سير المكنة السبب لي اذى ؟
وغلبني النوم اليوم داك ومع انني لا احب الاغاني الهابطة ولا استمع إليها إلا وانا مكرها ( يعني قاعد في مناسبة أو كدا) ولكني تمردت على نفسي في ذلك اليوم وجلست اردد في نفسي :: تقوم بي العربية تودينا للسادة -- تقوم بي اها
وكل لحظة انظر للساعة ومرة اشغل نفسي بالتلفزيون ومرات ( الاعب الشيخ حمزة) ومرات اجري اتصالات وامني النفس بلقاء السحاب ....
وفجأة رن جرس التلفون وبالطرف الاخر يقول بحمد الله تحركنا الان ونحن الان في الطريق وقفل الخط وأنا من شدة الفرحة في لحظة واحدة ومن جوال واحد اتصلت على الاخ المميز وابو زيد وابو مازن ومحمد عبد الله (كان في السودان) وقلت لهم جدة حا تنور خلاص ( الفخييييييييم ) الضكر الاسد النتر في الطريق ليقبل شواطئ جدة ومعه الرمح الملتهب وهداف دوري مدني ( صديق شاني) وفرح الجميع وتم الاستعداد باكرا لاستقبال هذا النفر الكريم خاصة من جانب الاستاذ رضا ( لان الفخيييييييييم هلالبي ) ومن جانب معتز الريح ومحمد النور (لان صديق شاني ) مريخابي وهكذا مرت الساعات ثقيلة وبطيئة وقدر ما حاولت اشغل نفسي بي حاجة القى الساعات زي الماشة لي للوراء ...
فجأة رن جرس التلفون ( ما حق النور الجيلاني) وإذا بالفخييييييييم يسب ويلعن في حسني مبارك وسوزان وعلا وجمال ... انا قلت يا ربي الزول دا متأثر لسه بكاس افريقيا ولا شنو ....
اتضح ان الموضوع خاص بالسيارة لانه تم استئجارها من مكتب ايجار يقوم بادارته واحد من ( الاشقاء) المصرين والسيارة بعد 180 كيلو قطعت سير مكنة والجماعة باتو في الشارع ........
اها رايكم شنو ؟؟؟؟؟ في العوارض دي
