-
رد الرسالة .... شاكووش
للمبدع مختار دفع الله
تَانى كاتب لىَّ خبارك
انتَ قَايْل انّهُ لِسَّه
قَلبىِ تايهُ في مَدَارَكْ
دِىِ الدِيَارُ خَلْيتَها ذَاتَها
لَمَّاَ ضَاقت بَىْ ديارك
والبعاد الشايفو قاسى
ما زمان كان باختيارك
انت فاكر بنسى جُرحك
جيت تنمق فى اعتذارك
لما رحت تجور عليا
ورحت ابعد عن مسارك
تانى كاتب لى خبارك
***
الجواب الجاى منك
عندى صار ماليهو قيمه
والهوى الكان بينى بينك
عدى بالشوق والهزيمة
وهسَّه لمّا طريت هوايا
وقصة الذكرى الأليمه
جاى تانى عشان تعاود
للحكايات القديمة
***
ويبقى ردى على جوابك
يا جميل الرجعه لا...لا..
كونى ارجع ليك تانى
ألف مليون استحاله
ما الفراق انت البديته
يوم حرمت الروّح وصالا
وانت عارف البادىء أظلم
وايه لُزوم يعنى الرساله
***
والكلام الفى جوابك
كان بيعدِّى على زمان
قبلما تغدر عيونك
وقبلما يخونى الزمان
انت قايل قلبى بنسى
فترة الذّل والهوان
لا..لا..لا..لا
دىِ الكرامه العِندى أغلى
من عيونك والحنان
***
انت قايل انى ممكن
ليك أرجع تانى مرة
لا..لا..لا..لا
دَا الجرح ممّا استمر
لو حصل طيفك غشانى
ومرة في ذاكرتى مره
ببدا ينزف تانى مره
وتانى مرة وتانى مّره
يا حليل أيام عيونك
كان بتلهمنى المسره
***
أصْلُو كان خادعنى لونك
والبريق الفى عيونك
والكلام القلتو ليّا
كان بيخدع فينى زيفو
والجُرح في قلبي نوسر
وديمه زايد في نزيفو
.... وكنت برضو....!!
ممكن أهديك نور عيونى
شان عيونك منّى يرضو...!!
وأصلى حاسس طول سنينى
إنو أشواقى وحنينى
نقطة الضُعف الى فينى
***
الاّ هَسّه
إنت أنسى..
وحقو تنسى
إنو كان بيناتنا قصه
واصلو ماتعشم عيونك
انى بهواك انت لسَّه
***
انت لو فاكرنى بحزن
شان فراقك او جفاك
تبقى موهوم في عواطفك
اصلو قلبى زمان نساك
وابتديت انساهُ ليلكْ
والسنين الرّاحو ديلك
وانسى جور كُل الاماسى
الفيها كم قاسيتو ويلك
وانت لو فاكرنى بحزن
شان فراقك يا حليلك
يا حليلك..يا حليلك
-
قصيده رائعل للمبدع مختار دفع اختيار موفق يا ابراهومه..
ما اروع ان يكون الانسان صلب مهما يحمل من حب ...
-
أصْلُو كان خادعنى لونك
والبريق الفى عيونك
والكلام القلتو ليّا
كان بيخدع فينى زيفو
والجُرح في قلبي نوسر
وديمه زايد في نزيفو
تسلم يابرااااهومه دي كانت ريده غريبه بينهم
اديك العااافيه...
-
هووووووووي ده شنو ده مشوكش الاخ ولا شنو
-
انت لو فاكرني بحزن
شان فراقك .. يا حليلك
ويا حليلك ...
والله يا حليلنا نحن .. الفراقهم جننا عديييييل كده
تسلم يا ابراهومة يا رائع ....
-
مرحبا ابراهيم و ياسلام على ذوقك و الكلمات الراقية
الجواب الجاى منك
عندى صار ماليهو قيمه
والهوى الكان بينى بينك
عدى بالشوق والهزيمة
وهسَّه لمّا طريت هوايا
وقصة الذكرى الأليمه
جاى تانى عشان تعاود
للحكايات القديمة
و الله ابداع و شكرا لك و يعطيك العافيه
-
أخي وهيب ...
لك التحية
اسعدني مرورك
-
الحبيب ابو الخلد
حماكم الله وايانا من مثل هذه الشكواكيش
ههههههههه
-
ابو روان يعني انت ما عارفني مشوكش ولا شنو
اوع تضحك فيني
-
ابو الزعيم الغالي
ربنا يجمع
انشاء الله تلاقيهم
وتسعد بلقياهم
-
الزمن المريح
الله يديك العافية
وتشكر على المرور الطيب
