يا حليل ايام زمان ايام الزمن زين والشعر مغطى الاضنين

حليل ايام الزمن زين والشعر مغطى الاضنين


زمن جوز الحماااااااام كان تلاته فرد


ياخ جوز الحمااااااااام كان تلاته فى دى انا مصدق حبوبتى الله يرحمها قالت لى وكت كنا بنمشى

لى قفص الحمام تشيل جوز تجيك فرده مارقه معاهو زياده

هسع الحمااااام زاتو اتعدم والفى بقى كيف كيف كدا معفص ومدلقن الحمامه تلقاها زى الزرزوره الواقعه فى مويه

حليل ايام كنا نقيل ونحرس الدقيق فى طاحونة حاج الماحى

هسى دقيق زادنا قلل زادنا وحرم حجرة الطاحونه من لمة الناس

واصبح يردد ويبكى ملتاعا على الدقيق الكان مالى عليهو وحدتو


(الليلة يا مرواد عماي ،،، الليلة يا عشاي)



زمن كانت الليمونه تسوى جردل عصير هسى ليمون الزمن دا قدر ما الليمونه تمصرا

ما تطلع منها حاجه

وهى زاتا كانت بتجيك بى نكهة الاناناس



مخير الله

يا حليل ايام زماااااااان

ايام كان صاحبتك تلاقيك وابتسامتا ساده عليك الطريق

بالله ِ هسى مخير الله تطلع الصباح تلاقيها التقول عندها وجع ضرس صامه

خشوما ولا كلمه ولا فرة سن حته ما تديك ليها

كان الناس بتسلم عليك لم تحس انو النيل فاض ليك فى كتفك !!!

هسع الواحد يسلم عليك بى طرف مصابعنو

وعادى ممكن يتغاباك والغريبه انو بعرفك !!! ياخ الكلام زاتو بقى متباقص ومتناقص

كان بحجوك بى الكلام الزين الكلام السمح لمن تحس انو انت حبيب فاطمه السمحه

هسى الكلام يفطفطو ليك ويلوكو ليك فى صمة اضانك

زمان كان عملت مسكول

ساى الحله كلها الصباح تلقاها ضربت ليك وتقول ليك خير وتصبح عليك

هسى عادى كان نمرتك عند زول ولا بغلط يعمل ليك مسكول

وكان الله فتحا عليك ولميت فى رقمو ضربتا ليهو يعاين لى لنمرة ويقول العارض دا مالو !!!

مخير الله دا الزمن اتغير ولا نحنا البقينا كدا

زمااااااااااان كان سيد البطيخ يضبح ليك لورى كامل عشان تشيل ليك واحده سمحه وطااااااااعمه وسكرا زايد

يااااااااااااااااااه الله يستر

حاسى جسمى دا سخانتو زايده ومتهم نفسى بى طعيم فى الدم زى العندى

سكر كدا زايد فى دمى

حليلى انا الكنت محتفظ بى ربع رطل فى جسمى دا وعايش عادى

شوف الزمن دا اتغيييير كيفن

السكر بدل يكون فى القوة بقى فى الدم الملعقه كانت بتطعم عشرة فناجيل قهوه

هسى زاتو اتمحق وبقى مسيخ


مخير الله فى حكمو

وحليل ايام زمااااااااان

زمان كانو اهلك بختارو ليك عروستك وانت ما عليك علا تقول خير

هسع ماتقدر تختارها علا وهى طالعه من الحماااام

عشان تقدر تشوف الحقيقى من المزيف وما تتمقلب وتبقى فيك حكايت الدقوهو وشالو هدومو

لاقادر يمشى يخليها لاقادر يعيش معاها بى حالتها الراهنه

بالله العيون الصباح تلقاها عسليه والنهار تلقاها بنيه وبالليل تلقاهن نبسجيات

عشان تطقم مع فستان السهرة !!!

