خلف الله عذبتنا الجزء التانى
يدخل خير اللة على خلف اللة يلقى ليك سارح بى غنم ابليس ومقهى وفاتح خشمو
سلام عليك خلف اللة اخوى
خلف اللة بإندهاش منو شاكيرا؟
خير اللة : ااااااااااااة كمان جابت لها شكير ياخلف هووووووووووووووووووووووووووى؟ انت مابتفرق بينى وبين شكيرا؟ هوووووووووووى وتانى هووووووووووووووى؟ ركز معاى انا خيراللة تقول لى شكيرا
خلف اللة : حبابك اخوى خير اللة
خيراللة : ياخلف اللة اخوى مشيت صوتا؟
خلف : اى مشيت صوتا
خير اللة : لقيت التصويت كيف؟
خلف اللة : ياهو الناس تشيل وريقة كدا وتشختها وترميها فى صندوق قال ليك انا فارز لها حاجة ؟ بس الشى المزعلنى الحبر الابى يروح دا سوينا ليهو اى شىء ماطلع ماخلينا صابون ولا زيت ولا جاز ولا استون اى حاجة ابى يطلع بس لكن فى حاجات محيرانى فى ناس كدا قالوا الكلام دا تزوير
خيراللة: زى شنو ياخلف اللة؟
خلف اللة اها سألتنى اول هام (قلت لى انت خير اللة ماشكيرا يعنى)
خير اللة : ركزمعاى ياخلف اللة الحاصل شنو ؟شكيرا شنو يازول ماتفكنا ركز ياااااااااااااااااااااخلف اللة؟
خلف اللة: شوف عينى ياخير اللة اخوى الحاج احمد ودسعد مصوت للبشير
خير اللة : يازول هووووى ركز خلى الزهللة بتاعتك دى حاج احمد ودسعد دا مات قبل مايلدو شكيرا
خلف اللة : دا ماالمحيرنى زاتو اها دا ماهو تزوير؟
خير اللة : جابت ليها تزوير كمان اخجل ياخلف اللة دا ماهو تزوير دى كرامة من كرامات المؤتمر الوطنى بكون
الحاج احمد ودسعد اتبين وجا صوت للمؤتمر الوطنى عادى الكلام دا الشيوخ مش بتبينو؟
خلف اللة : طيب ياخيراللة المركز الجنبنا دا سجلنا فيهو نحن 933 نفر والمؤتمر الوطنى فاز فيهو بى 944صوت اهااااااااااا الحداشر ديل جو من ويييييييييييييييييييييييييييييييييين؟
خير اللة : ياخى انت كمان باقى الناس لاتسجل لاتصوت ياخلف اللة اخوى الناس ديل حسو بى انهم غلطو فصلحو غلطهم وصوتو للمؤتمر الوطنى مافيها حاجة دى ياخلف اللة عدى الكلام دا
خلف اللة: طيب المرشح النتيجة تصويتو طلعت صفر فى الدائرة النزل فيها مع انو هو صوت لى نفسو ومرتو
وعيالو صوتو ليهو طلعت صفر كيييييييييييييييييييييييييف؟
خير اللة : يمكن مرتو وعيالو غشوهو وصوتو للمؤتمر الوطنى
خلف اللة :طيب صوتو هو مشا وييييييييييييييييييييييييييييييييييييين؟
خير اللة : يمكن هو زاتو مامقتنع بى نفسو قال احسن ادى المؤتمر الوطنى
خلف اللة: طيب المرشح النزل بى رمز اللورى وبى قدرة قادر اتحول لى رمز الجرس اللورى دا بقى جرس
كيييييييييييييييييييييييييييييييف؟
خيراللة: ياخى انا قبيل مش قلت ليك ناس الوطنى ديل ناس عندهم كرامات عادى بقلبو ليك اللورى جرس
ماشيوخ وصالحيييييين عادى وبعدين ياخلف اللة فى واحد عاقل بختار اللورى؟ هسى دا يرسموهو
ليهو فى الورقة كيف ؟ هسى فى ورقة بتشيل ليها لورى؟ ماتركز معاى ياخلف اللة ياخى
خيراللة: هسى النتيجة يوم التلاتاء تجى عشان نمشى نحتفل بى فوز البشير ماتنسى ياخلف اللة التلاتاء
التلاتاء ياخلف اللة التلاتاء يلا فتك بى عافية
خلف اللة: اقيفى ياشكيرا ماشة وين
خير اللة : تانى شكيرا ؟ ياااااااااااااااااااخلف اللة عذبتنااااااااااااااااااااااااااااااااااااااااااااا ا
