عرض للطباعة
ذكرت جميع الصحف ان مدنى لايوجد بها عربات مطافى حدث هذا عندما اشتعلت النار فى سيارة تابعة لشركة تركية وتم اطفاءها بواسطة التراب
وذكر المسولين انه توجد سيارتين كانتا خارج المدينه بالله مدينه كبيرة ذى مدنى بها محطة واحدة فقط للدفاع المدنى وبها سيارتين فقط ؟ مدنى محتاجة لعدة محطات على الاقل ثلاثه ومجهزه كامل التجهيز ومحتاجة لعدة محطات اسعاف ومحتاجة لاقسام طوارى بها كل الامكانيات بعدكده ممكن الناس تعيش بامان الكلام موجه للسيد الوالى .........
الأخ معتصم ..
هذا الأمر خطير وجداً ..
تاني أكبر مدينة في السودان أمورها تسير بربك يستر !!!
وقد تناولناه قبل ذلك على هذا المنتدى
ولكن لم يتحرك أحد ..
والساتر هو الله ...
لن يتحرك أحد إلا بعد أن تشتعل
إحدي مستودعات البترول أو الغاز بالمدينة ويحدث ما يحدث
وبعدها سيتم تكوين اللجان و تنبثق لجان لمناقشة الأمر
لا نتمنى ذلك ولكن تعودنا أن تتحرك الجهات الرسمية
بعد أن تحدث ( طامة كبرى )
معتصم سلامات
عارف رقم انه وحدة شرطه الدفاع المدنى او المطافى من اهم الوحدات لانها ترتبط مباشرة بسلامه وامن الانسان الا اننا اهملناها كثيرا.
يعنى يا معتصم الشرطى بتاع المطافى عندنا ما مقيم يقولوا ليك ده عسكرى بتاع مويه ساكت.طبعا ده على المستوى بتاع الفهم العام للمطافى وقس على كده .
اهمتام الدوله بالمطافى ناتج من قصور فهم المواطن لضروره وجود وحده متكامله للدفاع المدنى.
زمان يا معتصم فى مدنى كان فى عربيه واحده بتاعت مطافى واقفة فى شارع النيل وفاضية طوالى ما فيها مويه لزوم مشاوير الترحيل والفول وكده ولما تحصل حريقه على بال ما يملوها مويه بيكون الرماد كال حماد.
ياربى هسع الوضع كيف.
نناشد معاك اخى حكومة الولايه الاهتمام بهذا الامر حتى لايحدث ما لايحمد عقباه كما ذكر اخى نهرو.
بالله يا سميي لسع النار بطفوها جودية وبالتراب؟!اقتباس:
المشاركة الأصلية كتبت بواسطة mutasim
مدني فيها مستودعات البترول .. وفيها مصانع وفيها محالج .. وفيها مستودعات للغاز .. وما فيها وحدة مطافئ ..
سبحان الله .. والحكومة بتعمل في شنو؟
لاشيئ يقال بعد الذي قيل
ومن هنا نناشد الساده المسؤلين
بالنظر الي هذه المشكله
وانشاء الله صوتنا يسمع المسؤلين
سلام للاخوة ... شكرا لتناولكم الثر لهذا الموضوع الحيوي والذي يهم مواطني مدينة مدني الشرفاء ......... الي متي هذا الاهمال واللا مبالاة ..... تجاه المواطنين الكادحين .... أن تهدد ممتلكاتهم ..... هل بعد أن تحدث طامة كبري .... أو كارثة ..... حتي يتحرك المسؤلين .... نتمني أن يجد هذا الموضوع الاهتمام الخاص من قبل الاخوة المسؤلين ولكم في الصحابة اسوة حسنة .... عندما ..... ضرب سيدنا (عمر رضي الله عنه) اروع الأمثلة تجاه رعيته بأن الله تعالي سوف يساله اذا بغلة أو ابل عثرت فقط .... وليس أنسان ... لماذا لم يسوي لها الطريق ..... فما بال الراعي ..... يهمل رعيته ألا يدري بان له مسولية ... تجاه رعيته أمام الله.......الله يلزمنا الصبر ...... ويحفظنا .......
اقتباس:
المشاركة الأصلية كتبت بواسطة william453
سلم لسانك ياوليم
أضم صوتي لصوتكم واتمنى أن ينصلح الحال قريباً فقد حدث لنا حريق في منزل أخي بالزمالك وعندما حضرت سيارة المطافيء كان البيت قد إحترق
مره فى السوق الكبير والمكان قريب من حديقة وقيع الله يعنى اقرب مكان للدفاع المدنى والله سيارة مرسيدس ولعت فيها النار قام باطفاء الحريق العربجيه بالتراب حتى خمدت النار الدفاع المدنى ما وصل
مرحبا الاخ نهرواقتباس:
المشاركة الأصلية كتبت بواسطة nehroo
صحيح مازكرت لن يتحركو الا بعد ان تحصل كارثة ربنا يستر
مرحبا الاخ بدر الدين ومشكور على المروراقتباس:
المشاركة الأصلية كتبت بواسطة بدر الدين احمد الطائف
الفاع المدنى او ادارة الطوارى من الاقسام الضرورية لكل مدينة وهى من مسوليات المحليات والله انا مابحب اسم المحليات بتاع الترابى ياريت يرجعو الاسم بلديات لكن ناس المحليات عملهم تاييد للسلطة فقط وتعبيه وتاركين الادارة للضباط الاداريين
وبخصوص عربية المطافى ا انا بتزكر فى الستينات كان فى قسم كبير للمطافى وبه عدد كبير من السيارات وكان موقعهم المطار القديم وطبعا الوضع تدهور فى عهد مايو واصبحت وظيفة غير جازبه وكان فى واحد قريبى بعمل فى المطافى الناس جننو ترك الوظيفه والان بعمل فى السوق.