عيون ويلا علبة ألوان هن

ومخير الله

البنات غيرن العيون ما بغلب شى !!!



حليلو هو الزمن دا بقى لينا الشماعه لييييييييييييييه

مسكين الزمن ما منو مننا نحنا الغيرنا سماحتو

ومخير الله ومخير الله ومخير الله

ابهاتنا كان الواحد بصوط من غير ما يعرف المترشح منو !!

بس بكون سمع انو المترشح ناوى يعمل لى مشروع الجزيرة كذا وكذا ويحسن التيراب

تلقاهو هو وطريتو جوة غرفة التصويت يجدع صوتو ويمرق بى طوريتو نشييييييييييييييط

هسى بالله

صوتك دا يعملو ليك محاضره قبل ما تمشى تديهو ليهم بعد تدخل الغرفه تلقاهم ياشرو ليك على الصندوق الدايرنو !!

وهم عملو شنو غير فرتقو المشروع !! واعدمهو

بعد ماكان القطن الخريف بصب فيهو وهو لسه باقيهو ما اترحل شفتو الرحمه كانت كيف

هسى تفتش لى القطنايه البتختها فى الجرح ماتلقاها

ياخ انا واحد من الناس صوتى دا كان اتجلد بيهو ما بديهو ليهم !!

مخير الله دا الزمن بقى غير

أخونا ود سعدابي ،،، حكيك جميل وحلو ،،، وبسجل حضور معاك بس عاجبني آخر كلمات ولك التحية
"ياخ انا واحد من الناس صوتى دا كان اتجلد بيهو ما بديهو ليهم !!"

مخير الله دا الزمن بقى غير

ودسعدابى

دعنى ارتاح هنا قليلا واتذكر صاحب الخيال الواسع

الذى ذهب الى الدكتور يشتكى من علة فاثبتت الفحوصات

انه يعاانى من (فقر دم )

فقالها بصوت : نحن عيشتنا تطير .. الفقر دا فى اى حتة لااحقنا

حتى فى الدم ماداير يفكنا:p:p

*****

اختى الكبرى دائما ما تعيد لى نغمة ياحليل زمان .. وتتذكر بذلك ايام الداخلية

فى ذلك الزمن الذى كان (غير ) .. زمن الطلبة فيهو ياكلوا الباسطة فى غرفة الصفرة

ويزهجوا من كثرة الفواكه .. واخر القصة يكون فى مصاريف للخميس والجمعة كان طلعت

للاهل ... زمن جميل صاااااح ...


سعدااابى وين انت

لينا زمن منتظرين طلتك

(لا يغير الله ما بقوم حتى يغيروا ما بانفسهم)

نعيب زماننا والعيب فينا وما لزماننا عيب سوانا........................

اقتباس:

---

المشاركة الأصلية كتبت بواسطة telecom

(لا يغير الله ما بقوم حتى يغيروا ما بانفسهم)

نعيب زماننا والعيب فينا وما لزماننا عيب سوانا........................

---

يا أخونا الغالي العيب ما فينا نحنا العيب في الشلة القاعدة هناك وبتنظر فينا
وتغييرهم بقى صعب بس راجنو من العلي الجبار أن يلبسهم بأس بعض

اقتباس:

---

المشاركة الأصلية كتبت بواسطة أبو جودي

أخونا ود سعدابي ،،، حكيك جميل وحلو ،،، وبسجل حضور معاك بس عاجبني آخر كلمات ولك التحية
"ياخ انا واحد من الناس صوتى دا كان اتجلد بيهو ما بديهو ليهم !!"

مخير الله دا الزمن بقى غير

---

وانا ماعاجبنى شى علا طلعتك الحلوه دى

ياخ نديهم صوتنا كيف عشان بعداك يجلدونا بيهو هو زاتو لو نظرتا لى المتوفرين حالينا تلقاهم فاتو السن القانونيه للحكم !!

