عرض للطباعة
أخواني الأعزاء من مجلس الإدارة والمشرفين والقائمين على تحديث الموقع
ألفت انتباهكم إلى أن ما تم من تحديث وبالصورة التي نراها فمن الصعب الاستمرار في التعامل مع المنتدى
أولاً الشكل العام غير واضح المعالم
ثانياً أمس كان في شكل أفضل مما نراه اليوم بكثير ,،، وإن كان القديم أفضل من التحديث الجديد ،،،
ثالثاً نحن من المشاركين ما عارف الزائر الجديد حيعمل شنو للتعامل
وعليه آمل النظر في ذلك وبالسرعة المطلوبة حتى نفقد الكثير ،،، ولكم التحية والود
اخونا ابو جودي سلام الله عليك
يمكنك تغير الاستايل من اسفل الصفحل ع التنسيك الذي تراه مناسبا
خربشة :- الاخو هلالابي
شكراً على التوضيح
هلالابي على السكين.... أعمل حسابك
ولو وريتنا طريقة التلوين يكون أحسن عشان نوضح اللون المفضل ...
اقتباس:
المشاركة الأصلية كتبت بواسطة أبو جودي
الحبيب ابوجودي
يادوب ابتدات افهم طريقة عمل هذه النسخة المعقدة او الحديثة زي مال الادمن
و لكن يبدو لي المشكلة ما في النسخة وانما المشكلة عند الفنيين في المنتدى
اليوم احسن حالا من امس .
بس باقي يظبطوا الصحفة اللي بتفتح صحفتين دي
اقتباس:
المشاركة الأصلية كتبت بواسطة أبو جودي
الجماعة ديل شكلهم كملوا علبة الالوان
لكن كدي النجازف ليه حاجة
راسنا لفة لفة شديده لحدي مافهمنا الحاصل
همسة كده :-
الشكل الكان موجود امبارح موجود بي اسم vb4 Default style
أخونا العزيز العقاد
أهه ما دام فهمت الحاصل حصلني باللون الأزرق ده جبتو من وين ...
ومشكور أخينا مشرف الكمبيوتر على الإيضاحات
اها رايكم شنو في الاستايلات الجديدة
غايتو الاسود مع الاخضر دا عجبني شديد
سلامات
طبعا الي يوم امس كان عندي مشكلة مع المنتدي الصفحة مقسومة عندي لي قسمين والا اجر المسطرة اسفل الشاشة عشان أقدر اشوف المنتدي كويس ونص الصفحة كانت فاضية بس لما عرفتا معلومة انو الاستايل دا ما بيمشي مع المتصفحات القديمة نزلتا أنترنت اكسبلور 8 من النت ووالله الليلة يا دوب شفتا شكل المنتدي الأصلي خصوصا بعد اخترتا استايل أسمو Runq2010 انا شخصيا عجبني والله
كدي جربوا تنزلوا متصفح جديد او تحدثوا الانترنت أكسبلور العندكم زي ما عملتا وح تشوفوا النتيجة براكم
اختفت كل المشاكل مع اني اكتر واحدة عانييت في الاول بس هسة الحمد لله وبالنسبة للالوان فهي موجودة بس مع الجوطة الحاصلة ديك ما كانت ظاهرة والطريقة نفس الطريقة القديمة داير تنسق النص تنتقل الي الوضع المتطور بس اهم حاجة تحديث المتصفح عشان الاستايل الجديد دا ما بيمش مع المتصفحات القديمة
ودا الرابط الممكن تنزل منو المتصفح الجديد
http://www.microsoft.com/middleeast/...r/welcome.aspx
ما عليك الا تعمل داونلود وتتبع الخطوات البتجيك
شكراً الاخت تغريد
فـ 8 قد حل المشكلة
وقد جربت ذلك -
ولكن المشكلة ليست هنا المشكلة في الزوار والجدد
لا يستطيع احد أن يفرض عليهم تغيير الاكسبلور خاصتهم
وهذا ما يهم الجدد والزوار فنحن اهل البيت سنعمل كل ما نستطيع ولن نتوقف
لذا يجب تدارك المشكلة بأسرع وقت ولو بإستايل واحد
الوشوش التعبيرية ما ليها اي تعبير
وما ليها اي احساس ولا معنى
الحاجة دي ما ممكن تتعدل
اقتباس:
المشاركة الأصلية كتبت بواسطة esmat
طبعا يا عصمت الزوار والاعضاء الجدد لو متصفحهم قديم اكيييد ح يلاقوا مشكلة برضو في التصفح بس دا أنا بعتبروا حل مؤقت للأعضاء لمتابعة المنتدي الي ان يتم ضبط الاستايل الجديد ليناسب كل المتصفحات او حسب ما تراه الادارة من حلول بس حاولت أساهم في حل المشكلة علي حسب قدرتي وكل سنة وانت طيب يا عصمت وسنة حلوة عليك يا رب :)