أربعة سنين . . . معاك يا الآدمن
أربعة سنين معاك يا الآدمن ودرب الريد معاك ما عارف ليهو لون ولا طعم ولا شكل
أربعة سنين معاك ولا في يوم قلت لي تعال اقعد في كرسي الجكس ( قصدي الكرسي الساخن )
أربعة سنين معاك لا في يوم شلت لي موضوع قلت أثبته حتى ولو لساعة .
أربعة سنين معاك لا في يوم قلت الزول ده أشرحه لنجم الشهر ( المرة الواحدة الحصل فيها كده محمد نور قام غير القانون بتاع نجم الشهر ) .
أربعة سنين معاك في يوم قلت أرشح الزول الصابر علي ده لإشراف ولا حتى مساعد مشرف ولا حتى غفير منتدى .
أربعة سنين معاك وإنت توزيع في المناصب قلت أديهو إن شاء الله يكون ( أمين المال ) .
أربعة سنين معاك ولا حاولت تمنحي جائزة بتاع اكثر الموقوفين في المنتدى بعد ود المطامير .
أربعة سنين معاك وأنت عارفني أنا بحلم أكون ( الأدمن ) . . . ما حاولت يوم تتنازل لي منها ابداً .
أربعة سنين معاك . . . . . وكملت الصبر كلو
التوقيع : واحد مظلوم مقهور
