لغة الضاد المسكينة .. وليه التعتيم ..ليه؟؟؟

ملاحظة تكررت مرتين .. ولا أنكر أنها تضرسني هنا في السعودية ..
حيث ينطقون الضاد ظاء والعكس ..
وما فيها حاجة .. لأنو نحن السودانيين برضو عندنا مشكلة في الغين والقاف
والمصريين الألف والقاف .. والنهاية بحروف الاييييش ؟؟
هل نقول ما علينا .. ولا نقيف شوية


أفريقي يتكلم عربي .. ياخ أنا ما عربي ..
حاجة عجيبة كلمة عربي .. في السودان
وكمان لو قالو ليك إنت هندي ....
والعجب روسي ........
شوفو نحن عاجبانا نفسنا كيف .. وخلي حبيب ألبي .. في مكانه ..

وياريت البعوظة ترجع باعوضة
واللحضة تبقى أجمل لحظة ..

وفي النهاية ما فيها حاجة .. وخليك طبيعي
ولكم التحية

وكمان مشكلة السودانيين الذال والزين

هو تقريبا في بلد في مشكلة في الحروف ما فب بلد مافيه

السلام عليكم ورحمة الله

أولاً لو انا سوداني مية المية سبب واحد يخليني انطق الضاء ظاء او العكس ماف

ما مشكلة لو لخبطنا بين الذال والزال أو القاف والغين

لو قلت ليك (ذرفت) دموعي أو (زرفت) دموعي في النهاية انت بتفهم

لكن جربت اخت الظاء في محل الظاء أو العكس ما قدرت والله

لكن زي ما قلت يا عمدة

في النهاية ما فيها حاجة .. وخليك طبيعي

ليك مني قلبي السلام يا عماد وموضوعك حيوي وحساس

والله ياعمده انا كرهوني في اسمي ( ظياء الدين ) معقوله بس

أبو روان
زيكو
إبراهيم
ضياء الدين

شكراً على مروركم
يعيش يعيش يعيش ..
ونتمنى أن نرجع لأهلينا بالقاف والغين .. والذال والزين .. وبس
زين ولاّ ما زين ..
زين
مع التحية

تسلم

ومشكله
كذاب وكضاب
سحائى وسحاوى

انتا الختاج رجيب لغوى مين ياعماد صادق
الزول السين

زيكو . مروة .. والعِبيِّد .. لكم التحية


الله يسلمك ..


سحائي وسحاوي والذي منه .. ده يندرج تحت
ما يسمى بالدارجي .. المحلي ..


لكن .. البنطقو الضاد ظاء ديل .. ..
في نظقهم قلينا خليك طبيعي وعادي ..
ماقلنا حاجة ..

لكن كمان يكتبوا لينا الباعوضة .. بعوظة ..

ده البخليني أعمل فيها رقيب لغوي .. آآآآي

وتحياتي

اقتباس:

---

كاتب الرسالة الأصلية ابراهيم
السلام عليكم ورحمة الله

أولاً لو انا سوداني مية المية سبب واحد يخليني انطق الضاء ظاء او العكس ماف

ما مشكلة لو لخبطنا بين الذال والزال أو القاف والغين

لو قلت ليك (ذرفت) دموعي أو (زرفت) دموعي في النهاية انت بتفهم

لكن جربت اخت الظاء في محل الظاء أو العكس ما قدرت والله

لكن زي ما قلت يا عمدة

في النهاية ما فيها حاجة .. وخليك طبيعي

ليك مني قلبي السلام يا عماد وموضوعك حيوي وحساس

---

عماد الصادق .............. تحية واحترام
الموضوع شيق جداً ويحتاج الكثير من البحث ، وسنعود لمزيد من التفصيل ، وحتى الملتقى لكم منى كل الوداد.
ود الماذون

عماد الصادق
ألف مرحب وكل عام وأنت بخير

والله أنا شايف فى المنتدى كثير من الشباب والشابات بيكتبوا لينا لغة دخيله علينا ونحنا كلنا فى الغربة واحد بس الواحد لغته ما بحرفها مهما كان ولا بنحب نركب ماكينة بمواصفات خليجية لأنو عندنا فى السودان ماكينة سودانية تشتغل فى السودان وفى خارج السودان وكمان لو فى شىء بسيط خرب عندنا التوليف ولا شنو ياعمده .

في النهاية ما فيها حاجة .. وخليك طبيعي
:D :D :D

خالد .. Myrelan..أبوبكر
لكم التحية .. وشكراً على تعقيبكم ..
وأنا حأحاول أكون طبيعي .. بس إن شاء الله
ما في واحد يجي يعفصني تاني .. لأني ما بستحمل ..
وطوالي بكووووورك ..

اخى عمر الصادق

لعل علماء اللغة عندما ارادوا تسميتها اسموها لغة الضاد ولكن الغريب ان العرب المستعربة من يحسبون انهم اعراب وينظرون الينا عل اننا عبيد او خوال او .........................الخ هم من لا اصل له فى العربية او اللغة العربية منهم براء .
صدق اخى عمر انى فى الامارات ورايت من التجنى على العربية او لغة الضاد ما اهالنى وجعل راسى يقف شعرة فشعرة من الهول ولماذا.............لان التجنى على اللغة قد وصل الى مرحلة ان البلدية تصادق على لافتات تحمل العناوين الاتية
1- مسلخ الجمهور
2- منجرة عبد الغنى للنجارة
3- مخبز شاه مسعود للخبز
وما خفى كا اعظم


اخى الصادق واظنك صادق ما للغة العربية بعد ان رايت الا نحن

فنحن من قال د . عبد الله الطيب وهو من فطاحلة اللغة فى العالم العربى اجيد الانجليزية والاسبانية ....................والخ

وقليل من العربية تواضعا وتاسيا بقوله من تواضع لله رفعه

صدق بعد ان شاهدت ما يفعل الاعراب المستعربة للغة العربية وجدتنا احسنهم نطقا ولفظا وكتابة لها

ونحن من رفض لبنان والعراق عضويتنا فى مجلس الدول العربية

عفوا اخى


هذا او الطوفان.........................

الغريب انو لمن وصلنا للخليج والوظيفة تتطلب التعامل مع الجمهور قرابة اربعة اشهر يقولك مافهمت شئ ونحنا زاتو مابنفهم شئ ولعل دخول كلمات هندية في عربية في لهجات سودانية جاطت لغة الضاد ولقد درسنا اللغيات السودانية بالجامعة فوجدنا احرف تحزف واخري تنطق وتارة تضغم ومرة تفخم وطبق لنا ذلك حينما يقولك(دسعة)ل9 وجعنا ل جعلنا وسراط 0لصراط والامثلة كثر فلقابض علي لغته كالقابض علي الجمر0وياأخي عماد سوداني يسالمك وش لونك عساك طيب 0شن فضل تاني غير التفاتة مثل هذه في غفلة من الزمان0فالامر يتطلب بحث موضوعي للامر والا000000