عرض للطباعة
الإهداء :- إلى كل من يسبح عكس التيار ...أبحثوا عن وسيلة للإنقاذ ...
الحاج متحشر ... شخصية نجدها كثيراً فى أغلب محطات حياتنا إن لم يكن كلها ...
يحاول تمرغ أنفه فى الذى يخصه والذى لا يخصه ....
يبحث عن وسيلة لطبظ العين ... لا عن وسيلة لإضافة الكُحل ....
من مسته بصورة مباشرة فإنى أعنيه ... ومن لم تمسه ... فهو بعيد كل البعد عن مسار الفكرة ....
نترككم مع يوميات الحاج متحشر ...
فى شنو ؟؟؟؟؟؟
اشكرك من قلبى
واتمنى ان لا اكون انا المقصود
اقتباس:
المشاركة الأصلية كتبت بواسطة محب
هههههههههههههههههههههااااااااااااااااى
حلقات كوميدية يا محب
أتمنى تعجبكم
ليك كل المحبة
وخليك متابع معانا
اقتباس:
المشاركة الأصلية كتبت بواسطة حافظ شعبان
عمنا حافظ شعبان
الزول السمح الفات الكبار والقدرو
موضوع كوميدى يعالج كثير من المواقف فى حياتنا
زواج
خطوبة
علاقات انسانية
علاقات اجتماعية
كتبتها فى الفترة السابقة
فى اتصالك اليوم طلبت منى اواصل وما اقيف
قلت تكون عربون مواصلة
وتحية من هنا لى محل انت موجود
بتمنى تكون موجود معانا هنا
ولى عظيم الشرف بى طلتك
واصل ياعافب
يوميات الحاج متحشر
دا زول زي مابقولوا
عامل فيها ابو العريف
واي حاجه بيقول بعرفا
العم حافظ شعبان لو لم أكُن مبالغا ً فأنا أجزم بأن الكلمات التي سيأتي ذكرها قِيلت في شخصكم الكريماقتباس:
المشاركة الأصلية كتبت بواسطة حافظ شعبان
فمثلك من يجب أن نقف له إجلالا ً و إكراما ً و تقديرا ً و إحترام فأنت شمس تهب الضياء و فاكهة الشتاء
ما أجمل أن يكون الإنسان شمسا ً بين الناس
يلتمسون منه دفئهم
و يشتاقون له كل ما غاب
ما أجمل أن يكون الشخص زهرة
يسارعون الناس إليه كي تحضنه أياديهم
وما أجمل أن يكون الشخص كتاب
يتمنى كل قارئ يجلس بجانبه
كي يقرأ من كلامه قليلا ً
وأن يعتبر من حروفه كثيرا ً
همسة : منتظرين يا عقبة يوميات الحاج متحشر
اقتباس:
المشاركة الأصلية كتبت بواسطة ahmed algam
ابو العريييييييييييف يا احمد اخوى
لو جيت لى اى شئ هو سيده وبيعرفه
بيجمع ما بين الخبرة فى تصليح الكمبيوترات وبين حفر المقابر
ما بين تحليل مكونات الذرة ... وما بين توسير العناقريب
كل شئ موجود وبالكثرة
لك المحبة مقدما
اقتباس:
المشاركة الأصلية كتبت بواسطة moh_alnour
للعم حافظ شعبان مكانة خاصة
لا يحتويها أى شعر يا محمد اخوى
نحتاج حروفاً من دموع الفرح
ومن عرق الغلابا
لنستطيع أن نجمع بين طيبته ووقاره
أهدى له أبياتك الشعرية
لم يحن عندى موعد تقديم هدية تشبهه
أنتظر الزمان ليجود على بعمل أستطيع أن أهديه له
له كل المحبة الراسخة منذ ميلادى
ومنذ ميلاد الحب ايضاً
كُن متابعاً كما عودتنى دوماً اخوى محمد
لك المحبة والتقدير
الحلقة الأولى :-
علوية :- هى يا حاج مالك ما قمت لحدى هسع قاعد وخالف رجل فى رجل التقول ما من الحلة دى ...قوم يا حاج فز شوف ليك جلابية خش فيها وامش على ناس سليمان ود الحسن ديلك ..
الحاج متحشر :- ها مرة ما تناجضى ساى انا يا دوب جيت داخل خلى راحاتى ديل يبردن ...مالك واقفة لى فى حلقى ..