وكان نظرتا وقلت الشباب والدماء الجديده البقولو عليهم معارضه

ديل زاتم ما مؤهلين بعارضو من اجل المعارضه

ماعندهم فكر ولا مبادى

شفت نحنا اتغيرنا كيف !!!

مخير الله

ولك كل ما يجود به الزمن من جمال

اقتباس:

---

المشاركة الأصلية كتبت بواسطة عبدالرحمن مدثر

ودسعدابى

دعنى ارتاح هنا قليلا واتذكر صاحب الخيال الواسع

الذى ذهب الى الدكتور يشتكى من علة فاثبتت الفحوصات

انه يعاانى من (فقر دم )

فقالها بصوت : نحن عيشتنا تطير .. الفقر دا فى اى حتة لااحقنا

حتى فى الدم ماداير يفكنا:p:p

*****

اختى الكبرى دائما ما تعيد لى نغمة ياحليل زمان .. وتتذكر بذلك ايام الداخلية

فى ذلك الزمن الذى كان (غير ) .. زمن الطلبة فيهو ياكلوا الباسطة فى غرفة الصفرة

ويزهجوا من كثرة الفواكه .. واخر القصة يكون فى مصاريف للخميس والجمعة كان طلعت

للاهل ... زمن جميل صاااااح ...

سعدااابى وين انت

لينا زمن منتظرين طلتك

---

عبد الرجمن مدثر ارتااااااااح ساى وحيات الكفاح الشعبى انا الايام دى متفرجخ ليك فى حكاوى حبوبتى وبتزكر كلامها الزيييييين لمن تقول لى
باكر دى بنمشى نخطب ليك بت عثمان الحلبى
وانا بقول ليها لا لا داير بت جيرانا سعاد وهى بتقول لى مالا بت عثمان ما كان عندى ليها الاجابه وقت ذاك
بعد كبرتا عرفتا انو انا الدايرا
سودانيه كاملة الدسم مزاجيه كنهر النيل حين الخريف
وما كنت فاكر انها ممكن الزمن يغيرا
حليل ايام زمااااااان
اها
قلت لى زمان كانو الطلبه بياكلو الباسطه !!!
مخير الله هسى زاتا الباسطه بقو بكنو بيها لى الزول الطرطيبه ويقولو ليك حياتك باسطه !!
لانو لونا البوش ومهماج الفول

مدثر ياخ انا قاعد جته جوه الزمن الشين دا وفكرة جواة زمن الزمن زين

شاكر مرورك واضافتك الجميله
ولك كل ما يعترينى من حنين

ياخ ده كلام عجيب

نحن جينا زمن البنطلون الناصل والبلوزات القصيره ..
زمن الانترنت والدش والديجتل ..
مسسكولات شنو ياعمك بقى حب بالمانجر والفيس بوك ..
وبعد ده ونسه باريبا بليل للصباح وقفوا حال الحراميه ..

كان جينا لشكيل العيون هين الهين هينه كعب الباقى ناس سليكون والنجمه والبنسلين ..

اقتباس:

---

المشاركة الأصلية كتبت بواسطة telecom

(لا يغير الله ما بقوم حتى يغيروا ما بانفسهم)

نعيب زماننا والعيب فينا وما لزماننا عيب سوانا........................

---

مراااااحب يا تيلكوم

اقتباس:

---

المشاركة الأصلية كتبت بواسطة التيمان

ياخ ده كلام عجيب

نحن جينا زمن البنطلون الناصل والبلوزات القصيره ..
زمن الانترنت والدش والديجتل ..
مسسكولات شنو ياعمك بقى حب بالمانجر والفيس بوك ..
وبعد ده ونسه باريبا بليل للصباح وقفوا حال الحراميه ..

كان جينا لشكيل العيون هين الهين هينه كعب الباقى ناس سليكون والنجمه والبنسلين ..

