حاكم إمارة دبي يعين قاضيا سودانيا رئيسا لمحكمة التمييز

دبي 10/2/سونا/ أصدر الشيخ محمد بن راشد آل مكتوم، نائب رئيس الدولة رئيس مجلس الوزراء بصفته حاكماً لإمارة دبي، مرسوماً بترقية قاضي محكمة التمييز -السوداني الجنسية-الدكتور علي إبراهيم الإمام علي، وتعيينه رئيساً لمحكمة التمييز، على أن يعمل بالمرسوم من تاريخ صدوره، وينشر في الجريدة الرسمية.الجدير بالذكر أن الدكتور علي قد شغل منصب رئيس عام المحاكم في السودان


تخريمة : الانسان السوداني مبدع اينما كان واينما حل ولكن ( الله يجازي اللي كان السبب ) ورفعت راسنا يا دكتور اسال الله ان يمتعك بالصحة والعافية وان يوفقك في منصبك الجديد ..... ( وصدقني لو ما نت أهل لهذا المنصب لما وصلت إليه ........ ) فهنيئاً لأهلنا في الامارت بك

الجندي الهمام..
ياخ الكادر البشري عندنا
والنيل عندنا والارض عندنا
وكل شي بالكوم زي ما بيقولوا..
المشكلة وين؟؟؟؟؟؟؟؟؟؟؟



كلوا منك يا وارغو...
وكلو منك يا التش تش..

ووالي القدمبلية ذاتو عندنا...

هكذا هم ابناء السودان يعمروا اينما قطنوا

والله رفعتا راسنا فوق

ارفــع راسـك انت ســوداني,,


الامارات ودبي خاصه هي العالم الحقيقي الجديد

مش زي ناس كده:mad:



تخريمه لابو تخريمه جنـدينـا::::---- ده لو كان عندنا هنا في السعوديه كان مسكـوهو شنـو:confused:

اقتباس:

---

المشاركة الأصلية كتبت بواسطة الفخيييم

الجندي الهمام..
ياخ الكادر البشري عندنا
والنيل عندنا والارض عندنا
وكل شي بالكوم زي ما بيقولوا..
المشكلة وين؟؟؟؟؟؟؟؟؟؟؟


كلوا منك يا وارغو...
وكلو منك يا التش تش..

ووالي القدمبلية ذاتو عندنا...

---

حبيبنا صباح النور عليك يا زهور

كله عندنا وريني العلة وين هل في الصالح العام الذي ابتدعته الحكومة أم ماذا ؟
وابشرك هم كثر امثال هذا القاضي الهمام

اقتباس:

---

المشاركة الأصلية كتبت بواسطة ahmed algam

هكذا هم ابناء السودان يعمروا اينما قطنوا

والله رفعتا راسنا فوق

---

حبيبنا علقم صباح الورد

طيب كلم لي ناس جوه ( الذين يضعون الرجل الما مناسب في المكان الما مناسب ) يعني شغل ولاء ومصلحة وترضية ليس إلا وهذا ما أضر بالبلد !!

اقتباس:

---

المشاركة الأصلية كتبت بواسطة محمد حسين (المميز)

ارفــع راسـك انت ســوداني,,


الامارات ودبي خاصه هي العالم الحقيقي الجديد

مش زي ناس كده:mad:



تخريمه لابو تخريمه جنـدينـا::::---- ده لو كان عندنا هنا في السعوديه كان مسكـوهو شنـو:confused:

---

حبيبنا المميز وفي رواية أخرى ( محمد حسين الشربيني)

هل الحكومة عندها خبر بأنه هنالك نفر لهم امكانيات كبيرة ويمكن الاستفادة منهم ؟
اديك الاجابة انا !
ايوة عندهم !
بس ردهم بيقولوا ليك دا ما موالي للنظام ؟
يعني ما في زول بيعاين في مصلحة البلد ( السودان) المهم النظام ........ ولا حول ولا قوة إلا بالله

تخريمة : العنكبوت لا بس بوت ( دا اخر فيلم )

رد على تخريمتك : كان عينوهو والي للقدنبلية

بالمناسبة : والي القدنبلية شعبيتوا مية المية

انا أحد المؤمنين بأن السودان به كوادر عظيمة جداً
وربنا يوفق مولانا ويعينه على ادارة المنصب الجديد
على اكمل وجه .

لكن السؤال الذى يطرح نفسه وكلنا على علم بهذا السؤال
هل السودانى يعمل بنفس الجد الذى يعمل به خارج بلده ؟؟؟
ولا بعدى الدوام كلوا ونسه وضحك وشمار وفطور وشراب شاى زى ماعرفين كلنا

اقتباس:

---

المشاركة الأصلية كتبت بواسطة ابوالشباب شوشه

انا أحد المؤمنين بأن السودان به كوادر عظيمة جداً
وربنا يوفق مولانا ويعينه على ادارة المنصب الجديد
على اكمل وجه .

لكن السؤال الذى يطرح نفسه وكلنا على علم بهذا السؤال
هل السودانى يعمل بنفس الجد الذى يعمل به خارج بلده ؟؟؟
ولا بعدى الدوام كلوا ونسه وضحك وشمار وفطور وشراب شاى زى ماعرفين كلنا

---

ابو الشباب شوشة وابو الناس كلها ،، تحياتي

عندما خرج الانجليز من السودان تركوا لنا ( فن لادارة ) والان اهم ما يميز السودا سوء الإدارة ؟

ولا عجب في الفطور والشاي والليلة فاطرين عند ناس المدير لانه عمته جات من الحج ( عالم يضحك) وبتاع الختم سافر الجزيرة لان ود جيرانهم (يوم الخميس الطهور بتاعوا) الختان وهكذا ،،، لكن بره مافي مجاملة 8 ساعاتك دي بتشتغلها بتشتغلها ( وبيني وبينك كدا احسن ) لانها عرق بحق وحقيقة ولا اعتقد فيها شبهة الحرام

نسأل الله العلي القدير ان يعين مولانا علي هذا المنصب الجديد وفعلا يوجد في السودان سوء ادراه وفاساد اداري وحذف أهم الكوادر البشريه الي الصالح العام دون اي أسباب

سبحان الله والحمد لله
الان في دولة قطر اغلب القضاه سودانيون الجنسية واكبر الاطباء والاختصاصيون سودانيون الجنسيية اكبر الموظفون في بنك قطر الوطني . حقيقة لدينا كوادر عظيمة من العلما
لكم التحية