ناس سليمان عندهم شنو.؟؟؟
:- ما بكلمك خلاص وقت بتتماسخ فينى كدى ... الزول كان داير يسوى فيك خير ساى ما يلقى طريقة ...
:- لا لا على الطلاق تقولى ...
:- هى عليك الله فى داعى للتخسم حقك دا ... انا براى بقول ليك لكن صبرا يبل الابرى مافى ...
:- ها مرة صبر شنو والله الصبر الصبرته انا دا مافى زول فى الدنيا صبرو .... كفاية على اشوفك كل يوم وانتى مرتى وصابر ... والله مفروض يدخلونى موسوعة قنيص للأرقام بتاعة القياس ديك ...
:- والله انت راجل ما فوقك فائدة تب ... وانا الصابرة عليك وخليت ابوى براهو لى مرتو الجديدة بعد ما امى الله يرحمها ماتت وداير ات كمان تبقى لى فى حلقى ...الشكية لى غير الله مزلة ...انا ما كنت مرتاحة فى بيت ابوى ..زول ساى كان بيقول لى حاجة مافى ...علا هو غلطان العرسنى ليك ..
:- كدى انسى هسع ياخ ناس سليمان شن عندهم ..؟؟؟
:- قالوا بتهم الكبيرة البايرة ديك جاييها عريس ... وسمعت تحت تحت قالوا دايرين يعقدوا ليهو فد مرة ... ويدخولهو كمان .... اها امشى عليهم عشان ننستر معاهم ... ات زول واجب وما بيوصوك عاد ... قوم هديك الجلابية انا غسلتها وكويتها ومعاها العمة ...
:- والعريس الجاييها دا ود منو ؟؟ والله الواحد قاعد فى الحلة دى وما عارف اى حاجة ...
:- لا لا قالوا دا عريس من الخرتوم .... وشفت الحافلة جاية قبيل ومليانة رجال ونسوان سمينات زى بنات هارمونى ...كدى قوم شوف الحاصل وكان لقيتهم دايرين يعقدوا رسل لى شافع عشان اجى احضره معاهم ...
:- خلاص يا مرة النقوم امش عليهم والله كل شئ ولا التقصير فى الواجب ..
اها ودعتك الله ..
وصل الحاج متحشر بيت سليمان ... ووجد الضيوف ... فى العشاء ..
:- ها ناس لا سلام على طعام ...
:- وعليكم السلام ورحمة الله وبركاته
اتفضل اتفضل يا حاج
:- لا لا بارك الله فيكم والله شبعان تب ...ضربت لى كسرة بى ملاح ابيض والله ملانى تب بقيت لمبة ...
:- يا زول صلى على النبى ..
:- عليه الصلاة والسلام لكن على الطلاق ما بقدر ازيد فوقها .... ها ناس انا ما ضيف
شخص أنيق يرتدى جلابية ناصعة البياض ... يخلص من الاكل ...يسرع حاج متحشر ...ماسكاً الإبريق ..
:- كيف حالك أبو العريس ..
:- والله الحمد لله كيف صحتك انت ..
:- تمام التمام والله ومافى عوجة تب ...
:- اها ان شاء الله ربنا يتمم على خير .
:- آمين يا رب ..
:- اها يا العريس ناويين تدخلوهو متين ؟؟؟
:- والله ربنا يهون بس ويمكن شهر شهرين نتمم الموضوع ..
:- انت يا اخوى ولدك العريس دا ياهو اب دقينة داك ؟؟؟
:- آى ياهو زاتو ....
:- ومالو داير يعرس البنية دى ولدك شكلو محترم وولد ناس ..
:- كيف يعنى ؟؟؟؟
:- يعنى انا سمعت طراطيش كلام ساى قالوا البنية دى والله سمتعها فى الحلة تب ما كويسة
:- كيف يعنى الكلام دا ؟؟؟
:- والله نصيحتى ليك ليك ياخدها ولا يعرسها ولا حاجة وكمان سمعت قالوا لمن تتمو الخطوبة بعد شويه ناويين يعقدوا ليك ويدخلوك فد مرة ...
:- يا زول دا كلام شنو دا ....
والد العريس المفترض صائحاً :- يا ناس هوى ...قوموا من العشاء دا .. والله ما تكملوهو ... البت دى قالوا سمعتها ما كويسة ...
وقف الجميع مشدوهين وتسمرت ايديهم فجأة ...
