كدي خليني أنكت ليك من الذاكرة أول مرة اتنقشت فيها كلمة تشبر دي في راسي 000
طبعا عينة اتنقشت دي بتدخل في باب التشبر اللفظي :p:p:p
لمن اتكسرت المزيرة القديمة المبنية لزوم العولمة وتوسعة الحوش الكبير 000
وده بدخل في باب التشبر الإنفتاحي 000
الأزيار اتنقلت لي حمالات الحديد العملا عمك قسم الله الحداد جارنا في المنطقة (الله ارحمو) 000
أها في شافع ما قام من بطن الواطة 000
قعد اتشابي 000
عشان امسك الكوز الفي غتا الزير 000
واتشابي واتشعلق 000
لحدي ما جاب الزير في الواطة 000
ومع كشروووووو 000
كان صوت حبوبتي أعلي 000
يا جنا التشبر ده يوم بلحقك حبوبتي 000
وساحبنا بي كل البرود التشبري 000
حبوبتك منو يا حبوبة 000
ومست وين (بدون نقط شين ) 000
أنا داير الحقا 000
أها 000
اليوم داكا لو ما عناية ربنا 000
وزي ما بتقول حبوبتي برضو 000
الشفع في عناية رب الشافع الأمين 000
ما كان المشاركة دي اتسجلت عندك هنا 000 ;):)
أها يا ود مرزوق 000
سعال حايم في راسي من زماااان 000
صحي التشبر ده بلحق حبوبة حبوبتي ؟؟؟ 000
وسعال تاني 000
صحي المتشبر مرات بنسي الزير الكان داير اودرو 000
وينشغل بي حبوبة حبوبتو منو ومشت وين ؟؟؟
وسعال تالت 000 في النسب وكدي
التشابي والتشعلق ديل من نفس عائلة التشبر والتقدر والقلاصة واللماضة بتاعنك ديل ؟؟؟
التوقيع 000
متشبر قديم 000