اى مدينه فى العالم لازم تتوفر بيها سبل السلامه وهى الدفاع المدنى والاسعاف وادارة الطوارى (الكوارث) وهذا الموضوع اصبح علم بالاضافة الى اقسام طوارى بالمستشفى بها طاقم مدرب وبها معدات كاملة والا تصبح مدينه غير آمنه وبالله نحن كيف عايزين اجانب يجو يثستثمروا والبلد بهذه الحال سياراتهم تحرق ولاتوجد مطافى .
الموضوع طويل كفاية لحد هنا
تحياتى الاخ معتصم ومشكور على المرور والتعليق والله لسه بطفوها بالتراب (التراب كال حماد) كان عندى سيارة تعبانه اتحرقت مرتين طفيناها بالتراب ولم نفكر بالمطافى ابدا حتى مش عارفين تلفونهم ولا موقعهم نتمنى ان تهتم حكومة الولاية بهذا الامر..اقتباس:
المشاركة الأصلية كتبت بواسطة معتصم عيدروس
الاخ احمد علقم تحياتى ومشكور على التعليق والرد على الاخ وليم انشاءالله ناس الحكومة يهتموا بالامر وحسب علمى الامر وصل للسيد الوالى وانشاءالله خيراقتباس:
المشاركة الأصلية كتبت بواسطة ahmed algam
الاخ وليم لك اجمل التحيات ومرحب بيك بمنتدى وادمدنىاقتباس:
المشاركة الأصلية كتبت بواسطة william453
ونتمنى ان يحصل رد فعل سريع من ادارة الولاية وان تكون ادارة الدفاع المدنى ولائية وليس اتحادية لان ناس المركز هم نفسهم تعبانين..........
لا حول ولا قوة الا بالله
هذا زمانك يا مهازل فأمرحي
حقيقة يؤلمني جداً ان يحدث ذلك في هذا القرن وفي مدني عشقنا الصامد
عربة مطافئ ودفاع مدني ؟؟؟
هل يعتقد المسؤلين انه لم يعد هناك شئ لتأكله النار؟
والله لم اجد ما اكتبه من شدة الأسى
كان الله في عونك مدني الحبيبه
ولك التحية استاذ معتصم
تحياتى نوارس وشكرا على التعليق الظريفاقتباس:
المشاركة الأصلية كتبت بواسطة نوارس
كويس الوصلوكم احب اقول ليك انا بعمل فى التدريب الطبى المستمر والكوارث وبنعمل فرضيات وهمية وبنتصل بالدفاع المدنى وبنسجل زمن الاتصال وزمن الوصول وزمن انتهاء المعالجات وبعدها التقييم وكل مرة بتحسن العمل طبعا ده كله غير موجود ببلادنا الحبيبه
طبعا اذا فى تاخير بتحصل عقوبات ومعرفة سبب التاخير نحن عايزين شغل كثير ربنا يسهل
مرحب الاخ كمال وشكرا على المشاركةاقتباس:
المشاركة الأصلية كتبت بواسطة كمال احمد
تعرف القصص كثيرة اذكر مره حصل حريق فى الاكشاك عند الملجة القديمة وجات عربية المطافى وكملت الموية الفيها وقعدوا يدوروا على فوهة حريق تعرف ليقوها وين بالقرب من السينما الوطنية معمولة من زمن الاستعمار فوصلوا ليها عدد كبير من الخراطيم ولما فتحوها اشتغلت وطفت الاكشاك الان هل توجد فوهات حريق بكل المدينه طبعا لا وهذا عمل البلديات لكنهم شغالين كشات وتصاديق ودفع ومسيرات ؟؟؟؟؟؟؟؟؟؟؟؟؟؟
الاخ مهيد كيف حالكاقتباس:
المشاركة الأصلية كتبت بواسطة مهيد ود السفاح
الموضوع يغيظ والله نحن لازم نتسيطر على البلديات انا بقصد ناس مدنى لان السيطرة عليها الان من ناس مهاجرين موالين للوطنى وناس مدنى تلقاهم بشارع الجمهورية او مطعم كشك او الاستاد ياناس مدنى اتحركوا شوية
اقتباس:
المشاركة الأصلية كتبت بواسطة mutasim
هل تعرف يا عزيزي معتصم بأن أفضل مباني
في مدني هي مباني المرور ومباني
الشرطة بشكل عام ، وهل تعلم
بأن الشرطة في مدني لديها نادي
فخم في في الحي السوداني . .
