اصواتنا تعكس امانينا بدوة اسلاميه ام علمانيه

بما ان الترشيح للانتخابات علي الابواب ,,,,فلابد لنا التفكير بعقلانيه وسؤال انفسنا عه اسئله:

هل هناك من يستحق ان نعطيه صوتنا؟؟؟

هل لابد لنا من المشاركه باصواتنا؟؟؟

هل نعتبر اصواتنا امانه يسالنا عليها اللله؟؟؟


هل نعي حقيقة اعطاء الصوت لمن هو بغير محله قد يفسد علينا ديننا ودنيانا

هل نعرف حكم اعطاء الصوت؟؟؟


اذا رايت انه لايوجد من يستحق الترشيح هل يجوز حجب الصوت؟؟؟واذا اعطيناه لمن نعطيه بهذه الحال؟؟؟


قرات فتوي للشيخ الجليل عبد الحي يوسف علي قناة طيبه مفاده فيما ورد اليه هذا السؤال الاخير من احدهم,,,,

انه لايجوز حجب الصوت ويجب ان نعطي اصواتنا لخير من ترشح لان البلد لاتجلس بغير رئيس

وسمعت فتوي اخري لهيئه علماء السوان بان لايجوز ترشيح الكافر علي المسلم



وصوتك امانه

اقتباس:

---

المشاركة الأصلية كتبت بواسطة ام نوران

قرات فتوي للشيخ الجليل عبد الحي يوسف علي قناة طيبه مفاده فيما ورد اليه هذا السؤال الاخير من احدهم,,,,

انه لايجوز حجب الصوت ويجب ان نعطي اصواتنا لخير من ترشح لان البلد لاتجلس بغير رئيس

وسمعت فتوي اخري لهيئه علماء السوان بان لايجوز ترشيح الكافر علي المسلم



وصوتك امانه

---

شكراً أم نوران علي البوست

لكن بيني وبينك شيوخنا ديل فتاويهم بقت موجهة يعني ما يقدر يقول يجوز حجب الصوت وإلا كوبر تشيلو ، عشان كده البمليه عليك ضميرك هو الصحيح .

شكرا اخي الكريم

ماعارفه ليه الكتابه راسي ماقدرت اقرا كل الكلام

لكن اسمح لي الكلام ده ماصاح انو نتهم الشيوخ بانو فتاواهم موجهه عشان ماوافقت هوانا او لاني بعارض الحكومه مثلا(سبحانك هذا بهتان عظيم)

ولااري من هو افضل من شيخ عبد الحي حصافه ومخافه لله (نحسبه كذلك)


والحلال بين والحرام بين يعني تفتكر مفترض نرشح ياسر عرمان ولا الصادق المهدي الذي مواقفه ايضا خارج الدين ولا مين بالضبط

عبد الله دينق نيال
موش شيخ وملتزم ويخاف الله ..

المشكلة الناس بتخلط
هل كل إنسان ملتزم بدينه ونحسب انه تقي ويخاف الله
مؤهل أن يدير دولة أو حتى قرية
من كان تقي ومتدين لا يعني أنه شاطر في الإدارة

الرسول صلى الله عليه وسلم قال لأبا زر الغفاري
عندما قال له ( الا تستخدمني يا رسول الله ) يعني عيني في مكان مسئولية
فرد عليه صلى الله عليه وسلم
( اراك ضعيفاً وهي أمانة ويوم القيامة خزي وندامة ) ..

ألم يكن ابا زر الغفاري تقياً ومن الصحابة ..

لا تخلطوا .. فالقيادة للمؤهل في القيادة فقط

اقتباس:

---

المشاركة الأصلية كتبت بواسطة ام نوران

هل هناك من يستحق ان نعطيه صوتنا؟؟؟
حتى ولو لم يوجد من يستحق, نحاول نختار الأفضل, ومن نرى أنه قد يقدم البلد ويطورها.

هل لابد لنا من المشاركه باصواتنا؟؟؟

في رأيي لازم نحاول نشارك, لأنو أكيد في كتيرين ما حيصوتوا , إما لاعتبارات أو ظروف, شوفي كم حيفضلو؟؟
وإذا فرضنا إنو كلهم غير مؤهلين ولا يستحقون الترشيح, إلافي واحد ممكن نديهو أصواتنا, وبالتأكيد بقية المرشحين عندهم مؤيدين,
فإذا كل واحد فكر إنو غيرو حيرشح الرئيس ده, ونام على كدة, شوفي عدد اللي حينوموا كم؟؟, وبعدين لما يفوز واحد من اللي ما مؤهلين حتبقى ندامة, لأنو الواحد حيفكر ويقول يمكن لو شاركت وأديت صوتي كان فاز المؤهل الوحيد!!!

الله يهون.

---

الله يديك العافية أختي أم نوران.:)

اقتباس:

---

المشاركة الأصلية كتبت بواسطة nehroo

عبد الله دينق نيال
موش شيخ وملتزم ويخاف الله ..

