اثيوبيا ترفض اتفاقية المياه

رفضت اثيوبيا جميع اتفاقيات تقسيم مياه النيل
الاتفاقيه الاولى كانت عام 1929 والثانيه كانت بين مصر والسودان وهى اتفاقيه غير عادله ابدا للسودان تمت فى عهد عبود ووقعها طلعت فريد الحكومه الكانت قبل عبود رفضتها ولكن حصل الانقلاب وهو انقلاب مصرى وطلعت فريد مصرى واصبح وزير الرى وتمت بكل سهوله لهم 43مليار ولنا 18مليار والمشكله كل الحكومات بتجدد الاتفاقيه وخايفين يلغوها رغم احتلال مصر لحلايب وعداوتها الواضحه لنا , لكن الاثيوبيين افضل مننا ماربطو نفسهم باى اتفاق , نحن متى نوعى ومتى نترك الخوف ونطالب بحقوقنا مفهوم السياده عندنا صفر والله الاثيوبيون رجال

انا سمعت الايام دي انهم عايزين يصلحوا الموضوع ده ويعقدوا اتفاقيه اخري

اقتباس:

---

المشاركة الأصلية كتبت بواسطة ام نوران

انا سمعت الايام دي انهم عايزين يصلحوا الموضوع ده ويعقدوا اتفاقيه اخري

---

الاخت ام نوران تحياتى
اثيوبيا رفضت الاتفاق الجديد او اى اتفاق الكلام ده جديد لكن ناسنا حايوقعوا اتفاق جديد

انا برضو قاصده ناسنا,,,وهم البهمونا

لك التحيه اخي معتصم

السلام للجميع
كلنا سمعنا عن رفض السودان ومصر التوقيع على الاتفاقيه الاطاريه الجديده وقبول اثيوبيا التوقيع بعد الرفض الاولى
من اهم بنود الاتفاقيه الجديده الغاء اتفاقية 1929 واتفاقية1959 وطبعا الاتفاقيتان كان فيهم ظلم للسودان وفائده لمصر .
رئيس الوزراء المصرى ومسول الامن حضروا السودان فى زياره مفاجئه لاقناع الحكومه السودانيه بعدم التوقيع وفعلا حصل
كنا تخلصنا من الرى المصرى والحصه القليله من المياه اللى فارضاها علينا مصر وليس دول المنبع يعنى كان الموضوع مثل الحلم ان يتم الغاء المعاهدتين لكن ضاعت الفرصه بسبب خوفنا من المصريين , وطبعا بعض الزملاء فى المنتدى حايكونوا مع قرار الحكومه ؟؟؟؟؟؟؟؟

الحبيب والاخ الاكبر معتصم ،، تحياتي

وازيدك من الشعر بيت مصر كمان انضمت لدول سيكافا ..

تخريمة : يعني تاني كرويا كاس سيكافا زاتو ما بنشيلو (نادو لي الفخييييييييييم)

سلام يا قريبي معتصم لك التقدير

اذن هي حرب المياه المبشرين بها من زمن قد بدأت الآن ونحن نجلس في مقعدنا المعهود خلف مصر تأيدا مطلق والتستر باتفاقية الاستعمار المجحفه لنا ايضا
السياده معناها اللغوي ان تكون سيد نفسك --- والغنائي مين اسيادك

الله يحررنا من تبيعة مصر في قضية مياه النيل

الاخ العزيز الجندى تحياتى

يعنى حسدونا فى سيكافا هم ورانا ورانا

قريبى محمد على شقدى تحياتى
مشكلتنا كبيره مع مصر ومع مفهوم الوطنيه كلنا تابعين لاحزابنا ومذاهبنا حتى لو كانوا ضد الوطن مشكله !