليه متعبه الموضوع من البداية

همسه: هناية تبقي عويرة ساي لو مشت بوصاياك دي ;):cool:
قال غسيل قال

تحياتى اخى اشرف
طبعا اكيد كنا بى نتاوق فى بوست الاخت ام قبس وكنه خايفين من الهرشه
وكويس فتحت لينه خيمه للرجال فقط
شوف يا اشرف يا اخوى
اول حاجه حسسها بى ادميتها .. وانها مخلوق واعى ويمكن ان يدير اسره بحالها ... ناقشها فى كل صغيره وكبيره شاركها يومك والمواقف الطريفه التى حدثت لك وانت بعيدا عنها ... افعل ذلك بالعمل اكثر منه بالكلام اجعلها تشعر بانك صديقها قبل ان تكون زوجا لها....

اهديها من وقت لاخر ولو هديه بسيطه لتشعر انك تهتم بها وتفكر فيها .. اذا ذهبتم الى السوق سويا اشترى لها هديه قبل ان تباشر اى مشتريات اخرى فالهديه تطيب النفوس وتديم الامتنان... ( ياخى بدل ما تشترى لى نفسك جلابيه ولا قميص اشترى ليها هى واجل نفسك شويه)

اشعرها بقيمة ما تفعل فى البيت من واجبات ....اذا كانت تشكى من مرض ما قل لها ان لا تتعب نفسها وان تستريح قليلا وتولى انت اكمال ما بدأته هى من عمل
اذا انجزت عمل ما فابدى اهتمامك بهذا العمل وقل لها كلمه حلوه ( مثل تعبتى اليوم ) او كلمة ربنا يقدرنا على جزاك

احذر من الاعتراض على طلباتها من اول وهله حتى ولو كان ليس بمقدروك تنفيذ هذه الطلبات ... ناقشها فى طلبها ومدى امكانية تلبيته من عدمه حتى يقتنع احد الاطراف حينئذ تكون هى راضيه وربما تنازلت عن طلبها او رضيت بالقليل منه على الاقل اما اذا رفضت من اول وهله حينها ستثور وربما اخذت الامر تحدى وامتناع من جانبك

احرص فى الخروج معها فى بعض المناسبات الاجتماعيه او زيارة الاهل فهذا يشعرها بالفخر والاعتزاز بزوجها ( فى بعض الرجال يترك زوجته تذهب مع النسوان وهو يذهب مع الرجال لنفس المناسبه ) المانع شنو لو مشو مع بعض ورجعو مع بعض مش بى تكون احلى

اقتباس:

---

المشاركة الأصلية كتبت بواسطة محمد الجزولى

تحياتى اخى اشرف
طبعا اكيد كنا بى نتاوق فى بوست الاخت ام قبس وكنه خايفين من الهرشه
وكويس فتحت لينه خيمه للرجال فقط


احرص فى الخروج معها فى بعض المناسبات الاجتماعيه او زيارة الاهل فهذا يشعرها بالفخر والاعتزاز بزوجها ( فى بعض الرجال يترك زوجته تذهب مع النسوان وهو يذهب مع الرجال لنفس المناسبه ) المانع شنو لو مشو مع بعض ورجعو مع بعض مش بى تكون احلى

---

يسلم فمك يا اخوي

لقيتك منصف لكن

فقرتك الاخيرة دي - لاحظته ليها كتير في السودان - اكتر من الغربة

في السودان الراجل تلقاهو ماشي على المناسبة براهو - اولاد لحالهم وهو ماشي مع اخوانو ولا اصحابو

احنا صراحة بنفتقد الجزئية دي - فالمراة عامة بتعتز بزوجها وتتفاخر به اما م صويحباتها كثيرا - يعني راجلي جاب لي وعمل لي وسوا لي - ومشينا وجينا

- في الغربة الحاجة دي موجودة لانو غصبا عن الراجل لازم يطلع مع زوجته وما ممكن يخليها تمشي لحالها لمناسبة ولا حتي زيارة عائلية -

اقتباس:

---

المشاركة الأصلية كتبت بواسطة محمد النويري-الفقراء

ضكتني شديد بعارفين المقابر فيها .. انا مت وشبعت مووووت وبجيك برواقة عندي مشوار مهم وبجيكم انشاء الله :confused:

---

يلا اسرع لينا يا ود النويرى اخوى
وبقول ليك مشتاقين والله
والناس الماتت دى هى المهمة عندنا
عشان نعمل حسابنا وكدا
اخوك اول المستفيدين طبعاً
حبابك الف

اقتباس:

---

المشاركة الأصلية كتبت بواسطة مايسة

العاقب يا اخوي
درسك دا بلو واشرب مويتو

---

ليه يا مايسة ياخ بنحاول نضع خطط لمرحلة سعيدة جداً ...