يعني المشكلة ما مشكلة إمكانيات
المشكلة هي مشكلة ضمير وأخلاق
لأن سيارات الإطفاء والتدخل السريع
هي لخدمة المواطن فقط لذلك لن
تجد منهم أي إهتمام
اتذكر مرة اخي معتصم نزلت موضوع ان في الخرطوم تم شراء عربة مطافي بمبلغ (مليار ) جنيه سوداني
و دا كله للعاصمة و السودان اختزل في العاصمة والباقين لهم الله
وهو يا جماعة مدني كان فيها شنو ! بقى كلوا عادي .. مطافي مافي .. شوارع مافي .. صحة مافي .. الخ ..... .. كلوا بقى مافي .. وراسنا بقى لافي .. الناس شكت وبكت !! مدني للاسف تفتقر لكل شئ .. وصحيح الله يلزمنا الصبر ..
الاخ معتصم لك الشكر لطرح هذا الموضوع الحيوى والهام ..مدني يا جماعة مهمشة من بدرى .. بقت افقر مدينة في السودان .. بها افقر سوق في السودان .. السوق الكبير .. وتعال السوق المغر ب شوف حال الدكاكين ..زى التقول في حظر تجول .. مدني بلا استوبات .. بلا شوارع راقية .. بلا عربات مطافيء .. بلا مصانع نسيج .. بلا مشروع جزيرة .. بلا سكة حديد .. بلا مدارس كانت ملء السمع والبصر آلت في غفلة من الزمان مكاتب حكومية ومدارس خاصة.. حتي شارع المحطة الجديد الذى تبرع به المتعافي كما يقال هناك محل مشهور منع اصحاب الركشات من المرور أمامه وبالقانون.. ألم أقل أن مدني مهمشة ..والكثير الكثير ..اقتباس:
المشاركة الأصلية كتبت بواسطة mutasim
ونغني لك ييييييييييا (مدني) كما غني الخليل
مثلما غنت مهيرة تلهب الثوار جيلا بعد جيل
تسلم اخي احمد علقم فعلا الموضوع يحتاج لوقفة جماعية لمعرفة اسباب تجاهل انسان مدني ومعرفة الاسباب والملابسات .... لان مدني صارت مدينة اشباح .... كما ذكر الاخوة الاجلاء ... ولهم مني التجلي والتحايا وهم يثرون المنتدي بطيب الحديث والطرح الموضوعي ..... لمشاكل تكاد تمسنا جميعا .... لذلك الناس محتاجة تعرف وين نقاط الضعف ... والعوائق التي اودت بنا الي هذا الدرك السحيق ..... مدني .... يجب ان تعود كما كانت .... ابنائها قادرون علي تذليل كل الصعاب رغم توفر المادة .... والتي لم تسخر لاجل تنمية وعمران البنية التحتية ..... لمدينتنا .... والتي كانت وما زالت تدعم الاقتصاد القومي رغم انهيار العديد من المشاريع وعلي راسها مشروعنا (الجزيرة) وذهاب الذهب الابيض الي خبر كان.... نحن ينقصنا التخطيط في شئ ..... نعمل فقط اليوم باليوم حسب ما ياتي به .... ولا ننظر الي المستقبل رغم ان الامم الاخري تقدمت علينا بفضل التخطيط السليم والعقلاني .... مع اننا نملك الكوادر التي تبدع وتبتكر ..... والدليل ..... خبرات اخوتنا بالخارج .... والذين ساهموا في عمران بعض المدن العاملية مثل (دبي) وبعض مدن الخليج.... وللحديث بقية..... شكرا لك احمد علقم ونلتقي......اقتباس:
المشاركة الأصلية كتبت بواسطة ahmed algam
اصبروا وربنا ما يجيب مكروه
السبب الشماعة(امكانيات)
فى حين جياد فى ولاية الجزيرة وبتنتج لبعض الولاية
حــــــــــــــــــــــــــــــكم
كانت سيارات إطفاء مشروع الجزيرة تساهم في إطفاء الحرائق بعد أن تقطع كل هذا المشوار و يكون وصولها تحصيلا للحاصل ... و بعد أن إحترق مشروع الجزيرة تماما و تم تمليكة للاحباب فأعتقد أن سياسة الاطفاء ستكون حسب نوع الحريق و مكانها و تخص من من الاحباب ....
إن إدارة الدفاع المدني قد تربعت في أجمل مكانين في مدني و هم مطار ودمدني في حي المطار و شارع النيل ... تري أفرادها تعتلي كتوفهم النجوم ولا عزاء ... الكشافة البحرية تلك النبته الشيطانية التي لا نعرف لمن تتبع و ما هو مصير الاموال الطائلة التي تجبي من تأجير مكانها ككافتريا و إجيار لنشاتها لتعدية الشباب لتدخين السيييجار و الجلسات الحالمة مع الجكس
ربك كريم يطفئ نارنا من تلك الهموم