وقع حاج سليمان على الأرض مغشياً عليه ... خرج الضيوف مسرعين ...وتبعهم حاج متحشر ... وصوت البكاء غطى على الزغاريد المفترضة
اللهم لا اعتراض على حكمك ..
نواصل
التصم خشمو على حجر وحاااااااال :mad::cool:
ناس غير الخراب ما بتعرف لي حاجه :)
وااااصل يا عقبه .. الشخصية النمطيه والموجودة بكثرة في مجتمعنا السوداني :rolleyes:
اتخيل بث يا العاقباقتباس:
المشاركة الأصلية كتبت بواسطة العاقب مصباح
امبارح في اتصالي بيهم في احتفال الرياض
"عمو" حافظ قال لي سلمي علي "الاخ" جمال":eek:
هسي ريحتني فيه جنس راحة:cool:
الواحد ماعايز يقوليك انه الحاج متحشر دا اصبح جزء اصيل من كل الشخصيات السودانية لكن غايتو بنواصل معك
واصل يامبدع
عقبة قصصك ممتعة ومشوقة لكن ادهشتنى اكتر من اندهاشة بت مارنجان ما بصدق انو يكون فيها شى من الواقع بالذات فى مجتمع القرية ولو دا حصل 0000000000000 يبقى انا عايشة فى المدينة الفاضلة
يا سيدى اهو كل يوم بتتغير المفاهيم والعاد
ات والتقاليد حتى فى انسان الريف البسيط ربنا يعين
اقتباس:
المشاركة الأصلية كتبت بواسطة عثمان جلالة
التصمو ساى ولا تخليهو ام بريش
ربنا ينتقم من يشبهونه وما أكثرهم فى بلادى
فى السياسة
فى الرياضة
فى الثقافة
فى الصحافة
خليك معانا يا حبيب قلبى
حبيبنا عقبة سلام اكوام..
يااخوى انت قلتا يوميات الحاج متحشر بس عليك أمان الله الاسم كان تتمو الحاج / متحشر المخسر ..الله يحججو فى جمل أعور ويطش بيو كدا فى غابة أكلين لحوم بشر ما يخلو فيهو لا لحماية لا عضماية المؤذى الله لا تريحو "مغيوظ منو غيظ"..
التحشر لغاية انو يجيب ليو شوية هوا للناس وللمتحشر هينة..بس الا حاج متحشر دا الله يأزاو متحشر ومدمدر لمن حولو والقرى المجاورة وعليهم عدم مراعاة توقيت وأكان جاهم يحضرولو الشلاليت..
اسلوب سهل ممتنع لذيذ وبكوميديا لا متكلفة او مصطنعة..
الرسالة واضحة وكبيرة وبتخش الراس توش ..وواصل يا مبدع واها اتفنت تب واتوهطت..علا برشكم دا مو حار ما تجيبلنا عنقريبك الهبابى السمح داك يخففلنا حرورية الوطا دى شوية..
تسجيل متواصل حتى يقضى الله امرا كان مفعولا..
الله يجازيكم يا العاقب ويا أشرف ويا الدرديري ويا الدسيس الواحد بقي يباري فيكم وفي قصصكم دي لما يمشي التوج .
حاجز لوج ياعقبة
حج
اقتباس:
المشاركة الأصلية كتبت بواسطة مدنيّة
عمنا حافظ شعبان متواضع لدرجة تفوق الوصف
لكن .. يمكن يكون قاصد جمال الوالى ياخ :p:p:p
تصرفات مثل هذا نجدها فى كل حيز من حياتنااقتباس:
الواحد ماعايز يقوليك انه الحاج متحشر دا اصبح جزء اصيل من كل الشخصيات السودانية لكن غايتو بنواصل معك
واصل يامبدع
يختار دائماً الفشل لتحقيق مآربه
لا يجد سعادته الا فى بث الفتنة
أسأل الله أن يكون مجتمعنا خالياً منهم فى يوم من الأيام
احترااااااماتى يا مدينة
تحياتى للأخ جمال :p:p:p:D:D
اقتباس:
المشاركة الأصلية كتبت بواسطة telecom
الرائعة منال
سلامات
لا يستحق الأمر دهشة
يستحق فقط نظرة منك بعين فاحصة
ليس حكراً على مجتمع القرية
فى كل مجتمعاتنا نجده
فى أماكن عملنا
فى تجمعاتنا
فى أسواقنا
فى مدينتنا
أردت سردها بلغة قروية لأنها الأقرب لتوصيل الفكرة ...