---

التيماااان

يعنى حبنا اتغير وبقى حب من اول نقرة

وكان جينا لى الصاح هسى بينى وبينك كدا لو اديتك حلاوة شوكلاته واحده مغلفه والتانيه عاريه بتشيل ياتا ؟

اكيد حاتشيل المغلفه
تعرف كدى انظر ليك لى بت ما عامله الحاجات دى وبت مسويه فى روحيتا السبعه ومتا

شوف بتحس الجمال وين الجمال !!!

شكرن مرورك واضافة الحلوه
ولك كل ما تشتهى من جميل

حليل زمن الصبا الماضي و حِليل زهر الحياة الزاهر
حليل زمن الحبيب راضي و حِليل زمن الهوى الطاهر
آه لو آه تفيد مجروح و المثل القديم ساير
رهاب ما حصلوا الجاري سماك ما حصلوا الطاير

اقتباس:

---

المشاركة الأصلية كتبت بواسطة التيمان

و بعد ده ونسه بي أريبا باليل للصباح وقفوا حال الحرامية

---

;) :) ;)
;) :) ;)

يا حليل أيام زمان و أيام الزمن زين و الشعر مغطي الأضنين
من ما خليتو الكركار الشعر بقى زي ضنب الفار ;)
أرجو قبول هذا الرابط أخي ود سعدابي مع الود و التقدير
http://www.wadmadani.com/vb/showthread.php?t=22527

السيد المشرف حضورك يحيل الامكنه الى كرنفالات من الفرح
ويرجعنا زمننا زييييييين

ومشكور على الرابط الذى اضاف بعدا اخر للبوست

كلام مدناويه ذكرنى بى ابوى كان بقول بعد كل حفله والله الواحد بقى يشتهى التديك شبال !!!

الكركار كان خير غذا لى الشعر حسب طول شعر حبوباتنا

هسى بقينا فى جنس الهير فود بدل يغزى الشعر بقى يتغذى من الشعر

اقتباس:

---

المشاركة الأصلية كتبت بواسطة moh_alnour

يا حليل أيام زمان و أيام الزمن زين و الشعر مغطي الأضنين
من ما خليتو الكركار الشعر بقى زي ضنب الفار ;)
أرجو قبول هذا الرابط أخي ود سعدابي مع الود و التقدير
http://www.wadmadani.com/vb/showthread.php?t=22527

---

والله كنت عايزه امر بس على المواضيع

وكالعاده تجبرنا على التعليق يا رايع ( ودالجاك)

الشعر زى شنو قلتى لى........؟ هههههههها

اقتباس:

---

المشاركة الأصلية كتبت بواسطة منتهى

والله كنت عايزه امر بس على المواضيع

وكالعاده تجبرنا على التعليق يا رايع ( ودالجاك)

الشعر زى شنو قلتى لى........؟ هههههههها

---

منتهى

مشكورة كيفما اتفق

تحياتى

اقتباس:

---

المشاركة الأصلية كتبت بواسطة منتهى

والله كنت عايزه أمر بس على المواضيع و كالعاده تجبرنا على التعليق يا رايع ( ود الجاك )

---

كالعادة ما ح أقول ليك نورتي المنتدى لأنو المنتدى منور بي ناسو يا رباطابية يا .... تميها خيال ;)
منتهى و الله ليك وحشة و ليت الزمان يعود يوما ً فأخبره بما فعلت منتهى و باسطة و الرتينة و فدوى هشام السماني و مدناوية و شموسة ;)
تفحيطة : ياخ المسكول ما بكلف حاجة و بالعدم رسالة مجانية من أجل الأتصال :cool:

اقتباس:

---

المشاركة الأصلية كتبت بواسطة منتهى

الشعر زي شنو قلتا لي ........ ؟ هههههههها

---

التعليق عنوان بوست سابق للأخت مدناوية

ويا حلييلكم يا احبة وونستكم الحلوة فى مدنى الجميلة