قصـــــــــــة ريــــــــد

بدايتي معاك بداية بسيطة بافتان
كنا بنقرأ في السودان
دخلته البيت مع صاحبا"ذكي وفهمان
وفجأة ظهرتي وأنتي صغيرة بي فستان
ظهورك كان ظهور عصفور فرح طربان
حرّك فيّ يا السمحة كتير وكتير من الأشجان
وزاد لقلبي من شوفتك من الخفقات

كنت صغير والمشوار أمامي طويل
اتصبرته واتجبرته واتحملته ما اتكلمته
ومر العام كما عامين
وزادت في الجمال دورين
خفته كتير...................
خفته كتير كمان يجي زول ويخطف للقمر ويشيل
يخليني شقي ومحروم علي خديّ دمعة تسيل
اتشجعيه واترجلته واتكلمته
كلامي كتير كلو جنون معاهو فنون
لقيت الحلوه جوه الزون
بديت اعمل عمل مضني واحسب لي السنين تجري
ومر من العمر سنتين
اتخرجته واتوظفته واتغربته حملته فؤادي بين كفين
وكان عبر الأثير بيناتنا كلمة جميلة بين أزنين
بتشفيني وتخليني أحس أيامي بس يومين
ومر من العمر سنتين رجعته محمل الكتفين
وفي أسبوع كانت فرحة في دارين
بدل قلبين قلب واحد
بدل نفسين نفس واحد
بينعل في مرارة البين
حياتي معاك جميلة وحلوة يا انسان
حياتي معاك كتاب مفتوح وراي مطروح يداوي حروح
ابوسمر

لك التحيه أخي أبو سمر..

امنحها كل ما هو متاح ..

ليكتمل الفرح بها لك..

شكراً أبو سمر لهذى الدرر التى تزين بها المنتدى .
ياخوى قصة الريدة دى باين عليها من الطفولة ، إلهى منكم ياناس عووضة ، الله إكفينا شركم .
ود الماذون

ياوهيب شكرا" علي المرور بين السطور ياغالي
ومزيدا من التواصل

اخي ابو بكر
لك التحية والتجله وانت تدلي في جميع المواضيع
باراء رائعة وجميلة تبث في الجميع روح الكتابه
اما قصة الريده دي خليها ساكت
أخوك كان ممكون وصابر لكن الله فك كربتو والحمد لله

يا سلام يا ابوسمرة والله نسق القصيدة جميل جدا
و احسست فيها بالعافوية الشعرية و قوة المعنى المبلغ بشى من البلاغة
و روح فنان يلون حروفه ورود الى احبابه
الله يديك العافية و مذيدا من الابداع

ألاخ الغالي الزمن المريح
اكثر ماأعجبني هذا الأسم الذي اخترته لنفسك
ونحن في هذا الزمن العجيب
لك شكري عزيزي لمروركم بين أسطري
مزيدا" من التواصل
ابوسمر