مثبت ..... غير متحرك

الاخوة المشرفين سلامات

الاحظ كما يلاحظ غيري من اعضاء المنتدى ان هناك بعض البوستات المثبته لم يتم اضافه اي رد عليها لفترات تترواح بين الشهرين والسته اشهر
مثلاً في منتدى الجمعيات والروابط بوست بعنوان ( دعوة للبناء - احتياجات المدينة ) آخر تعديل تم عليه بتاريخ 16/06/2009 م

وبوست في المنتدى الاسلامي بعنوان ( التبرك والتوسط من اجل الدعاء) آخر تعديل بتاريخ 31/10/2009 م

ارى وبما انه لم يتم اي تعديل او ردود او تفاعل عليها ( فك التثبيت ) أو يكون البوست المثبت لديه فترة معينه في حال لم توجد عليه اي تعديلات

هذا الامر لا يخص البوستات المثبته من الادارة مثل (النظام الاساسي لمنتديات ودمدني) و كيفية انزال الصور وما الى ذلك

كلامك حلو لكن ..... ما بنحملو .... كلام زعل ما بنقصدوا

تخريمة : ان شاء الله تثبت في الكرسي الجنب الشباك

أخونا محمد أنا عندي رأي في ذلك ،،،
أنه أي موضوع يتم تثبيته بيكون انتهى يعني لو عندك موضوع عاوز تكتله قوم بتثبيته
في تلك الحالة قليل جداً من الأعضاء الذين يدخلون عليه وفي تلك الحالة بتكون فقدته المشاركة بسبب التثبيت
ده غايتو رأي الشخصي في ذلك

اقتباس:

---

المشاركة الأصلية كتبت بواسطة الجندي المجهول

كلامك حلو لكن ..... ما بنحملو .... كلام زعل ما بنقصدوا

تخريمة : ان شاء الله تثبت في الكرسي الجنب الشباك

---

جندينا المجهول سلامات

يعني عايز ( تكتلني) زي ما قال ابو جودي ولا شنو!؟
اها انا الشباك بقعد جنبو لكن بقفل الشباك من قبل
ما اقعد وخلي عنكبوتك ده يلقى ليهو شباك تاني فاتح

الكلام ده ما بتحملو انت ولا ناس تانيين!!؟؟

اقتباس:

---

المشاركة الأصلية كتبت بواسطة أبو جودي

أخونا محمد أنا عندي رأي في ذلك ،،،
أنه أي موضوع يتم تثبيته بيكون انتهى يعني لو عندك موضوع عاوز تكتله قوم بتثبيته
في تلك الحالة قليل جداً من الأعضاء الذين يدخلون عليه وفي تلك الحالة بتكون فقدته المشاركة بسبب التثبيت
ده غايتو رأي الشخصي في ذلك

---

ابو جودي سلامات

اكيد الموضوع يتم تثبيته لغاية وسبب ما قلنا حاجه
لكن الاسبابا تنتهي والموضوع يهمل وبرضو ثابت
والمناظر هيه زاتها والصور نفس المشاهد