عرض للطباعة
نحن فى جزيرة كولب اهل حضــارة ..http://up.graaam.com/uploads/imag-3/...9b2ecfcf55.jpg
نحن فى التـــــــــاريخ أصالة ..
نحن عنوان الجـــــسارة ..
نحن اكبر من مواجــــــع
نحن اصلب من حجـــارة ...
نحن عنوان للتـــعاون .... نحن تاريخ الحــــضارة ... نحن تاريخ الحضــارة نحن كاشف الاصالة
وفى الولياب انسابنا
لن نحكي ونقول من نحنhttp://up.graaam.com/uploads/imag-3/...1cf4bf0452.jpg
سنترك التاريخ والمجد والتراث يحكي ويقول
من هم النوبه وتاريخهم العريق
شعارنا ...... احياء تراثنا
اناشد كل الاعضاء بالاحتفاظ بهذه الصور
حتي نحافظ علي مكانتنا وتراثنا العريق
ياتاريخ احكي ليهم امجادنا
اتفرج علي جمـــــــال بلادنا
http://www.mjdislam.com/vb/imgcache/9268.imgcache.jpg
يا سِحنة نوبية
يا كِلمة عربية
يا وشمة زنجية
ربنا يحقق ليك كل امانيك الجميله شكرأ على مرورك هنا يا جميل moh_alnour يا سِحنة نوبية
نحن اهل الفرحه جينا
لاالمدامع وقفتنا ولاالحكايات الحزينه
لما درب الرايحه جابنا جابنا في هادى المدينه
ياولدى الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواى القلوب كضاب
ليك ضهر ولاسرجين ركاب السروج وقاع
شق ياولدى بحر التيه بتتدردر وتتودر
ولامن يوم علي تايتنا ديك ترسي
نعزك بالقبيل داخرنو ليك
الشوق بحر ياولدى بحراً تيه
قت ليك العليك ادرابو لا تنغش ولا ترضابو لاتنغش
في الزمن الزميم والكي يسوقو خلاف عشان الني
عليك الدور وتصريف الليالي بدور تشيل ما شلنا من الهم
ولا من دمعه ترمي الدمعه فوق دربك
روح يابا .. وابق قفاك لاتعاين ولاتعاين علي موطاك
ولا تندم علي خطوا تملي مشيتو لى قدام
وابقي العاتي زى سنطتنا زى صبرا نلوك فوق مرو زى الزاد
لاشيتاً نزل في الجوف ولابرجع ولا بنزاد
واركز للبجيبها الريح تقيف انت ويشيلها الريح
وابقي العاتي والدرب الوراك مسدود و شيل شيلتك
بقيت للنص لاحلما بجيب البر ولا حدود
وان بليتا اختا الرمله ما تقع البكان الهش
هي الممطوره مابتبالي من الرش
النعمه بتعرف عاطيها والجمره بتحرق واطيها
بالكيله عطانا و ما لقينا فوق جمر خطانا وما لقينا
يوم الوعد... ياحليوه فيك الدنيا ما كانت شروق
الا الارض متكشفه متبلمه مع انو من خير الخريف
لافحالها شال منطرحه خضرا وفرحه دوب تتشابي لي عين الشمس
من بت حليوه النفس بيضا كذا الحليب
والروح مشحتفه في البلود الفيها ريحتك
للبعود من فزعة الغربة البساسق فوكا
مو راجع ولا بالحيل قريب
الروح مشحتفه في الحبيب القلب بكر الدنيا ما شافت جديدو
ولا الحزن دقالو باب
وشفتي كيف يوم الوعد كيفنو مترامي الغمام
والقمري زغرد للبلوم النسمه هبت مرتين
يا حليوه يوم دقيت بارضك فاس خصيب والتانيه في
يوم الوعد والايد تسالم في الايدين
والام تقالد فوق جناها تشمو زين
وحليوه صاحيه حليوة ضاحيه كذا النسيم
والدنيا غيم وحليوة جد جد ياولد قول للبلد
قايل غناوي الحزن ليش شايل مساديرك مجامر دمع ليش
ليش يا بلد والناس تريد والدنيا كل ما نريد تزيد
تملا الايدين تفرح تهش
لو صحيح غنينا بالدمعه الحميمه ولو دموع الفرحه ما لاقت غنانا
بكره نرجع تاني للكلمه الرحيمه شان هنانا شان منانا
شان عيون اطفالنا ما تضوق الهزيمه
***********
القصيدة بصوت شاعرها:محمد طه القدّال