عرض للطباعة
السلام عليكم
تحياتي أقدمها لكم من مقامي الحالي بالخرطوم في السودان
ايوووووووووووووووووه السودان الواحد ده :)
أخيرا لقت الحنكوشه فرصه لزيارة السودان
ما تسألو تراب وسخانه كميااااااااااااااات
وزحمة المواصلات
وحاجات كتييييييييييييييييير
ترقبو مغامرات الحنكوشه في السودان :d:d:d
يا هلا فيك في بلدك
وعليك الله سلمي على ناس السودان
وفي انتظارك يا حنكوشة ;)
هــــــــلا حبااااابك ومرحب بيــــــك
حنكوشــه حقيقيــه ولاّ متحنكشــه:rolleyes:
هنــــــــاك فرق:p
هلا زهرة اللوتس
نتمنى أن تكوني قد وجدتي الجميع بخير و عافية
كما نتمنى لك ِ قضاء وقت طيب بين الأهل و الأصدقاء
و في إنتظار مغامرات الحنكوشة من أرض المليون ميل مربع
اهلا بيك حنكوشه في بلدك السودان لسة انتي ماشفتي حاجه خلي النور اقطع وتنومي في الحوش مع الناموس لاتقدري تدخلي من السخانه جوه ولا تقدري تنومي في الحوش دي عينه بس وفي انتظار بقية المغامرات ]
شنو الحكاية يا زهرة اللوتس
دا بث الشايفاهو في السودان - بالغتي واتألقتي لكن :D:p
سلام بسمة أمل رغم لم تمهدى ببوارق الأمل ببلادى..
صورى السودان بعيون حنكوشة أو خنشورة حتى بس ما تبقى ليا زى واحدة عزيزة عليا جدا كانت بتوصف ليا السودان وقالت جملة "يااخى دا شنو دا الناس والحيوانات ماشين سوى فى الشوارع"..طبعا حينها استغربت جدا جدا من الجملة لأنى قمت فى بيئة أنا والعجل والحمل كنا أصدقاء طفولة ..بس لما نظرت للموضوع من زاويتا لقيتا ليها حق تستغرب فبالخليج حتى اللبن والحليب ما شفنا ليهو فيها بقر ولا غنم ولا ضان إلا ياهو بتاع حراج الغنم "سوق الغنم"..
والتانى كان شاب بالثانوى ولما الجماعة جو ينومو بالحوش همس لأبو "بابا إحنا حنوم فى الشارع؟"..
واصلى وأدينا نشوفك حنكوشة ولا متحنكشة..
لك خالص تحايانا وانتي بين اهلك بالسودان
وكل عام وانتم بخير ونتمني لك دوام الصحة