عرض للطباعة
[ الإهداء[/center]
للعزيز الرائع عبد الرحمن عبد الرازق center]
وفرحنا ليك
فرحة بيوت الحلّه
بي جية بعيد
وفرحنا بيك
زي التقول
اول فرح
واول غنا
واول قصيد
زي التقول زارنا الخضر
وادانا بي فرحة لقاك عمر جديد
وفرحنا بيك
فرحة عريس بالحنة
بشر للعديلة
ومدّ إيد
وفرحنا بيك
يازول كما اليوم السعيد
الاخ العزيز - درويش
حقيقة فرحتنا بيك ما بتتوصف
طلة بهية
ووزن جميل
حقيقة . . .
وفرحنا بيك
يازول كما اليوم السعيد
تحيااااااااتي
درويش جميلة هي الفرحة حين تاخذنا الي رحاب أوسع من كل الكون
عندها فقط نحلق بين غمامات الدهشة
تحملنا بين زراعيها الي حيث يكون تمام الكمال
قصيدة بسيطة الحروف أنيقة المداخل والمخارج وواضحة الاحاسيس
لا يتعب المرء حين يمر بين أبياتها
فسلاسة العبارات تصنع جسرا من التواصل مع المتلقي
مرحبا بوجودك معنا في المنتدي الثقافي طلة جميلة فرحنا بها جدا
لا تحرمنا هذه الفرحة يا درويش
فنحن دوما ننتظر طلة الأفراح
لك ولعبد الرحمن عبد الرازق كل تحية أحترام وتقدير
علي كل هذا الفرح هنا
دمتم بود
الحبيب درويش
حمد لله على السلامه
والبركه فى الشوفه
وفى اشتياق الى نظمك المنمق
وحروفك النديه
الأستاذ .. درويش
يا صاحب الكلمات البسيطة المعبرة
السهلة والممتنعة
ما أروع فرحتك .. وما أعمق فرحنا بيك
لا تدعنا نتوه بعيدا عن حروفك
كن قريبا دوما .. لتنثر فينا الفرح
وفرحنا تاني
كما الصغار
يتلموا ساعة ضحكة جات
منشة بي ريحة الخضار
وفرحنا بالاتنين سواء
ما عرفنا نفرح زي زمان
لكن كويس وباختصار
خليتو فينا الفرحة جات