المشكلة الناس بتخلط
هل كل إنسان ملتزم بدينه ونحسب انه تقي ويخاف الله
مؤهل أن يدير دولة أو حتى قرية
من كان تقي ومتدين لا يعني أنه شاطر في الإدارة

الرسول صلى الله عليه وسلم قال لأبا زر الغفاري
عندما قال له ( الا تستخدمني يا رسول الله ) يعني عيني في مكان مسئولية
فرد عليه صلى الله عليه وسلم
( اراك ضعيفاً وهي أمانة ويوم القيامة خزي وندامة ) ..

ألم يكن ابا زر الغفاري تقياً ومن الصحابة ..

لا تخلطوا .. فالقيادة للمؤهل في القيادة فقط

---

ليس هناك خلط اخ نهرو

لابد من ان نجمع بين القوة والامانه في انتخابنا اكيد

بعدين متين عبدالله دينق مترشح؟

اقتباس:

---

المشاركة الأصلية كتبت بواسطة ام نوران

شكرا اخي الكريم

ماعارفه ليه الكتابه راسي ماقدرت اقرا كل الكلام

لكن اسمح لي الكلام ده ماصاح انو نتهم الشيوخ بانو فتاواهم موجهه عشان ماوافقت هوانا او لاني بعارض الحكومه مثلا(سبحانك هذا بهتان عظيم)

ولااري من هو افضل من شيخ عبد الحي حصافه ومخافه لله (نحسبه كذلك)


والحلال بين والحرام بين يعني تفتكر مفترض نرشح ياسر عرمان ولا الصادق المهدي الذي مواقفه ايضا خارج الدين ولا مين بالضبط

---

الأخت أم نوران

إنتي تري أنو الشيخ عبدالحي حصيف ويخاف الله ونحن نحسبه كذلك ، دي وجهة نظرك أنتي في الشيخ عبدالحي يوسف ونحترمها ، لكن أنا لم أقول أنو الشيخ عبدالحي موجه ، أنا قلت ما بثق في فتاوي شيوخنا لأنها موجه ولم أحدد شيخ بعينه ، ليه ما سمعتي من أفتوا سابقاً ورجعوا في كلامهم بعد ضغط الحكومة .

بعدين ياسر عرمان والصادق المهدي مابهم ( هل هم كفار ) أم غير سودانيين ؟؟؟ ، أنا كلامي ليك واضح قلت ليك البمليه عليك ضميرك رشيحيه . أنتي كدي نورينا منو البستاهل من المرشحين أن يكون رئيس لحكومة السودان وشعبه عشان نديه صوتنا ؟؟؟؟؟؟

الديموقراطية والانتخابات والترشيح والاختيار ..
تحتاج لوعي عالي لا غير ..
فهل نحن نمتلك هذا الوعي؟؟؟ ..

إذا كانت الإجابة بلا ..
فلا فائده من كل ما ذكر ..

اقتباس:

---

المشاركة الأصلية كتبت بواسطة ام نوران

بعدين متين عبدالله دينق مترشح؟

---

إنت يا أم نوران ما عارفة عبد الله دينق
مترشح وعاوزة تصوتي ؟

اقتباس:

---

المشاركة الأصلية كتبت بواسطة nehroo

إنت يا أم نوران ما عارفة عبد الله دينق
مترشح وعاوزة تصوتي ؟

---

والله انا البهمني موشعبدالله دينق ولا زيد ولاعبيد ,,,البهمني فعلا هو البشوفوه اهل للترشيح وبالتاكيد ماحيكون جنوبي حتي لوكان مسلم,,,وبصوره عامه كده الجنوبي المسلم ممكن يرتد!!!ويرجع لاصلو ,,,,,طبعا انا ماقاصده دينق نيال لكن عموما,,,,,وبعدين هسي البشير ده بنعرفوه لي الزيارات بزور الناس ,,,,ولاجنوبي ولايحزنون,,,,وبعدين حيكون معاهو مين نيال اذا حصل لاقدر الله؟؟


البهمني فعلا هو المشير البشير وبس

شكرا علي طرح هذا الموضوع المهم
كما ذكر في الفتوي ان الانسان لا بد من ان يدلي بالترشيح وعندما نرشح نشوف اخف الضررين ونترك المسؤليه علي رقابهم وهو المحاسب
ونقول اللهم لا تسلط علينا بذنوبنا من لا يخافك فينا

اقتباس:

---

المشاركة الأصلية كتبت بواسطة ياسر عبدالرحمن

الأخت أم نوران

إنتي تري أنو الشيخ عبدالحي حصيف ويخاف الله ونحن نحسبه كذلك ، دي وجهة نظرك أنتي في الشيخ عبدالحي يوسف ونحترمها ، لكن أنا لم أقول أنو الشيخ عبدالحي موجه ، أنا قلت ما بثق في فتاوي شيوخنا لأنها موجه ولم أحدد شيخ بعينه ، ليه ما سمعتي من أفتوا سابقاً ورجعوا في كلامهم بعد ضغط الحكومة .

