السوداني والنت

يقول

النت ده حاجة عجيبة خالص
تعرفت فيها على بنت



راسلتها في الميل .. وبدأ قلبي ليها يميل
غابت عني أيام وليالي .. دورت عليها في كل مكان
دورت عليها في جوجل وياهو وكتبت يا ناس ياهو



حبيبي تايه وين ألقاهو؟ ولا حد رد عليَّ
نصحوني ناس الخبرات .. قالولي دور عليها في الشات
الشات ده مليان بنات من كل الألوان والجنسيات
دخلت الشات .. ودورت من بين القنوات
ما لقيت اسمها من بين المسميات
كلمت لي زول من اليابان خبير في الكمبيوتر فنان


قلت ليهو هاو آر يو ، قال لي شنج ينج فاين ثانكيو
قلت ليهو أنا من السودان .. مشتاق لحبيبتي ولهان


قالي (شونج بينج يو) تلاقيها في الآيسيكو
دخلت ليها في الآيسيكيو
ولقيت حبيبي اللي ضيعتو


وبكل لهفة وشوق كلمتو
قالت لي : بدك شو؟
قلت ليها إنتي البنت اللي أدور عليها من زمان
قالت لي : أنتا من أيا مكان؟
قلت ليها أنا من السودان
وراسي مثل الرمان .. وكرشي شوي مليان
قالت لي : مامعئولة هيك إنسان


أنا بدي راجل فهمان أبظاي متل السوبر مان
ولونه أبيض فتحان .. مافي منو في ال
ولأني حلوه وبمشي متل الغزلا
وطرفي حلو ونعسان
ووجهي ينور متل الشمعدان
ما بأبل أتجوز من السودان




ولا أفريقيا ولا بلوشتان
بدي واحد فتحان أبيض متل الأسنان
ممكن يكون من شرق أوروبا
أو حتى من كردستان
لأني حلوة وبيضة من هذول أخلف صبيان
الزول بقى يقرى الكلام وهو زعلان
جالو اكتئاب وصار تعبان
كره حياته وصار ندمان
ترك النت وهو غضبان
وراح يدور على عروسة سمرة
من كسلا وأم درمان
مثل هذه القصيدة بكثر في المنتديات العربية ماهو تعليقكم

العز أهل يا ميدو

ليس هنالك نساء في الدنيا بروعة السودانيات

ولا بوعيهن

ولا بحنيتهن

هذه التي تري في الانسان لونه فقط اعتبرها من أفقر الناس

فهي من الداخل خاوية تماما"

والله بناتنا يوزنن دهب

ولا رايكم شنو ياجماعة

ولتكن هذه الكلمات التي نقلتها الاخت (ميدو) دافعا" لنا للتمسك بسودانيتنا


///أبومحمد///

تسلم ابو محمد علي زوقك الجميل وكلامك البعكس شخصيتك الاصيله

شكراً ميدو للشعر الحلمنتيشى والذى ينبه لحقيقة عزلتنا فى محيطنا العربى والأمر يستوجب وقفة من هذا الإنبهال والإنبهار بالعرب ونحن كسودانيين ينبغى أن نعتد بسودانيتنا وإنتمائنا الإفريقى ولنا عودة .
أبوبكر

شكرا اخي ابو بكر:) :)

سلام ميدو
اولا اضم صوتى الى ابو محمد و فعلا المرأة السودانية لها مميزاتها
الكثيرة و التى يستحيل ان توجد فى من سكن الشام
لأ كن اكثر صراحة كل بلد و له مميزاته و البيئة تلعب دور كبير جدا فى الشخصية
و اكثر النساء سترا هن السودانيات و ما يقص فى منتديات العرب من حوادث لزيجات يفوق الخيال و ما تنعم بعيش الا قرب أبن بلدها و لا ينعم ابن البلد برقد
العيش الا مع بنت البلد الاصيلة
و الموضوع يحتاج لصفحات من التواصل وعلى كل ابداع المرأة السودانية ظاهر
للاعمى و البصير و حتى لقاءٍ آخر فى نفس الموضوع
لك تحياتى و ودى

سودانية وشلوخها الستة ضاوية وجيها .........تلقاها المحننة ديمة كاملة جيهة صندلها وكت يفوح يظهر نضارها الفيها ............

.نعم عرجونة لآدنة وبرضو جد صنديدة ..........ساعة الشدة صلبة وناعمة ساعة الريدة

لاوة ريد ..........................تعال خليك قريب منى ......كتلنى هواك ونار الشوق ..........تعال غرقنى فى بحورك .........وأطفى الفينى بات محروق ......بريدك لو تكون جنبى ....وأطير فوق الخلايق فوق تعال وصلنى للأفراح ..وللريد من دواخل الروح .......أهمس قول بحبك انا ....بدغدغ زاتى صوت مبحوح .......صوت سباح فى بحر الريد ......وبى سهم الغرام مجروح .......جوة صميمى قول مشتاق ..بقول ليك آه انا الاكتر ....وجوة عيونى قول بهواك .....بقول ليك حبى ليك أكبر ........كتير أسالنى عن الحب ...بقول ليك طعمو زى سكر ...معاك مأسعد اللحظات ....يابسمة نجوم الليل .....يادهب الخزانة الحر ......ياروعة أصائل الخيل .......بحبك يافرس جامح ...قطع أنفاس وهّد الحيل .....وهّد الحيل

شكرا ميدو على الحلمنتيش – القرد فى عين أمو غزال – نعتز إننا سودانيين - والجمال الأصلى فى السودان

[QUOTE]كاتب الرسالة الأصلية myrelan
[B]سودانية وشلوخها الستة ضاوية وجيها .........تلقاها المحننة ديمة كاملة جيهة صندلها وكت يفوح يظهر نضارها الفيها ............

.نعم عرجونة لآدنة وبرضو جد صنديدة ..........ساعة الشدة صلبة وناعمة ساعة الريدة

لاوة ريد ..........................تعال خليك قريب منى ......كتلنى هواك ونار الشوق ..........تعال غرقنى فى بحورك .........وأطفى الفينى بات محروق ......بريدك لو تكون جنبى ....وأطير فوق الخلايق فوق تعال وصلنى للأفراح ..وللريد من دواخل الروح .......أهمس قول بحبك انا ....بدغدغ زاتى صوت مبحوح .......صوت سباح فى بحر الريد ......وبى سهم الغرام مجروح .......جوة صميمى قول مشتاق ..بقول ليك آه انا الاكتر ....وجوة عيونى قول بهواك .....بقول ليك حبى ليك أكبر ........كتير أسالنى عن الحب ...بقول ليك طعمو زى سكر ...معاك مأسعد اللحظات ....يابسمة نجوم الليل .....يادهب الخزانة الحر ......ياروعة أصائل الخيل .......بحبك يافرس جامح ...قطع أنفاس وهّد الحيل .....وهّد الحيل