وكلامى دا جاء نتيجة دراسات وكتب وخبرة كمان

كان بليناهو بتقولى الصابون ما كويس:p:p

اقتباس:

---

المشكلة انتو لمن تعملو كدا - بتكون واضحة وظاهرة انكم بتمشو فيها - وبتعاملوها زي الطفل الصغير البتغشي بنغنوغه - ونداغة - ياخي لا ما كدا الحكاية
بالعكس لمن تتكلم حاول تسمعها - بس مش من منطلق انها تتطلع الجواها وترتاح بس - شوفها اصلا ليه هي كدا وليه متعبه الموضوع من البداية

---

بنسمعها وبنقول ليها يا هناية كلامك صح
وما بمنظور انها حتفهم
تاكدى انو اى رجل بيحاول يفتش لى حل لى ثرثرة بتطرحها الزوجة حتعمل مشكلة اضافية نحن فى غنى عنها...
الثرثرة شئ طبيعى عند النسوان وما حنقدر نحرمهم نحن من الرغبة دى

اقتباس:

---

همسه: هناية تبقي عويرة ساي لو مشت بوصاياك دي ;):cool:
قال غسيل قال

---

الوصايا دى للرجال يا مايسة ...

وتأكدى لو مافى اى شخص مشى بيها بمشى بيها براى

وبنصل للجنة المبتغاة بإذن الله

بنوصى فى بعض

وبعد تجى هناية اساليها من النتيجة:p:p

اقتباس:

---

المشاركة الأصلية كتبت بواسطة سماحة

يا أخوي أشرف ام قبس ما تقصد عدم دخولكم ( فالممنوع مرغوب ) ولما قالت كدة كان قاصدة دخولكم وعارفاكم( شمشارين) ووصلت المطلوب ولا انا غلطانة يا ام قبس

---

سلام اختى سماحة..
والله عارفين بس عايزين نسخن الحكاية..وبعدين ام قبس اكان دايرا حقيقى يكون الموضوع للنسوان فقط كان اكتفت بالرسائل الخاصة ولا ما كدا؟؟..
وزى ما قلتى العنوان بشكلو الحالى "شفتنة تسويقية رائعة" .. وعنوانى " شفتنة تسامحية ونظام شفتونا طيبين كيف" وشفتنة قصاد شفتنة ..شنو ليك؟؟..

اقتباس:

---

المشاركة الأصلية كتبت بواسطة مايسة

بارك الله فيك اخ اشرف


ولفته منك - بس الا يدوكم (دفرة انتو) ;):p


اها البوست دا - بنخشو - بس عشان نصحح المعلومات والنصائح الراح تقولوها - مع انو احنا ناس خبره وكدا في المجال دا

ومعا نحو اسرة سعيدة وآمنه

---

وبارك الله فيك وفى الجميع اختى مايسة..
والله من حيث الدفرة كتير من المرات بندورا كشئ من " نتمنع ونحن راغبون"..
ويا ستى تشرفو وتصححو " جنس ثقة هى"..انا غايتو ما عندى شدايد العاقب شايفو مدور صاح ومستنين محمد نور وانا " بعيونى وبعاين مالى ومال الدقو وسرقو عجلتو؟"..
واكيد معا نحو أسرة سعيدة متيقنة وآمنة..

اقتباس:

---

المشاركة الأصلية كتبت بواسطة أبو جودي

كدي يا أخوي يا اشرف النحجز مكانه ساي ،،، أنحنا طبعاً من المتزوجين ،،، وبعدين بنجيك ،،، تقعد بالعافية

---

دا كلام عقل يا ابو جودى تعال جنبى فى كنبة الاحتياطى شايف عقبة ومايسة مدورنها وانحنا ناس كبرنا على التدفر..نخش نقول كلمة سمحة ونتخارج..

