مشكلة طريقة عرض وبيع الطعام في السودان مخالفة لابسط قوانين الصحة ..ز الاكل في كازبلانكا وكازنوفا في طريق سيارات وبالتالي اثارة الغبار والاتربة وكلها على الاكل ثم بايع الاكل لايستخدم قفازات..فهل هذه تحتاج لوضع البلد الاقتصادي برضو ول تلاعب بصحة المواطن يا وزارة الصحة فاين الاهتمام بالاجراءات الصحية على بايعي الاطعمة......
صباح الخير / السودان دولة افريقيه والعالم كلو بيعرف افريقيا وبخصوص الاكل وبيعه فى الشوارع عادى جدا والحافظ الله وبينى وبينكم الشماشة الباكلو فى الشوارع لا بمرضو ولا حاجة حتى ملاريا ما بتجيهم وامشو اعملو مسح ميدانى وارجعو لى
قديكون كلام الاخ ودسمير به شيء من الصحة
بس الوقاية خير من العلاج
والشماسه ديل ليهم الله عارف ظروفون
وربنا يحمي الجميع
يا ود علقم خليك من اكل الشارع خش ليك اى مطبخ سودانى وافتح اى حلة طبيخ وشوف الزيت كيف مغطى الطبيخ ومستشفى القلب بالخرطوم مرضاها كترو من امراض القلب والشرايين . وقبل ذلك فى ملاحظة بسيطة الناس قبل الاكل تغسل يديها على الماشى ومرات طرف الاصابع وبعد الاكل الغسيل بالصابون ! من انو العكس هو الصحيح . والله يا ود علقم مشاكلنا كتيييييييرة ونحن عايزين 100 سنة عشان نتثقف شويه وحتى الان القنوات الفضائية ليس لنا منها الا الكورة والافلام والمسلسلات الهايفة اما القنوات العلميه والتعليميه لا يمكن الوصول اليها ( خارج الشبكة)
الاستاذ ابو ريا تحياتي،،،،،،،
مسؤولية مشتركة بين المواطن
والجهات المختصة..
ما الذي يجبر المواطن لشراء
اطعمه معروضة في قارعة الطريق
او من يبيعها لا يهتم بما يترتب علي
ذلك من اضرار قد تفتك او تودي
بحياة الآخرين..علي الجهات المختصة
وضع لوائح وضوابط صارمة حول هذا الموضوع..
ولك ولجميع المتداخلين كل الود والاحترام،،،
عملت في الرياض لفترة قصيرة ... و كنت أدير مؤسسات الأمير مشعل بن محمد بن عبد العزيز ... كانت نشاطات المؤسسة متعددة و متنوعة و برغم الحماية التي تجدها المؤسسة إلا أن المطاعم كانت أكثير الأماكن إثارة للمشاكل و تكدير صفوي ... فقد كانت تأخذ جل وقتي لحل مشاكلها مع الصحة و البلدية ... فكانت أول مرة في حياتي أسمع عن مصيدة الزيوت و أعرف أن مواصفات المطعم لابد أن يكون مكان إعداد الطعام منفصلا عنها و بمواصفات تقاس بدقة متناهية ... و مكان إستقبال الزبائن له مواصفات دقيقة ... و نوع و مكان الثلاجات بمختلف أنواعها ... و كذلك المخزن و العمال و ضرورية نظافتهم الشخصية .. فكانت هناك حملات منظمة تدقق حتي في أظافر و شعر العمال ... و كانت البلدية تتجرأ و تفتح الثلاجات و تفتش كل الاركان تقيس الزوايا و الاركان ... الويل لنا إن وجدت حتي قصاصة ورق صغيرة في المطبخ ... لم نسمع قط بالصحون من الالمونيوم أو البلاستيك ... قانون صارم يتحكم حتي في حجم اللافته أمام المحل ...
وقد رفعت صورة من مطعم كشك علي صفحات هذا المنتدي تظهر فيها ملابس الطباخ القذرة و الترابيز المتهالكة المليئة بالصدي و الصحون المتشققة و حافظة الماء التي بهت لونها ...
والله يا اخوتي لازم التطور في الصحة ... البايع على سبيل المثال يمسك العيش باليد وكذلك الطعمية والسمك المحمر وبدون لبسه لقفازات اواستخدام لاقط طعام والسؤال هل يده نظيفة .. اين وضع يده قبل مسك الاطعمة.. ناهيك عن مسح اليد في العراقي او البنطلون..زيا جماعة اوسخ المطابخ في السعودية المطابخ السودانية.. أكثر جنسية لاتهتم بالمظهر العام في السعودية السودانين .. لماذا هذا الاستهتار بالنظافة ... هل نحن شعب وسخان..ز
اقتباس:
المشاركة الأصلية كتبت بواسطة خالد أحمد الصول
اعتقد انو دي الصورة البتقصدا يااستاذ خالد
http://www14.0zz0.com/2010/02/23/17/542884674.jpg
ده كلو هين
بس انشاء الله بقولو بسم الله
هو السودان فيهو حاجة صاح والله لا طعام ولاشراب ولا حتى مستشفيات . وحقو الغو وزارة الصحة ...
اشكرك يا أحمد علقم على الصورة المعبرة وصراحة أنت صحفي شاطر بس شكلها هواية