والحال يشمل عمومية ولا ينحصر فى خصوصية
أحذرى فقد تجديه بجوارك فى المكتب ...
لك كل أحترامى
همسة : الفكرة والنص من بنات افكار الكاتب ولا علاقة حقيقية لها بشخص
وياما خطوبات اتفرتقت وكتبت لها النهاية بسبب ذلك التحشر وتلك المضرة
تعرف يا العاقب انه الحاج ده موجود وبكثرة بس قول الشر بره وبعيد...
اقتباس:
المشاركة الأصلية كتبت بواسطة أشرف صلاح السعيد
الحبيب اشرف السعيد
إنه لمن دواعى سرورنا أن نجدك تلتحف البوست
فهذا الشرف تمنيته كثيراً
وها قد حصل
هذا يُضيف لى أعباء إضافية فى الحلقات
ودعواتك دى كان أخرتها شويه لحدى ما نشوف آخرته شنو يمكن تجى تخنقه ساى :d:d:d
يا اشرف اخوى ما بتلحق غيظى منو ...أصلوا هو زول فتن ... وقدر ما يشوف ليهو حاجة طاعمة بيجى يمسخها
نعمل شنو لى الزى دى ..؟؟؟
غايتو ربك يعين ويستر علينا منه ومن تصرفاته
ليك كل المحبة والاحترام وزيادة
اقتباس:
المشاركة الأصلية كتبت بواسطة ياسر عبدالرحمن
اهلا حباب شيخ العرب
والله تستاهل ضبيحة
خروف ضحية املح أقرن به غُرة
حبابك الف وشرفتنا والله
وخليك قريب نشوف عمايل الحاج متحشر
اقتباس:
المشاركة الأصلية كتبت بواسطة نخيل طيبة
الأخت نخيل طيبة
المصيبة أن مثل هؤلاء هم دائماً من يتصدرون الجمع بصوتهم وببعض تأثيرهم
بعضهم صنعته أموال ... وبعضهم صنعته حكومات ... وبعضهم صنعته ..قلة الشغلة البتعمل المشاط ...
لك كل احترامى على مرورك
وخليك متابعة معانا
معقولة يا عقبة شفنا ناس حشريين كثير لكن زولك دا اسلحة دمار شامل أدييييييييييل كدا ..
واصل المواضيع زي كدا تغسل الواقع افضل من اومو والكلوركس .. مع انه مع تايد مافيش مستحيل ..
واصل يا جميل ..
حبيبنا واخونا العاقب المصباح تحياتي يازول يا رائع وما اكثر المتحشريين في الدنيا دي تكون تتكلم في موضوع مع واحد يجيك واحد يدخل في الموضوع توووووش بدون مقدمات ويكون غلطان وما سمع الكلام سمح ويتسبب في مشاكل صعبة جدا وما في طريقة لحلها .ومرات يدخل نفسة في ورطة لا يحسد عليها .لكن زولك دا صعب عديل كدة . والسرعة في التحشر بتودي في داهية ههههههه ودي ذكرتني حكاية الحاج القال انتو قلتو بطانية ولا بطارية . تحياتي يا عقبة
اقتباس:
المشاركة الأصلية كتبت بواسطة العاقب مصباح
مؤسف هو حال مجتمعنا ان وصل لهذه المرحلة الخطيرة
فقد علمنا منذ زمن بان هذه الحالة منتشرة بين النساء , لكن ان يكون هذا حال رجل !!!!
فوااااسفااااااه
لا اجد مبرر لهكذا افعال غير البعد عن مخافة الله
فاي بشر عاقل هو الذي ينسى من يرانا ويراقب خطانا
ومن يتبع عورة مسلم وماذا قد يحل عليه من غضب الله ؟؟!!
بصراحة محزن جدا حال هذا ( المتحشر) والمؤسف اكثر هو احساسه باهمية دورة في الحياة من تنبيه وتوعية لاشياء لا اعتقد ان هناك من يريد متطوع من اجلها
العاقب مصباح
قلم مصباح
وحبر يلون صفحات الحاضر بالوان اكثر واقعية
سرد ممتع , شيق , ومُرتب
سعيدة انا بعودة قلمك المتالق لمساحات السرد الجميل
واتمنى الا يغيب هذا الابداع مرة اخرى
واااااصل وبدون فواصل
فانت تجيد فن آسرنا لايام عديدة
احتراماتي يامبدع