اقتباس:

---

المشاركة الأصلية كتبت بواسطة محمد الجزولى

تحياتى اخى اشرف
طبعا اكيد كنا بى نتاوق فى بوست الاخت ام قبس وكنه خايفين من الهرشه
وكويس فتحت لينه خيمه للرجال فقط
شوف يا اشرف يا اخوى
اول حاجه حسسها بى ادميتها .. وانها مخلوق واعى ويمكن ان يدير اسره بحالها ... ناقشها فى كل صغيره وكبيره شاركها يومك والمواقف الطريفه التى حدثت لك وانت بعيدا عنها ... افعل ذلك بالعمل اكثر منه بالكلام اجعلها تشعر بانك صديقها قبل ان تكون زوجا لها....

اهديها من وقت لاخر ولو هديه بسيطه لتشعر انك تهتم بها وتفكر فيها .. اذا ذهبتم الى السوق سويا اشترى لها هديه قبل ان تباشر اى مشتريات اخرى فالهديه تطيب النفوس وتديم الامتنان... ( ياخى بدل ما تشترى لى نفسك جلابيه ولا قميص اشترى ليها هى واجل نفسك شويه)

اشعرها بقيمة ما تفعل فى البيت من واجبات ....اذا كانت تشكى من مرض ما قل لها ان لا تتعب نفسها وان تستريح قليلا وتولى انت اكمال ما بدأته هى من عمل
اذا انجزت عمل ما فابدى اهتمامك بهذا العمل وقل لها كلمه حلوه ( مثل تعبتى اليوم ) او كلمة ربنا يقدرنا على جزاك

احذر من الاعتراض على طلباتها من اول وهله حتى ولو كان ليس بمقدروك تنفيذ هذه الطلبات ... ناقشها فى طلبها ومدى امكانية تلبيته من عدمه حتى يقتنع احد الاطراف حينئذ تكون هى راضيه وربما تنازلت عن طلبها او رضيت بالقليل منه على الاقل اما اذا رفضت من اول وهله حينها ستثور وربما اخذت الامر تحدى وامتناع من جانبك

احرص فى الخروج معها فى بعض المناسبات الاجتماعيه او زيارة الاهل فهذا يشعرها بالفخر والاعتزاز بزوجها ( فى بعض الرجال يترك زوجته تذهب مع النسوان وهو يذهب مع الرجال لنفس المناسبه ) المانع شنو لو مشو مع بعض ورجعو مع بعض مش بى تكون احلى

---

ود الجزولى كلام أحلى من الكلام ..
بس تعرف فى بعض الرجال لما يكونو مع مراتاتم " ابو حمزة ما يجينى" ويشوف عين زايدة بتلاقيهم بيتغابو المعرفة فى زوجاتهم والعكس صحيح.. نظام الود سى السيد وهو فى البيت راس مع الفردة بيلبت قرد..وبمناسبة القرد دى واحد عرف مراحل الرجل المتزوج بثلاثة مراحل:
المرحلة الاولى مرحلة الحمار: ودا الراجل فى بداية حياتو الزوجية ..داخل شايل العيش والبطيخة والخطار واللحمة وكدا.. ومارق شايل الزبالة ولا الولد على كتفو..
المرحلة الكلبية : ودى بعد ما البيت يتملى شفع.. تلاقيهو اليوم كلو يهو هو .. يا ولد اقعد ساكت.. يا ولية ماسكتى عيالك "التقول عيالا براها"..يا ولية كتلتينا بالجوع الغدا دا بيعملو فى سنة وهكذا..
المرحلة القردية : ودى المرحلة الخلاااص بس بيقعد يعاين وبس.. تلاقى المرة بتكورك فيو وفى كسلو لانو ليو تلات ايام ما جاب السباك يصلح ماسورة المطبخ وهو يعاين بس.. وتلاقيو يسمع صوت انجار فى البيت بس يمد راسو للمكان وهو ساكت .. يعنى قرد ساكت وبتلفت وبس..
شفتا الزول دا بشتنا كيف؟؟

عقبة ومايسة بنتاوق ونشوف بتودونو لوين؟..

اشرف السعيد معليش يا اخوى

استلمنا منك البوست وعملنا الحالة واحدة

اعفى لينا تب