هل سياستنا مهمومه بمظهر مؤخرة إمرأة والبنطلون ساتر لعورتها (( لبني يا حريفه)
قضية لبني والبنطلون الشهير انتهت علي غير التوقعات تم الحكم عليها بغرامه لم تدفعها لإيمانها بان لها قضيه دفعها عنها الصحفين فتنازلت عن القضية بدخولها السجن في حالة عدم الدفع ولم تكمل المسيرة حتي انتهاء فترة السجن فإن لم تدفع لماذا قبلت بالدفع نيابة عنها .... حكاية عجيبه ... ولاعجب من ذلك ابرمت صفقة بمبلغ طائل لنشر كتابها فى دار نشر فرنسية وهو مبلغ ما كانت تحلم به من عملها فى الامم المتحدة فى الخرطوم. طبعا القروش كلها تعود ليها... الله العن ابو ده بنطلون ... يا لبني يا بت الناس ابقي عشرة علي البنطلون ده لي قدام ممكن تعرضي في مزاد علني انا متاكد حا اكون اغلي من ملابس الفيس بروسلي وفساتين ام كلثوم كوكب الشرق ... بين دكتاتورية العسكر والنساء المسكينات الطلعوا معاك مظاهره وتأييد لقيتي الشهر يا بت يا حريفه والله لعابه احسن من رونالدينوا ... كتاب يحوي سيرتك الذاتية يتكلم عن نضالك السياسي من جامعة الجزيرة مرورا بقضية اشهر بنطلون يمر علي الحقب السياسية السودانية الي اخر القصه خلاس بعد ده دخلتي التاريخ مع المهدي وازهري ومحمد احمد محجوب وان افتكر شهرتك دي قريب كده ما في واحد بحصلا ولا ناس قريعتي راحت ناس عرمان وباقان وابوعيسي في المظاهرات الاخيره ما لقوا اعلام زيك ولا اتصل بيهم ساركوزي بالمناسبة يا لبني ساركوزي ده مشهور عنوا بحب البلوم يعني بتاع جكس ... لاكن يا لبني النسوان المسكينات الوقفوا معاك زي ما بقولوا المصريين اديتيهم بمبا فعلا والله ساذجات كان انتي بتتكلمي بي اسم تحرر المرأة نيابه عنهم وهموم الشكل النضالي لتحرر المراة والشعارات هو المظهر العام للمرأة (( أمراة مهمومه بمظهر مؤخرتها وجدل هل البنطلون هو ساتر لعورة المرأة)) وهيئة العلاماء الغبيانه تطلع في البيانات التي تضحد ذلك والتقدميين والشتراكيين والديمقراطيين رجالات هذا الزمن يعلنون المساندة في نضال لبني العالمي والمنتديات تكتب ... والكلام ده كلوا وراء بنطلون خلاس مشاكلنا كملت حسي يا بت الناس لو في جرايدك البتكتبي فيها دي بالرغم من انني لم اطلع علي اي مقال لكي ... اقصد قبل البنطلون او بعده ... لو كتبتي في تفشي ظاهرة الطلاق وضياع الابناء ومعانأة النساء في التربية بعد تهرب الازواج أو كتبتي عن الازواج البجو بي الليل لط سكرانيين الواحد في اقل سبب ادق مرتوا ممكن اصرف القروش دي علي السكر والاولاد بدون تعليم ده ما درب نضال كان احسن ليك اضيفك من البيت شعر نسبة تمثيل النساء 25% حسب اتفاقية السلام في الحق السياسي اها في درب نضال احسن من ده ... يا ربي ساركوزي والقنوات الفضائية بتعرف مهيرة بت عبود .... انا ما قلته ليك انتي بت لعيبه وحريفه الظاهر عليك وقت كنتي صغيره كنتي بتلعبي بلي طرنقاشه وضرابك جله حديد كبيره اصلوا انتي مع البناطلين دي ما كنتي فاضية لي لعب البربره مع البنات... في سؤال يا الاخوان نسيت اسألو انتو بنطلون لبني ده مع تسمية البناطلين الموضه الكثيره دي اليومين ديل بنطلون ناصل الزي البلبسوا شباب اليوم ديل (( اسمو ارميني)) ولا بنطلون مرفوع للصره (( اسموا المشنوق)).