بعدين ياسر عرمان والصادق المهدي مابهم ( هل هم كفار ) أم غير سودانيين ؟؟؟ ، أنا كلامي ليك واضح قلت ليك البمليه عليك ضميرك رشيحيه . أنتي كدي نورينا منو البستاهل من المرشحين أن يكون رئيس لحكومة السودان وشعبه عشان نديه صوتنا ؟؟؟؟؟؟

---

كويس يعني اتفقنا عالشيخ ,,,اما شيوخنا وبالذات مجمعنا الفقهي عامه انا اخالفك الراي بهم,,,,اكيد خاصه العلماء الربانيين منهم الذين لايفتون لشهوة ولا منصب ولاسياسه ولاغيره,,,

ياسر عرمان والصادق المهدي افكارهم علمانيه مضلله واقد افتي علماء السودان باستتابه الصادق المهدي بعد تصريحات مضللله ادلي بها,,,فتياره معروف ,,, ياسر عرمان حدث ولاحرج ولاتعليق!!!! ان كنت تري ان هؤلاء اهل للرئاسه فهذا فكرك

اقتباس:

---

المشاركة الأصلية كتبت بواسطة معتز الريح

الديموقراطية والانتخابات والترشيح والاختيار ..
تحتاج لوعي عالي لا غير ..
فهل نحن نمتلك هذا الوعي؟؟؟ ..

إذا كانت الإجابة بلا ..
فلا فائده من كل ما ذكر ..

---

صحيح ماذكرت اخي معتز لابد لنا من الوعي العميق

اقتباس:

---

المشاركة الأصلية كتبت بواسطة ابو رزان

شكرا علي طرح هذا الموضوع المهم
كما ذكر في الفتوي ان الانسان لا بد من ان يدلي بالترشيح وعندما نرشح نشوف اخف الضررين ونترك المسؤليه علي رقابهم وهو المحاسب
ونقول اللهم لا تسلط علينا بذنوبنا من لا يخافك فينا

---

شكرا ابو رزان لمداخلتك الجميله

اللهم لاتسلط علينا بذنوبنا من لايخافك ولايرحمنا

اقتباس:

---

البهمني فعلا هو المشير البشير وبس

---

سلام

طيب من الاول ليه كل الاسئلة دى

يجب علينا ان نقيس امور من يحكم السودان بمقياس العقل والوعى

بعيداً عن العواطف , وهذا مسلم وهذا جنوبى وهذا وهذا

السودان دا حق الكل من حلفا الى نمولى ومن سواكن الى نيالا

اى مرشح نشعر انه هو الاصلح (بمعيار القيادة والادارة ولم الشمل)

نعطيه صوتنا

أختنا أم نوران نشكرك على الطرح وخاصة في هذه الأيام فعلاً الناس محتاجين للنقاش حتى العندو رأي بنقاش الأخوان يصل إلى طريق واضح في الترشيح من عدمه
ولمداخلتي فقد أفردت بوست باسم الكاريزما ومع تجربتنا البسيطة في الانتخابات ونحن من جيل مايو يعني برضو لسه عاوزين نتعلم ونشوف ونعطي ما وصلنا له من خبرة لغيرنا وأمكن يكونوا هم أقدر منا بإقناعنا بالصواب
ورأي الشخصي فيمن تقدموا بالتحديد لمنصب رئيس الجمهورية وحسب ما زكرت من تجاربي لا أرى واحد منهم مؤهل عشان يحقق لينا ما نرنو إليه ولذلك سوف أمتنع عن الترشيح لمنصب الرئيس ولكن سوف أقوم لو وجدت للترشيحات الأخرى من هو أقدر وله برنامج واضح وخاصة يكون له مقدرة على تقديم شيء للوطن سوف أرشحه
وليس لي هنالك لون أو جنس أو دين فكل من يحقق ويكون حسب رؤيتي

2. "وطني"

بالمعنى الكبير الذي أفهمه فسوف أرشحه
غير ذلك سوف احتفظ بصوتي فقط
ونسأل الله العلي القدير أن يأتي من هو يحب الوطن بجميعه وبدون فرز

اقتباس:

---

المشاركة الأصلية كتبت بواسطة ابوندى

سلام

طيب من الاول ليه كل الاسئلة دى

يجب علينا ان نقيس امور من يحكم السودان بمقياس العقل والوعى

بعيداً عن العواطف , وهذا مسلم وهذا جنوبى وهذا وهذا

السودان دا حق الكل من حلفا الى نمولى ومن سواكن الى نيالا

اى مرشح نشعر انه هو الاصلح (بمعيار القيادة والادارة ولم الشمل)

نعطيه صوتنا

---

الاسئله دي عشان نقدر نحكم اختيارنا كويس,,,وبعتبر اختياري علي الاقل تجاوزها بدرجه جيده ان لم تكن ممتازه

السودان حق الجميع لي هناك من قال غير ذلك,,,,ولكن الحكم يكون بيد المؤتمن فقط والمؤتمن لازم يكون مسلم يااخي والا تاني الصلاه الناس مابتقدر تصلي,,,!!!!!!!! لازم يكون مسلم وشمالي كمان لان الجنوبيين غالبهم غير مسلمين ,,,,فهذه مجازفه