غلطة عمر

عطر فواح وريحه ند
كل ذكراه يوم ودع رمال واديك
خلى ورآه مائة باب وكم شباك
فاتحة عديل و ما بتنسد
كل القصة كانت غلطة العمر القصير بالحيل
يوم شد الزوامل و هج
و رافق دهشة الترحال وهمس الريح
و عانق كذبة البنوت و الدولار
يمة الدنيا ما دامت علي حالة
ولا قالت كلام مثبوت
كل ما امشي خطوة بعيد و أقول قربت
من شربت مياه النيل
ألاقي النيل رهاب و سراب
ألاقي خطاي ما بتنعد
لا باليوم ولا السنوات
ألاقي ولآد ضفاف النيل
شربوا رحيقه من أيدين بنات الريل
و أنا المفتون باسم الغربة و الترحال
اشرب كاس هوان الحال
و أتمدد علي طهري
اعد نجمات هجايع الليل
شريط الذكرى في جواي
أقول لي كفاك
ارقع في زماني الجاي
أنادي النوم ( تعال يا النوم تعال لي كفاي)
ولما النوم ازور عينيي
أشوف أحلامي في ولدي الصغير تاتاي

الجميل ود نقد
هكذا حالنا في هذه الغربة ( السجم )
نحلم بي مستقبل زاهر.. ويمر العمر بنا دون أن ندرى
وفى النهاية نغنى كلنا مع الشاعر

كل طائر مرتحل

عبر البحر

قاصد الأهل

حملتو أشواقي الدفيقة

ليك ياحبيبي للوطن

لي ترابه .. لي شطآنه

للدار الوريقة
تسلم يا ود نقد على حرفك الرائع

شكرا استاذ محمد علي التشجيع المستمر الف الف الف الف شكر